Luka 9:41 - A SƐB-SÕW

⁴¹ A Yeezu tɩ sɔw na: «Nɩsaal-faar bɛ ŋa, nɩ nɩbɛ na bɛ sàw de Naaŋmɩn a! Debor'a ɩ̃ na cãà be a nyɩ zie tɩ ta? Debor'a ɩ̃ na cãà wõ n nyɩ a tuo tɩ ta? Tɛr a fʋ bie wa n a ka.»

Luka 9:41 ပူးပေါင်းရင်းမြစ်များ

2 Na-mɩnɛ 5:8

A Naaŋmɩn nɩr, Elize, na tɩ wõ k'aa Ɩsɩrayɛl tẽw nãà taw nɩ a ʋ kparɩ cɩɛrɩ a, ʋ ƴãw na bɛ tɩ yel ʋ à ŋá: «Bʋ̃ʋ n'ʋ so fʋ taw a fʋ kparɩ cɩɛrɩ? A Naaman, ʋ wa páw mɛ̃, ʋʋ na bãw na kɛ́ naaŋmɩn-ƴɛ̀r-manɛ be n a Ɩsɩrayɛl tẽw.»

Sɛb-sõw yielu 78:8

A lɛn daar a, bɛ kʋ̃ ŋmɛ̃ taa nɩ a bɛ sãàkʋm-kore daar nɩbɛ na zawr'ɩ a Naaŋmɩn nʋɔr ɛ́ gaarɩ a ɩ. A bɛ tɩɛrʋ tɩ lɩɛbɛ nɩ kʋralɛ, ɛ́ bɛ tu a Naaŋmɩn ɛ.

Eziptɩ tẽw yib 10:3

A Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ebre mɩnɛ Naaŋmɩn, ƴɛ̀rɛ a fʋ zie: “Debor daar'a fʋ na zawrɩ a fʋ tʋɔra-siwru a ɩ̃ niŋé tɩ ta? Bɛr a ɩ̃ nɩbɛ bɛ cen tɩ maalɩ mɛ̃.

Eziptɩ tẽw yib 16:28

A Sore tɩ yel'ɩ a Moyiir: «Debor'a nyɩ na zawrɩ a ɩ̃ nɛ-ƴãwnɩ nɩ a ɩ̃ wulu tɩ ta?

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Sɔr-nɛ́ɛ 14:11

A Sore tɩ yel'ɩ a Moyiir: «Debor daar'a a nɩbɛ bɛ ŋa na jɛ m bɛr tɩ ta? Debor daar'a bɛ na zawrɩ a ɩ̃ sàw-deb tɩ ta, bɛ na saa nyɛ̃ a ɩ̃ fãw bãwfʋ ɩ̃ na maalɩ a bɛ sɔgɔ a?

Sɔr-nɛ́ɛ 14:27

«Ɩ̃ wõ n a Ɩsɩrayɛl nɩbɛ na zɛbr'ɩ mɛ̃ a. Debor daar'a a lãw-faa ŋa nɩbɛ na zɛb'ɩ mɛ̃ tɩ ta?

Matie 11:28

Nyɩ wa a ɩ̃ zie, nyɩɩm za na tuo to-tɩbrʋ bàl a, ɩ̃ɩ na kʋ̀ nyɩ nɩ a pɩ̃ɛnʋ.

Matie 12:39

Ʋ tɩ sɔw bɛ na: «A dɩ̃a nɩbɛ bɛ ŋa, na ɩ nɩ-faar ɛ́ bɛ tuur Naaŋmɩn a, bɔbr'ɩ bãwfʋ, ɛcɛ bɛ kʋ̃ nyɛ̃ bãwfʋ kãw za ʋ bɛ ɩ a naaŋmɩn-ƴɛ̀r-manɛ Zonasɩ dem ɛ.

Matie 12:45

Lɛ n'a ʋ mɩ́ lɛb cen tɩ tɛr kɔ̃tɔ̃-faar ayopõi na kpɛ faa zuo ʋ a, wa n bɛ wa kpɛ so a yir ŋa. A na ɩ à ŋá a, a nɩr ŋa yele mɩ́ kpɛ n faa zuo a pɛr-tib daar. À ŋá n'a a mɩ̀ na ŋmɛ̃ a dɩ̃a nɩ-faar bɛ ŋa zie.»

