Malasɩ 1:11 - A SƐB-SÕW

¹¹ Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Malasɩ 1:11 ပူးပေါင်းရင်းမြစ်များ

1 Bibie za yel-manɩ 16:25

A Sore sɩrɩ na ɩ kpɛ̃ɛ ɛ́ sɛwnɩ kɛ́ bɛ danɛ ʋ. Ʋ bɛ tɛr dɩ̃ɛnʋ ɛ, ɛ́ gãw a ŋmɩmɛ za.

Sɛb-sõw yielu 111:9

A Sore tõ na bɛ tɩ faa a ʋ nɩ-bʋʋrɛ, ʋ maal'ɩ bɛ nɩ wõ-taa na be kʋralɛ a. A Sore ɩ n sõw ɛ́ bɛ tɛr dɩ̃ɛnʋ ɛ.

Sɛb-sõw yielu 113:3

A Sore yúor, ʋ tɛr puoru, a mʋ̃tɔ̃w puru daar tɩ ta n a ʋ kpɛb daar!

Sɛb-sõw yielu 138:5

Bɛ na yiele na danɛ nɩ a fʋ ɩb yere: «A Sore yúor-vɩɛlʋ-danʋ yi n yaga!

Sɛb-sõw yielu 141:2

A ɩ̃ puoru, a do wa a fʋ zie, mɛ̃ a tɩ-suur-zɔ̃-na-nyùur-vla-vla-a zʋ̀ʋ́r a, ɛ́ a ɩ̃ zɛlʋ ɩ mɛ̃ a zaanʋɔra bàwr a.

Sɛb-sõw yielu 45:17

A fʋ bidɛbr na lɩɛr'ɩ a fʋ sãà mɩnɛ, fʋ na ɩ na bɛ ɩ na-mɩnɛ a tẽ-daa za zu.

Sɛb-sõw yielu 48:10

Naaŋmɩn i, tɩ lɛb'a tɩɛrɛ a lɛ a fʋ nɔ̃wfʋ na ŋmɛ̃ a, a fʋ yir pʋɔ.

Sɛb-sõw yielu 48:11

Naaŋmɩn i, mɛ̃ a lɛ a fʋ yúor na yi tɩ tɔ a tẽw baarʋ zie a, lɛ n'a bɛ mɩ̀ na danɩ fʋ tɩ tɔ a tẽw baarʋ zie. A fʋ dʋrʋ nũu paal'ɩ yel-vɩɛlɩ.

Sɛb-sõw yielu 50:1

Yielu Asafʋ na maalɩ a. A Naaŋmɩn, a Sore Naaŋmɩn ƴɛ̀rɛ na, ʋ bʋɔlɛ nɩ a tẽw za, a mʋ̃tɔ̃w puru zie tɩ tɔ a kpɛb zie.

Sɛb-sõw yielu 65:9

A nɩbɛ na kpɩɛr a tẽw baarʋ ziir a, bɛ nyɛ̃ nɩ a fʋ nɔ-ɓãa-yele, na ɩ bãwfʋ sãá a, a ɩ bɛ dɛ̃bɩ̃ɛ. Fʋ ɩ na a mʋ̃tɔ̃w-puru-lowr nɩ a mʋ̃tɔ̃w-kpɛb-lowr ten lɔbr nʋ̃ɔ̀ cɛlsɩ.

Sɛb-sõw yielu 67:2

Naaŋmɩn i, sàw zɔ tɩ nɩbaalʋ ɛ́ maalɩ tɩ, sàw tɛr niw-vla a tɩ ƴãw. Tɛw-àrʋ

Sɛb-sõw yielu 86:9

A nɩ-bʋʋrɛ za fʋ na ír a na wa na wa gbĩ dume a fʋ niŋé, Sore e, bɛ na íre nɩ a fʋ yúor.

Sɛb-sõw yielu 96:8

nyɩ íre a ʋ yúor-vɩɛlʋ-danʋ, nyɩ wa n a nyɩ de-kʋ̀b bome, nyɩ kpɛ a ʋ yir davʋrɩ pʋɔ.

Ɩzayi 12:4

A ʋlɩ bibir nɛ a, nyɩ na yere na: «Nyɩ puore a Sore barka, nyɩ hiere a ʋ yúor, nyɩ manɛ a ʋ tome a nɩ-bʋʋrɛ sɔgɔ, nyɩ lɛb yel a ʋ yúor na ɩ kpɛ̃ɛ a.

Ɩzayi 12:5

Nyɩ yiele a Sore ƴãw, bʋ̃ʋ n'ʋ vɛ̃, ʋ maal'ɩ yel-bɛrɛ. Nyɩ ɩ a tẽ-daa za bãw a!»

