Luka 8:31 - A SƐB-SÕW

³¹ A kɔ̃tɔmɛ á ŋá tɩ zɛlɛ nɩ a Yeezu k'ʋʋ ta diw a ƴãw a kɔ̃tɔmɛ dɔwrʋ bɔw-zulu pʋɔ ɩ.

Luka 8:31 ပူးပေါင်းရင်းမြစ်များ

A Zɔb sɛbɛ 1:11

Ɛcɛ zɛw a nũu tɔ n a ʋ bʋ̃-tɛrɩ ɛ́ nyɛ̃! Mãa yel fʋ: ʋ na càar'a tʋ b.»

A Zɔb sɛbɛ 2:5

Ɛcɛ, zɛw a nũu tɔ n a ʋl tɔr za ɛ́ nyɛ̃! Mãa yel fʋ: ʋ na càar'a tʋ b!»

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Luka 8:28

Ʋ na wa nyɛ̃ a Yeezu a, ʋ kõ na cɩɩrɩ ɛ́ lo gbĩ dume a ʋ pile, ɛ́ vaa kɔkɔr yel: «Naaŋmɩn-na-do-saa-bɛ-pɩɛl-a Bie, Yeezu u, mãa nɩ fʋ̃ʋ mɩ̀ bʋnʋ? Ɩ̃ zɛlɛ fʋ nɩ yãayãa, taa dɔwrɛ mɛ̃ ɩ!»

Luka 8:32

Dobaar na bɛ tɛr vuo a, tɩ àr'ɩ a tãw zu be tʋʋrɛ bɔbr bʋ̃-dɩrɩ. A kɔ̃tɔmɛ tɩ zɛlɛ na k'aa Yeezu sàw a cen tɩ kpɛ a dobaar pʋɔ. A Yeezu tɩ kʋ̀ a nɩ sɔ́r.

Ʋrɔm 10:7

Bɩɩ: «Ãa n'ʋ na siw a kpɩmɛ tẽw?» (A pɛr lɛ k'ʋʋ tɩ ɩ a Kɩrɩta ʋ yi a kũuni pʋɔ do wa).

Yel-wula 11:7

Bɛlɛ wa dɩ a bɛ dãsɩɛ baar'a, a dʋ̃w na yi a kɔ̃tɔmɛ dɔwrʋ bɔw-zulu pʋɔ dúor a na zɛb'ɩ bɛ na, ʋ na tʋ̃ɔ́ bɛ na ɛ́ kʋ bɛ.

Yel-wula 17:8

A wɛ-dʋ̃w fʋ na nyɛ̃ a, tɩ be na, ɛcɛ ʋ bɛ cãà ɩ. Ʋ na yi n a kɔ̃tɔmɛ dɔwrʋ bɔw-zulu pʋɔ do wa wa wɩɛr a ʋ kũu zie. A tẽw zu nɩbɛ bɛl a yée na bɛ sɛb a nyɔ-vʋʋrʋ sɛbɛ pʋɔ a tẽ-daa íru daar za a na nyɛ̃ nɩ a wɛ-dʋ̃w a nʋɔr ɓãá bɛ, bʋ̃ʋ n'ʋ vɛ̃, ʋ tɩ dãw na be, ɛ́ bɛ cãà ɩ, ɛ́ na lɛb wa.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Yel-wula 9:11

A tɛr'ɩ nãà na ɩ a kɔ̃tɔmɛ dɔwrʋ bɔw-zulu malkɩ a. Bɛ bʋɔlɛ ʋ nɩ «Abadɔ̃» a ebre ƴɛ̀rʋ pʋɔ, ɛ́ bʋɔlɛ ʋ «Apolɩ̃ɔ», a gɩrɛkɩ ƴɛ̀rʋ pʋɔ.