Matie 16:4

A dɩ̃a nɩbɛ, na ɩ nɩ-faar ɛ́ bɛ tuur a Naaŋmɩn a, zɛlɛ nɩ bãwfʋ. Ɛcɛ bɛ kʋ̃ wul bɛ bãwfʋ kãw za ʋ bɛ ɩ a Zonasɩ dem ɛ.» Ʋ tɩ bɛr bɛ nɩ a be ɛ́ tɔl cen.

Matie 17:17

A Yeezu tɩ de nɩ a ƴɛ̀rʋ yel: «Nɩsaal-faar bɛ ŋa, nɩ nɩbɛ na bɛ sàw de Naaŋmɩn a! Debor'a ɩ̃ na be a nyɩ zie tɩ ta? Debor'a ɩ̃ na wõ n nyɩ a tuo tɩ ta? Nyɩ tɛr a bie wa kʋ̀ m.»

Matie 23:36

Yel-mɩŋa sɩza, ɩ̃ yere na kʋ̀rɛ nyɩ, à á ŋá za na lɛb'a lo a dɩ̃a nɩbɛ bɛ ŋa zu.»

Matie 3:7

A Zã na tɩ nyɛ̃ Faarizɩ̃ɛ mɩnɛ nɩ Sadiseyɛ̃ mɩnɛ yaga bɛ waar a suob deb a ʋ zie a, ʋ yel bɛ na: «Dɔpan bʋʋrɛ bɛ ŋa! Ãa n'ʋ wul nyɩ a lɛ nyɩ na na ɩ nɩɩrɩ a Naaŋmɩn ƴɛ̀rʋ-maalʋ suur na waar a bɛr?

Markɩ 10:14

A Yeezu na tɩ nyɛ̃ a lɛ a, ʋ nyɛ̃ nɩ suur, ɛ́ yel a ʋ po-tuurbɛ: «Nyɩ bɛr a bibiir bɛ wa a ɩ̃ zie, nyɩ ta diwr bɛ bɛrɛ ɩ, a bɛlɩ dem na ŋmɛ̃ taa nɩ bɛ a, bɛlɛ so a Naaŋmɩn Naalʋ.

Markɩ 10:49

A Yeezu tɩ tɛw na àr ɛ́ yel: «Nyɩ bʋɔl'ʋ.» Bɛ tɩ bʋɔl'ɩ a zɔ̃w ɛ́ yel ʋ: «Nyɔw fʋ mɩŋa, ìr, ʋ bʋɔlɛ fʋ na!»

Markɩ 9:19

A Yeezu tɩ de nɩ a ƴɛ̀rʋ yel: «Alɛ! Nyɩɩm dɩ̃a nɩbɛ na bɛ sàw de Naaŋmɩn a! Debor daar'a ɩ̃ na be a nyɩ sɔgɔ tɩ ta? Nyɩ bɔbr'a k'ɩ̃ɩ cãà wone nɩ nyɩ a tuo ɛ́ gù debor? Nyɩ tɛr a bie wa kʋ̀ m!»

Luka 8:25

A Yeezu tɩ yel'ɩ a ʋ po-tuurbɛ: «A nyɩ naaŋmɩn-sàwfʋ wa?» Ɛcɛ dɛ̃bɩ̃ɛ tɩ nyɔw bɛ na ɛ́ nʋɔr ɓãá bɛ, bɛ yere kʋ̀rɛ taa: «Nɩ-ŋmɩŋmɩn n'ɩ a nɩr ŋa? Ʋlɛ n'ɩ ŋan mɩ́ ƴɛ̀r a sɛsɛb nɩ a kʋ̃ɔ zie, ɛ́ a sàw a ʋ nʋɔr.»

Luka 9:40

Ɩ̃ zɛlɩ nɩ a fʋ po-tuurbɛ kɛ́ bɛ diw a kɔ̃tɔ̃-faa ŋa, ɛcɛ bɛ diw ʋ na gu.»

