Luka 8:24 - A SƐB-SÕW

²⁴ A Yeezu po-tuurbɛ tɩ taw na ta sɩ̃w ʋ ɛ́ yel: «Wul-wul-kara a, Wul-wul-kara a, tɩ kpiir'a!» Ʋ tɩ zaw na ìr tanɩ a sɛsɛb nɩ a kʋ̃ɔ-mie a lɛb gã zoom, ɛ́ a zie ŋmãa vʋʋrʋ cɩ̃ɩɩ.

Luka 8:24 ပူးပေါင်းရင်းမြစ်များ

Sɛb-sõw yielu 65:7

Fʋ ɩ n a tan a kpɛmɛ àr nɩ a fʋ fãw, fʋ sɛ n a kpɛnʋ mɛ̃ kpàwr a.

Ɩzayi 50:2

Bʋ̃ʋ n'ʋ so ɩ̃ wa bɛ nyɛ̃ nɩr za? Bʋ̃ʋ n'ʋ so ɩ̃ bʋɔlɩ nɩr bɛ sɔw? A ɩ̃ kpãkpãw nɔ̃w ɩ n ŋmãa zuo a nyɩ faafʋ ƴãw bɩɩ? Ɩ̃ nɔ̃w bɛ tɛr fãw na ɩ nyɩ so nyɩ tʋɔra bɩɩ? Ɩ̃ mɩ́ tanɩ nɩ tanʋ tɛwr ɩ a kʋ̃ɔ-kpɛ̃ɛ ʋ ko, ɛ́ ɩ a mamɛ a lɩɛbɩ wɛja-kpalɩ. Lɛ n'a a kʋ̃ɔ na bɛ mɩ́ ka be a, a zʋ́mɛ́ mɩ́ kpi kʋ̃ɔ-nyúur pʋ̃ɔ́.

Zeremi 5:22

A Sore yere na: A ɩ lɛ nyɩ bɛ ƴãwnɛ mɛ̃ ʋ? A ɩ lɛ nyɩ bɛ màwr a ɩ̃ niŋé ʋ? Mãa n'ʋ ɩ a biire ɩ a kʋ̃ɔ-kpɛ̃ɛ tɛwfʋ zie, tʋr-bɔw n'ʋ gã kʋralɛ a kʋ̃ɔ-kpɛ̃ɛ kʋ̃ tʋ̃ɔ́ gãw ɛ. A ʋ kʋ̃ɔ-mie na saa mɩ́ ìre dúor a, ɛcɛ a bɛ tɛr fãw ɛ, a na tʋ̃ɔ́ na mɩ́ ɩrɛ gɔmɛ, ɛcɛ a bɛ gãwnɛ a tʋr-bɔw ɛ.

Nahum 1:4

Ʋ mɩ́ tanɩ nɩ a kʋ̃ɔ-kpɛ̃ɛ ʋ ko, ʋ mɩ́ ɩ n a mamɛ za a sɩr. Lɛ n'a a Basan dʋn mʋ̃ɔ 'wɔbrʋ ziir mʋ̃ɔ̀, nɩ a Karmɛl tãw za mɩ́ mʋ̃ɔ̀ mʋ̃ɔ̀, ɛ́ a Libã tɩ-puuru vàr vàr.

Matie 14:30

Ɛcɛ ʋ tɩ nyɛ̃ nɩ a sɛsɛb dɛ̃bɩ̃ɛ kpɛ ʋ, ʋʋ na tɩ tĩ limne a kʋ̃ɔ pʋɔ a, ʋ lɔb'ɩ cɛl: «Sore e, faa mɛ̃!»

Matie 8:25

A ʋ po-tuurbɛ tɩ taw na ta sɩ̃wnɛ ʋ yere nɩ: «Sore e, faa tɩ, tɩ kpiir a!»

Markɩ 4:39

Ʋ tɩ ìr'a tanɩ a sɛsɛb ɛ́ yel a kʋ̃ɔ-kpɛ̃ɛ: «Ɩ gbili! Bɛr gɔmɛ!» A sɛsɛb tɩ ŋmãa na ɛ́ a zie ŋmãa vʋʋrʋ cɩ̃ɩɩ!

Luka 4:35

A Yeezu tɩ tanɩ ʋ na yel: «Pàw a nʋɔr ɛ́ yi zaa a nɩr ŋa pʋɔ!» A kɔ̃tɔ̃-faa tɩ nyɔw nɩ a dɛb nɛ lɔb'ɩ tẽw a nɩbɛ sɔgɔ, ɛ́ yi ɛ́ bɛr ʋ, ɛ́ bɛ sãw ʋ zie za ɩ.

Luka 4:39

Ʋ tɩ gũu na cɔw a bàal ɛ́ tanɩ a ƴã-tʋlʋ, a ƴã-tʋlʋ bɛr ʋ, ʋ ìr daadaalɛ kaarɛ a bɛ zie.

Luka 5:5

A Sɩmʋ̃ tɩ yel ʋ na: «Wul-wul-kara a, tɩ bàl'ɩ tɩ tʋɔra a tɩ̃ɩsɔw za tɩ vɩɛ nɩ zie, ɛ́ bɛ tuli nyɔw zʋm-bile za ɩ. Ɛcɛ fʋ̃ʋ na n'ʋ yel a, al ƴãw n'a ɩ̃ na lɔb a mɩ̃ɛnɩ.»

Luka 8:25

A Yeezu tɩ yel'ɩ a ʋ po-tuurbɛ: «A nyɩ naaŋmɩn-sàwfʋ wa?» Ɛcɛ dɛ̃bɩ̃ɛ tɩ nyɔw bɛ na ɛ́ nʋɔr ɓãá bɛ, bɛ yere kʋ̀rɛ taa: «Nɩ-ŋmɩŋmɩn n'ɩ a nɩr ŋa? Ʋlɛ n'ɩ ŋan mɩ́ ƴɛ̀r a sɛsɛb nɩ a kʋ̃ɔ zie, ɛ́ a sàw a ʋ nʋɔr.»