Ɩzayi 19:21

A Sore na ɩ na a Eziptɩ tẽw dem bãw ʋ, ɛ́ a ʋlɩ bibir nɛ a, a Eziptɩ tẽw dem na bãw nɩ a Sore. Bɛ na tɛr'ɩ a bàwr-maal-tome nɩ a de-kʋ̀b bome tome a ʋ zie. Bɛ na kone nɩ nɛ́ɛ a Sore zie ɛ́ íre a.

Ɩzayi 30:27

A Sore n'ɩ ŋan yi zi-zãána waar. A suur dɩrɛ ʋ na, suur na ta suur a. A ʋ nɔgbãbie wule nɩ a suur ʋ na nyɛ̃ a, a ʋ ƴɛ̀rʋ ɩ n vũu na dɩrɛ a,

Ɩzayi 45:6

À ŋá n'a a saa-pɛrɩ́ tɩ tɔ a mʋ̃tɔ̃w-kpɛb-lowr, bɛ na bãw kɛ́ mãa bɛ wa n'ʋ a, bom za bɛ ka be ɩ. Mãa n'ɩ a Sore, kãw bɛ lɛb ka be ɩ.

Ɩzayi 54:5

Bʋ̃ʋ n'ʋ vɛ̃, a sob nɛ na ír fʋ a n'ʋ na ɩ a fʋ sɩr, a sob nɛ a yúor na dɩ k'aa Sore, a kpɛnʋ-za-sob a. A sob nɛ na yarɛ dier fʋ a, a Ɩsɩrayɛl Naaŋmɩn na ɩ sõw a n'ʋ, a sob nɛ bɛ na bʋɔlɛ a “tẽ-daa Sore” a.

Ɩzayi 59:19

Lɛ n'a a mʋ̃tɔ̃w puru zie tɩ tɔ a kpɛb zie, a nɩbɛ za na zɔrɛ a Sore, bɛ za na zɔrɛ a ʋ yúor-vɩɛlʋ-danʋ. Bʋ̃ʋ n'ʋ vɛ̃, a Sore na wa na mɛ̃ man-fɩɩra kʋ̃ɔ saa-sɛsɛb na fure darɛ a.

Ɩzayi 66:18

A Sore yere na: «Ɩ̃ bãw nɩ a alɩ bome nɛ bɛ na ɩrɛ a, nɩ a alɩ bome nɛ bɛ na tɩɛrɛ a. Ɩ̃ waar'a k'ɩ̃ɩ wa ɓã a nɩ-bʋʋrɛ za na ƴɛ̀rɛ ƴɛ̀r-pɛ-bʋʋrɛ za a taa.

Zeremi 10:6

Sore e, fʋ bɛ tɛr a fʋ tɔ ɩ! Fʋ ɩ n kpɛ̃ɛ, ɛ́ a fʋ kpɛnʋ ɩ a fʋ yúor ʋ yi.

Zeremi 10:7

Nɩ-bʋʋrɛ nãà a, ãa n'ʋ bɛ sɛw k'ʋʋ zɔrɛ fʋ? Fʋ sɛwnɩ nɩ a lɛ. A yã-bãwnbɛ za na be a tẽ-daa zu a, nɩ a naalʋ-ten za pʋɔ a, nɩr bɛ be be ŋmɛ̃ taa nɩ fʋ ɛ.

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

Amɔsɩ 9:12

Lɛ n'a a Ɩsɩrayɛl nɩbɛ na so a Edɔm tẽw na cɛ a, nɩ a nɩ-bʋʋr-yoru ten al za ɩ̃ na so a. A Sore n'ʋ yere à à ŋá, ʋl na na tu à à ŋá ʋ na yel a.»

Mise 5:4

Ʋlɛ n'ʋ na wa n a ƴã-ɓaarʋ. A Asiiri tẽw dem wa kpɛ paalɩ a tɩ tẽw ɛ́ kpɩɛr a tɩ yir-vɩɛlɩ vɩɛlɩ pʋɔ a, tɩ na ƴãw na na-mɩnɛ yaga yaga yi a bɛ ƴãw.

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Sofoni 3:9

«Lɛ n'a ɩ̃ na maalɩ a nɩ-bʋʋrɛ nɛ́ɛ a vɩɛl: bɛ na puore nɩ a mãa Sore, ɛ́ tɛr tɩɛr-been tone nɩ mɛ̃.

Zakari 8:7

Mãa n'ʋ yere kʋ̀rɛ nyɩ, ɩ̃ na faa nɩ a ɩ̃ nɩ-bʋʋrɛ bɛ na diw cen nɩ a saa-pɛrɩ́ tẽw lowr, nɩ a mʋ̃tɔ̃w-kpɛb-lowr tẽw lowr a.

