Malasɩ 1:5 - A SƐB-SÕW

⁵ A nyɩɩm Ɩsɩrayɛl nɩbɛ, nyɩ na nyɛ̃ nɩ a yel ŋa nɩ mimir ɛ́ yel: “A Sore wul'ɩ a ʋ kpɛnʋ tɩ gãw nɩ a Ɩsɩrayɛl tẽw tʋr-bɔwrɩ bɛr!”»

Malasɩ 1:5 ပူးပေါင်းရင်းမြစ်များ

2 Bibie za yel-manɩ 29:8

Lɛ n'a bɛ tɩ ɩ a Sore suur ìr a Zuda nɩ a Zerizalɛm ƴãw: ʋ bɛr'ɩ dɛ̃bɩ̃ɛ tɛr a ʋ nɩ-bʋʋrɛ, ʋ ɩ na bɛ ɩ pʋl-vʋ̃ɔ bom na ɩrɛ dɛ̃bɩ̃ɛ a, mɛ̃ a lɛ nyɩ mɩŋa na na tʋ̃ɔ́ cãà nyɛ̃ nɩ nyɩ mimie a.

Ezekɩɛl 38:16

Fʋ na wa na wa zɛb'ɩ a ɩ̃ nɩ-bʋʋrɛ Ɩsɩrayɛl, ɛ́ fʋ na pàw nɩ a ʋ tẽw mɛ̃ zũzuwr na pàw a tẽw a. A na cɛlɩ nɩ yaga ɛ́ à á ŋá wa bãw ɩ. Ɩ̃ na ƴãw nɩ a fʋ̃ʋ Gɔgɩ fʋ cen tɩ zɛb'ɩ a ɩ̃ tẽw, a nɩ-bʋʋr-yoru tʋ̃ɔ́ bãw mɛ̃ a lɛn daar ɩ̃ nãà wa wul a ɩ̃ sonu a bɛ mimirí a fʋ̃ʋ Gɔgɩ zũú a.

Ezekɩɛl 38:23

À ŋá n'a ɩ̃ na wul a nɩ-bʋʋrɛ za k'ɩ̃ɩ sɩrɩ na ɩ Naaŋmɩn, ɛ́ bɛ na bãw na kɛ́ mãa n'ɩ a Sore.»

Ezekɩɛl 39:9

A Ɩsɩrayɛl nɩbɛ na yi n a bɛ tẽ-bɛrɛ pʋɔ. Bɛ na gbɔw nɩ vũu ɛ́ nyɩw a bɛ dɔ̃ dem zɛbr bome bɛr. A zɛbr-kur-pãgalɩ za, a cãpili nɩ a bɛrɛ, a tamɛ nɩ a pime, a zɛbr-sɔ-bɛrɛ nɩ a kafine, à á ŋá za na gbɔw nɩ a vũu tɩ ta yome ayopõi.

Mise 5:4

Ʋlɛ n'ʋ na wa n a ƴã-ɓaarʋ. A Asiiri tẽw dem wa kpɛ paalɩ a tɩ tẽw ɛ́ kpɩɛr a tɩ yir-vɩɛlɩ vɩɛlɩ pʋɔ a, tɩ na ƴãw na na-mɩnɛ yaga yaga yi a bɛ ƴãw.

Wulu-ayi-sob 11:7

Yel-mɩŋa za, a Sore tõ-bɛrɛ ʋ na tõ a, nyɩ nyɛ̃ a na nɩ mimir.

Wulu-ayi-sob 4:3

Nyɩ nyɛ̃ nɩ nɩ mimir a lɛ a Sore nyɩ Naaŋmɩn na ɩ a Pewɔɔr Báàl yele pʋɔ a: ʋ kʋ n a bɛlɩ dem za, a nyɩ nɩbɛ pʋɔ, na tɩ tu a ŋmɩn ŋa pùor a.

Zozue 24:7

Lɛ n'a a nyɩ sãàkʋm-kore tɩ kõ bʋɔlɩ mɛ̃ k'ɩ̃ɩ sõw bɛ, ɩ̃ ƴãw lige a nyɩ nɩ-bʋʋrɛ nɩ a Eziptɩ tẽw dem cara pʋɔ. Al pùorí, ɩ̃ ɩ a kʋ̃ɔ-kpɛ̃ɛ kʋ̃ɔnɩ lɛb wa pàw bɛ. Nyɩ mɩŋa za bãw nɩ a lɛ ɩ̃ na ɩ a Eziptɩ tẽw dem a! Al pùorí, a nyɩ nɩ-bʋʋrɛ tɩ kpɛ n a wɛja-kpalɛ pʋɔ cɛlɩ.

1 Samɩɛl 12:16

A ƴɛrɛŋa mɩ̀ a, nyɩ àr a ka nyɛ̃ a nɔ-ɓãa-yel ŋa a Sore na na maalɩ a nyɩ mimié a.