Malasɩ 1:14 - A SƐB-SÕW

¹⁴ Baw-bio sob'ɩ a nyãnyu-yã-sob, na tɛr dʋ̃-kpɛn a ʋ dʋn pʋɔ, ɛ́ kõ nʋɔr nyɔw dʋ̃-bàal maal'ɩ bàwr kʋ̀ m a! Baw-bio sob'ʋ, bʋ̃ʋ n'ʋ vɛ̃, ɩ̃ ɩ n na-kpɛ̃ɛ a nɩ-bʋʋr-yoru na zɔrɛ a. A mãa, Sore Kpɛnʋ-za-sob, mãa n'ʋ yere.»

Malasɩ 1:14 ပူးပေါင်းရင်းမြစ်များ

Yele-za-pɛr-tib 27:12

Kapaw, a ɩ̃ sãà na gbaalɩ mɛ̃ na kaa, ɛ́ nyɛ̃ k'ɩ̃ɩ bɛlɛ ʋ na. A lɛ a, a ʋ ŋmɛ-ƴãw n'a ɩ̃ na bɔ kʋ̀ ɩ̃ tʋɔra, a kʋ̃ ɩ a ʋ nɔ-vla ɩ.»

2 Samɩɛl 24:24

Ɛcɛ a nãà tɩ yel'ɩ a Arona: «Ʋ̃ʋ'hʋ̃! Ɩ̃ bɔbr'a k'ɩ̃ɩ dà ʋ a ʋ daarʋ nʋɔr, ɩ̃ bɛ bɔbr k'ɩ̃ɩ maalɩ nyɩw-a-za-bagɛ na bɛ kpɛ m'a kʋ̀ a Sore ɩ̃ Naaŋmɩn ɛ.» A Daviir tɩ dà n a ble vab gbãgbala lãwnɩ a nĩi, salm-pla libie lɩz'a ayi nɩ pie.

Sɛb-sõw yielu 102:16

A nɩ-bʋʋr-yoru na ƴãwnɛ fʋ na, Sore e, a tẽw zu na-mɩnɛ za na ƴãwnɛ nɩ a fʋ yúor-vɩɛlʋ-danʋ.

Sɛb-sõw yielu 47:2

Nyɩɩm nɩ-bʋʋrɛ za a, nyɩ puore nuru carcarcar! Nyɩ ŋmɩɛr nʋ̃ɔ̀ cɛlsɩ cáarɛ nɩ a Naaŋmɩn ƴãw,

Sɛb-sõw yielu 47:3

bʋ̃ʋ n'ʋ vɛ̃, a Sore, a Naaŋmɩn-na-do-saa-bɛ-pɩɛl-a, bɛ tɛr dɩ̃ɛnʋ ɛ, ʋlɛ n'ɩ a na-kpɛ̃ɛ a tẽw za zu.

Sɛb-sõw yielu 47:8

Bʋ̃ʋ n'ʋ vɛ̃, a tẽw za nãà a, ʋlɛ n'ɩ a Naaŋmɩn. Nyɩ yiele Sɛb-sõw yielu na vɩɛl zuo za a, danɛ nɩ ʋ.

Sɛb-sõw yielu 48:2

A Sore ɩ n kpɛ̃ɛ, a tɩ Naaŋmɩn sɛwnɩ nɩ danʋ yaga za a ʋ tẽ-kpɛ̃ɛ pʋɔ. A ʋ tãw-sõw

Sɛb-sõw yielu 68:35

Nyɩ sàw k'aa Naaŋmɩn tɛr'ɩ kpɛnʋ, k'ʋʋ tɛr'ɩ fãw a Ɩsɩrayɛl zu, nyɩ sàw k'aa ʋ kpɛnʋ be n a zũzuge pʋɔ.

Sɛb-sõw yielu 76:12

Nyɩ kõ nɛ́ɛ kʋ̀ a Sore nyɩ Naaŋmɩn, ɛ́ ír a. Nyɩɩm za na viiri koli ʋ a, nyɩ wa n bome wa kʋ̀ a Naaŋmɩn na bɛ tɛr dɩ̃ɛnʋ a.

Sɛb-sõw yielu 95:3

Bʋ̃ʋ n'ʋ vɛ̃, a Sore ɩ n Naaŋmɩn-kpɛ̃ɛ, a Na-kpɛ̃ɛ na gãw a ŋmɩmɛ za a.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Zeremi 10:10

Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

Zeremi 46:18

A nãà a yúor na dɩ kɛ́: “Sore kpɛnʋ-za-sob” a, yere nɩ à ŋá: “Mãa bɛ wa vʋʋrɛ a na, alɛ bɛ ɩ lɛ, a dɔ̃ sob na wa na. A bɛ tɛr bʋnʋ, mɛ̃ a Tabɔɔr tãw a ɩ, a bɛ tɛr bʋnʋ, mɛ̃ a Karmɛl tãw na do gãw a kʋ̃ɔ-kpɛ̃ɛ a ɩ.”

Zeremi 48:10

Ŋmɛ-ƴãw, a páw sob nɛ na tone a Sore tome salalala, ɛ́ bɛ sàw a Sore na sãw a Mowab tẽw bɛr a!

