Luka 9:47 - A SƐB-SÕW

⁴⁷ A Yeezu na tɩ bãw a lɛ bɛ na tɩɛrɛ a, ʋ tɩ nyɔw nɩ bibile ƴãw ʋ àr kɔw ʋ,

Luka 9:47 ပူးပေါင်းရင်းမြစ်များ

Sɛb-sõw yielu 139:2

Fʋ mɩ́ bãw nɩ a ɩ̃ zɩma daar nɩ a ɩ̃ ìru daar, fʋ mɩ́ de nɩ niwn bãw a ɩ̃ pʋ-tɩɛrʋ a cɛlɩ.

Sɛb-sõw yielu 139:23

Naaŋmɩn i, jɛl a ɩ̃ pʋɔ bãw mɛ̃, ɩ m kaa, bãw a bom nɛ na ƴãwnɛ mɛ̃ tɩɛrʋ a.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Matie 12:15

A Yeezu na wa bãwnɩ a a, ʋ bɛr'ɩ a be ɛ́ cen zi-yũo. Nɩ-yaga tɩ tu ʋ na, ʋ tɩ sanɩ nɩ a bàalbɛ za.

Matie 9:4

A Yeezu na tɩ bãw a bɛ tɩɛrʋ a, ʋ sowri bɛ na: «Bʋ̃ʋ n'ʋ so a tɩɛr-faar á ŋá be a nyɩ zie?

Luka 5:22

Ɛcɛ a Yeezu na tɩ bãw a bɛ tɩɛrʋ a, ʋ sɔw na yel bɛ: «Bʋ̃ʋ n'ʋ so a tɩɛrʋ á ŋá taabɛ be a nyɩ zie?

Zã 16:30

Ƴɛrɛŋa a, tɩ bãw na kɛ́ fʋ bãw nɩ bom za, ɛ́ a bɛ fɛrɛ kɛ́ bɛ sowri fʋ bom ɛ. Alɛ n'a so tɩ sàw de kɛ́ fʋ yi n a Naaŋmɩn zie wa.»

Zã 2:25

Ʋ bɛ tɩ gù kɛ́ nɩr wa dɩ a nɩsaal dãsɩɛ a ʋ zie ɩ, ʋl mɩŋa tɩ bãw nɩ ʋlɩ bom nɛ na be a nɩsaal socir pʋɔ a.

Zã 21:17

Ʋ tɩ lɛb'a yel a gb'a ata sob ƴãw: «Sɩmʋ̃, Zã bidɛb i, fʋ nɔnɛ mɛ̃ na a?» Pʋ-sãwna tɩ tɛr'ɩ a Pɩɛr, a Yeezu na tɩ sowr'ʋ a gb'a ata sob ƴãw: «Fʋ nɔnɛ mɛ̃ na a?» Ʋʋ tɩ sɔw na: «Sore e, fʋ bãw nɩ bom za, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Cɩ̃ɩnɛ a ɩ̃ píir.

1 Korɛ̃tɩ 14:20

Yɛbr i, nyɩ ta tɛr bibi-yã a yele bãwfʋ ƴãw ɛ. Nyɩ ɩ bibiir a yel-faa maalʋ ƴãw, ɛcɛ a yele bãwfʋ ƴãw a, nyɩ ɩ nɩ-bɛrɛ.

Ebre 4:13

Bʋ̃-íra kãw bɛ be be sɔwlɩ a ʋ zie ɩ. Bom za mɩ́ sãá nɩ nyɩraalɛ a ʋ niŋé, ʋ na sowri tɩ nɩ bom.

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.