Malasɩ 1:14

Baw-bio sob'ɩ a nyãnyu-yã-sob, na tɛr dʋ̃-kpɛn a ʋ dʋn pʋɔ, ɛ́ kõ nʋɔr nyɔw dʋ̃-bàal maal'ɩ bàwr kʋ̀ m a! Baw-bio sob'ʋ, bʋ̃ʋ n'ʋ vɛ̃, ɩ̃ ɩ n na-kpɛ̃ɛ a nɩ-bʋʋr-yoru na zɔrɛ a. A mãa, Sore Kpɛnʋ-za-sob, mãa n'ʋ yere.»

Malasɩ 3:3

Ʋ na zɩ̃ na nyɩl a salm-pla ír a dɛwr bɛr ʋ vɩɛl. A bàwr-maalbɛ na ɩ a Levi bʋʋrɛ a, ʋ na cɔbrɩ bɛ na bɛ vɩɛl, ʋ na ɩ na bɛ vɩɛl, mɛ̃ a lɛ bɛ na mɩ́ ɩ salm-zɩɛ nɩ salm-pla a vɩɛl a. Lɛ n'a bɛ na tʋ̃ɔ́ mɩ́ kʋ̀ de-kʋ̀b bome a Sore, mɛ̃ a lɛ a na tu sɔ́r a.

Matie 28:19

A na ɩ lɛ a, nyɩ cen tɩ ɩ a nɩ-bʋʋrɛ za bɛ lɩɛbɩ a ɩ̃ po-tuurbɛ, nyɩ kʋ̀rɛ bɛ a suob a Sãà nɩ a Bie nɩ a Vʋʋrʋ Sõw yúor ƴãw,

Matie 8:11

Ɩ̃ yere na kʋ̀rɛ nyɩ, nɩ-yaga na yi n saa-pɛrɩ́ nɩ mʋ̃tɔ̃w-kpɛb-lowr wa lãw nɩ a Abraham nɩ a Ɩzaakɩ nɩ a Zakɔb a tẽ-vla Naalʋ cuw dɩb pʋɔ,

Luka 1:10

A zu-sɛbla tɩ gbõ n taa àr a yẽw puore a tɩ-suur-zɔ̃-na-nyùur-vla-vla-a nyɩwfʋ daar.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Ʋrɔm 15:16

k'ɩ̃ɩ ɩ a Yeezu Kɩrɩta tõ-tõ-bie a nɩ-bʋʋr-yoru ƴãw. Tõ-sõw n'ʋ ɩ̃ tone hiere a Naaŋmɩn Yel-nʋ̃ɔ̀, k'aa nɩ-bʋʋr-yoru lɩɛbɩ bàwr-maal-bom na nʋmɛ a Naaŋmɩn zie a, bàwr-maal-bom Vʋʋrʋ Sõw na ɩ k'ʋ ɩ sõw a.

Filib 4:18

Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.

2 Tesalonikɩ 1:12

À ŋá n'a nyɩ na íre a tɩ Sore Yeezu yúor, ɛ́ mɩ̀ nyɛrɛ yúor a ʋ zie, a tu a tɩ Naaŋmɩn nɩ a tɩ Sore Yeezu Kɩrɩta maalʋ.

1 Timote 2:8

Lɛ so ɩ̃ bɔbr kɛ́ a ziir za, a dɛbr mɩ́ zɛw nũ-vɩɛlɩ cɔw a salom ɛ́ puore, ɛ́ bɛr a suur nɩ a taw-taa.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

Yel-wula 15:4

Ãa n'ʋ kʋ̃ zɔrɛ fʋ, Sore e, ãa n'ʋ kʋ̃ zɛwr a fʋ yúor? Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw, a ten za nɩbɛ na wa na wa lo gbĩ dume a fʋ niŋé, a fʋ ɩ-ɩrɩ na tu yel-mɩŋa sãá a ƴãw.»

Yel-wula 5:8

A Pele na tɩ dier a sɛbɛ wa báarɛ a, a bʋ̃-vʋʋrɩ anaar nɩ a nɩ-kore lɩzɛr'ɩ anaar tɩ lo na gbĩ dume a ʋ niŋé. Ŋa za mɩ́ tɩ tɛr'ɩ korijom nɩ salm-zɩɛ koli-nyúuri, a paalɩ tɩ-suur-zɔ̃-na-nyùur-vla-vla-a ɛ́ ɩ a Naaŋmɩn nɩ-bʋʋrɛ puoru a.