Zeremi 48:15

Bɛ sãw nɩ a Mowab tẽw bɛr, bɛ cere na kɛ́ bɛ tɩ zɛb'ɩ a ʋ tẽ-bɛrɛ. Bɛ nyɔw nɩ a soja-pɔlɛ vɩɛlɩ vɩɛlɩ zie cere nɩ a kʋb zie.» À ŋá n'a a Na-kpɛ̃ɛ, a yúor na dɩ kɛ́ “Sore kpɛnʋ-za-sob” a, yere:

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Zakari 14:9

A lɛn daar a, a Sore na dɩrɛ nɩ naalʋ a tẽw za zu. Ʋl yõ n'ʋ bɛ na puore nɩ tʋɔra-siwru mɛ̃ Naaŋmɩn a, a ʋ yúor yõ n'ʋ a nɩsaalbɛ za na bãw.

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Malasɩ 1:8

A dʋ̃-zɔ̃w nyɩ na mɩ́ nyɔw maal'ɩ a bàwr kʋ̀ m a, a vɩɛl'a a? Nyɩ na mɩ́ wa wa n a kãw ʋ cɛwrɛ bɩɩ ɩ bàal a, a mɩ́ vɩɛl'a a? Nyɩ cen nɩ a dʋ̃w ŋa tɔ tɩ kʋ̀ a nyɩ na-kpɛ̃ɛ-lɩɛrɛ kɛ́ nyɛ̃! Nʋ̃ɔ̀ na kpɩɛr ʋ na a? Ʋ na jɩ́r nyɩ na kaa a? Mãa n'ʋ sowre nyɩ, mãa, a Sore Kpɛnʋ-za-sob.

Malasɩ 2:1

Kpaalʋ ŋa n'ʋ, a mãa, Sore Kpɛnʋ-za-sob, kpaalɛ a nyɩɩm bàwr-maalbɛ: «Nyɩmɛ bɛ wa bɛrɛ wone, ɛ́ ƴãw fãw ƴãwnɛ mɛ̃, mɛ̃ a lɛ a na fɛr kɛ́ nyɩ ƴãwnɛ mɛ̃ a, nɔ-faa n'ʋ ɩ̃ na ƴɛ̀r ƴãw nyɩ, ɛ́ mɩ́ lɩɛbɩ a nɔ-vɩɛlɩ nyɩ na ƴɛ̀rɛ a, a ɩ nɔ-faar. Ɩ̃ na sɩrɩ na ɩ a lɛ, nyɩ na mɩ́ de dɩ̃ɛnʋ ƴãw bom za ƴãw a zũú.

Malasɩ 3:9

Ŋmɛ-ƴãw tuur nyɩ na, nyɩ na bɛlɛ mɛ̃ a ƴãw, nyɩɩm ɩ̃ nɩ-bʋʋrɛ za a.

Matie 24:51

Ʋ na diw ʋ na bɛr, ɛ́ ƴãw ʋ nɩsaal-libelibe pʋɔ, be n'a kon na kone 'wɔbr'ɩ nyɩmɛ.»

Matie 5:35

Nyɩ ta mɩ́ pɔ n a tẽsɔw ɛ, a ʋ gbɛ́ɛ dɔwlʋ zie n'a. Nyɩ ta mɩ́ pɔ n a Zerizalɛm ɛ, a Na-kpɛ̃ɛ tẽ-kpɛ̃ɛ n'ʋ.

Markɩ 14:8

A pɔw ŋa ɩ n a lɛ ʋ na tʋ̃ɔ́ a, ʋ de nɩ niwn zɛ a ɩ̃ ƴã-gan a kãá a ũufʋ ƴãw.

Luka 12:46

a tõ-tõ-bie ŋa zu-sob na wa n a ʋlɩ bibir nɛ ʋ na bɛ tɩɛrɛ ʋ a, nɩ a tɛm ʋl ʋ na bɛ bãw a, ʋ na wa diw ʋ na bɛr, ɛ́ ƴãw ʋ a nɩ-faar pʋɔ.

2 Korɛ̃tɩ 8:12

Bʋ̃ʋ n'ʋ vɛ̃, a fʋ tɩɛrʋ wa sɩrɩ vɩɛl a, Naaŋmɩn mɩ́ sàw na de a bʋ̃-kʋ̀ra ɛ́ bɛ sowre bom fʋ na bɛ tɛr a ɩ, a lɛ fʋ na tɛr a n'a ʋ mɩ́ jɩ́rɛ.

Wulu-ayi-sob 28:58

Nyɩ ƴãw fãw sàwr a Naaŋmɩn wulu nɛ-ƴãwnɩ za na sɛb a sɛbɛ ŋa pʋɔ a. Nyɩ ƴãwnɛ a sob nɛ na tɛr a yúor ŋa na ɩ yúor a, yúor na bɛ tɛr dɩ̃ɛnʋ a, ɛ́ dɩ kɛ́ «Sore nyɩ Naaŋmɩn» a.

1 Timote 6:15

A ʋlɩ sob na na wul a Kɩrɩta a daar nãà wa ta a, ʋlɛ n'ɩ a Na-kpɛ̃ɛ been na ɩ zu-nʋ̃ɔ̀ sob a, a na-mɩnɛ za Nãà nɩ a sorbɛ za Sore,

Ebre 12:29

Bʋ̃ʋ n'ʋ vɛ̃, a tɩ Naaŋmɩn ɩ n vũu na dɩrɛ a.

Yel-wula 15:4

Ãa n'ʋ kʋ̃ zɔrɛ fʋ, Sore e, ãa n'ʋ kʋ̃ zɛwr a fʋ yúor? Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw, a ten za nɩbɛ na wa na wa lo gbĩ dume a fʋ niŋé, a fʋ ɩ-ɩrɩ na tu yel-mɩŋa sãá a ƴãw.»

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»