Luka 9:42

A bie na tɩ tarɛ pɩɛlɛ a Yeezu a, a kɔ̃tɔ̃-faa nyɔw ʋ na lɔb tẽw ɛ́ dam ʋ faa faa. Ɛcɛ a Yeezu tɩ tanɩ nɩ a kɔ̃tɔ̃-faa, ɛ́ sanɩ a bie kʋ̀ a sãà.

Zã 14:9

A Yeezu yel ʋ: «Ɩ̃ be n a nyɩ zie tɩ cɛlɩ sɛw à ŋá za, ɛ́ fʋ cãà bɛ bãw mɛ̃ ɩ, Filib i? Ʋlɩ sob na nyɛ̃ m a, ʋ nyɛ̃ nɩ a Naaŋmɩn Sãà. Ŋmɩŋmɩn za n'a fʋ yel: “Wul tɩ a Naaŋmɩn Sãà?”

Zã 20:27

Al pùorí, ʋ tɩ yel'ɩ a Toma: «Wa n a fʋ nobir ka, bɛl a ɩ̃ nuru nyɛ̃, wa n a fʋ nũu wa tõ a ɩ̃ lõbowrí, bɛr a nɔkpɛn ɛ́ sàw de.»

Nɩ-toni 13:18

Ʋ tɩ guoli bɛ nɩ a wɛja-kpalɛ pʋɔ tɩ ta mɛ̃ yome lɩz'a ayi a.

Nɩ-toni 2:40

A Pɩɛr tɩ cãà na ƴɛ̀r ƴɛ̀r-bie a mɩnɛ dɩ n a Yeezu dãsɩɛ, ɛ́ tɩ kpaalɛ bɛ yere nɩ: «Nyɩ faa nyɩ tʋɔra yi zaa a dɩ̃a nɩbɛ bɛ ŋa na ɩ nɩ-faar a pʋɔ.»

Ʋrɔm 2:4

Bɩɩ fʋ bɛ ŋmɛlɛ kaar a Naaŋmɩn ɩ-vɩɛlɩ na bɛ dɩ vuo a, nɩ a ʋ su-bɛ-pawra nɩ a ʋ su-nyɔwra ʋ na tɛr a fʋ zie a ɩ? Fʋ bɛ bãwnɩ a k'aa Naaŋmɩn ɩ-vɩɛlɩ á ŋá fɛrɛ fʋ na kɛ́ fʋ lɩɛbɩ a fʋ ɩb ɛ?

Wulu-ayi-sob 32:5

Ɛcɛ a nyɩɩm, nɩ-bʋʋr-faa nɩ nɩ-bʋʋr-sãwna, nyɩ sãw nɩ a Sore. Nyɩmɛ so vĩ wɛ! Nyɩ bɛ cãà ɩ a ʋ bibiir ɛ.

Ebre 3:19

Ɛ́ tɩ sɩrɩ na nyɛ̃ kɛ́ bɛ bɛ tʋ̃ɔ́ ta a pɩ̃ɛnʋ ŋa zie ɩ, a bɛ na bɛ sàw de a zũú.

Ebre 4:11

A na ɩ à ŋá a, nyɩ ɩ tɩ ƴãw fãw ta a pɩ̃ɛnʋ ŋa zie, a tɩ sãàkʋm-kore bɛ-wonu taa ɩrɛ tɩ kãw za ʋ lore ɩ.

Ebre 4:2

Bʋ̃ʋ n'ʋ vɛ̃, a Yel-nʋ̃ɔ̀ ƴɛ̀rʋ ta tɩ na, mɛ̃ a lɛn tɔr za ʋ na tɩ ta a nɩbɛ bɛl na tɩ be a wɛja-kpalɛ pʋɔ a. Ɛcɛ a ƴɛ̀rʋ bɛ na tɩ wõ a bɛ tɩ maalɩ bɛ towtow za ɩ, bɛ na tɩ wõ ɛ́ bɛ sàw de a ƴãw.

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.