Luka 8:15 - A SƐB-SÕW

¹⁵ A bʋ̃-bie al na lo a tẽsɔw-vla pʋɔ a n'ɩ a bɛlɩ dem na bɛrɛ wone a Naaŋmɩn ƴɛ̀rʋ, ɛ́ mɩ́ sàw de nɩ bɛ pʋɔ za a. Bɛ bɛ lɛbr pùor ɛ, alɛ so bɛ mɩ́ wɔ̃ wɔmɛ.»

Luka 8:15 ပူးပေါင်းရင်းမြစ်များ

Sɛb-sõw yielu 119:11

Ɩ̃ maal'a tɛr a fʋ wulu a ɩ̃ socir pʋɔ, k'ɩ̃ɩ taa wa sãwnɛ fʋ ɛ.

Sɛb-sõw yielu 51:10

Yel kʋ̀ m k'ɩ̃ɩ na nyɛ̃ nɩ nʋ̃ɔ̀ nɩ cɩlʋ, ɩ̃ɩ na cɩlɛ na, mãa fʋ na kʋ kpaa bɛr a.

Zʋkpaɩ 3:1

Ɩ̃ bie e, taa wa yiire a ɩ̃ wulu bɛrɛ ɩ, tɛr a ɩ̃ nɛ-ƴãwnɩ a fʋ socir pʋɔ.

Zeremi 15:16

A fʋ ƴɛ̀rʋ na mɩ́ tɩ ta m a, ɩ̃ mɩ́ tɩ vɔl a na. A mɩ́ tɩ ƴãw mɛ̃ nɩ nʋ̃ɔ̀, a mɩ́ tɩ ɩ na a ɩ̃ socir cɩlɛ. Bʋ̃ʋ n'ʋ vɛ̃, fʋ̃ʋ so m, Sore e, kpɛnʋ-za-sob i.

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zeremi 32:29

A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Matie 24:13

Ɛcɛ sob nɛ na na ƴãw fãw tɩ ta a baarʋ daar a, na nyɛ̃ nɩ a faafʋ.

Luka 11:28

Ɛcɛ a Yeezu ʋl tɩ sɔw ʋ na: «Zu-nʋ̃ɔ̀ dem nɩ̃ɛ n'ɩ a bɛlɩ dem na mɩ́ wõ a Naaŋmɩn ƴɛ̀rʋ, ɛ́ de tɛr a!»

Luka 6:45

A nɩ-vla mɩ́ ɩrɛ nɩ ɩ-vɩɛlɩ, a ʋ pʋɔ na vɩɛl a ƴãw. Ɛ́ a nɩ-faa ɩrɛ ɩ-faar, a ʋ pʋɔ na kpɛ faa a ƴãw. A alɩ bome nɛ na paalɩ a nɩsaal socir a, alɛ n'a yire a ʋ nʋɔrɩ́.»

Luka 8:14

A bʋ̃-bie al na lo a gʋʋr pʋɔ a, n'ɩ a bɛlɩ dem na mɩ́ wõ a Naaŋmɩn ƴɛ̀rʋ ɛ́ bɛr a yel-bɔbrɩ, a naalʋ nɩ a tẽw zu nʋ̃ɔ̀ fɩɩrɩ bɛ kʋ a bɛ cenu pʋɔ, ɛ̀ bɛ bɛ tʋ̃ɔ́ wɔ̃ wɔmɛ a.

Luka 8:16

«Bɛ bɛ dãw tɔ̃w fɩ̃tɩlɛ ɛ́ de laa vɔblɩ pàw ɛ, bɩɩ de ʋ tɩ su gado pile ɩ. Bɛ mɩ́ dɔwl'ʋ nɩ kpul zu ʋ zɛw, k'aa bɛlɩ dem na kpɩɛr a dĩó a, mɩ́ nyɛ̃ a cãà.

Zã 14:15

«Nyɩmɛ wa nɔnɛ mɛ̃ a, nyɩ na sàwr'ɩ a ɩ̃ nɛ-ƴãwnɩ vla.

Zã 15:10

Nyɩmɛ wa sàwr a ɩ̃ nɛ-ƴãwnɩ a, nyɩ na be n a ɩ̃ nɔ̃wfʋ pʋɔ, mɛ̃ a lɛ ɩ̃ na sàw a ɩ̃ Sãà nɛ-ƴãwnɩ ɛ́ be a ʋ nɔ̃wfʋ pʋɔ a.»

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Ʋrɔm 6:22

Ɛcɛ ƴɛrɛŋa a, bɛ faa nyɩ nɩ a yel-bier nuru pʋɔ, nyɩ lɩɛbɩ Naaŋmɩn gbãgbaar tɛr ɩ-ɩrɩ na tɩrɛ sonu a, ɛ́ a baarʋ daar a waar'ɩ nyɔ-vʋʋrʋ na be kʋralɛ a.

Ʋrɔm 7:18

Bʋ̃ʋ n'ʋ so, ɩ̃ bãwnɩ a na a vla na bɛ be a ɩ̃ zie a, a pɛr lɛ k'aa bãbàal ŋa ɩ̃ na ɩ a. Yel-mɩŋa n'a, a vla maalʋ tɩɛrʋ be n a ɩ̃ zie, ɛcɛ a maalʋ fãw bɛ ka be ɩ.

Ʋrɔm 7:4

Ɩ̃ yɛbr i, lɛ n'a a mɩ̀ ŋmɛ̃ a nyɩ zie. A Naaŋmɩn wulu niŋé a, nyɩ ɩ na mɛ̃ nɩ-kũuni a, nyɩ na lãw nɩ a Kɩrɩta a ʋ ƴã-gan pʋɔ a. A na ɩ à ŋá a, nɩ-yũo so nyɩ a ƴɛrɛŋa, a sob nɛ na lɛb yi a kũuni pʋɔ kɛ́ tɩ tʋ̃ɔ́ ɩrɛ ɩ-vɩɛlɩ na nʋmɛ a Naaŋmɩn zie a.

Ʋrɔm 8:25

Ɛcɛ tɩmɛ wa ƴãw a tɩ tɩɛrʋ bom tɩ na bɛ nyɛrɛ a ƴãw a, tɩ dɩ n kanyir gùre nɩ ʋ.

1 Korɛ̃tɩ 7:19

A yʋɔr-ŋmãafʋ bɛ ɩ bom ɛ, a yʋ̀ɔr-bɛ-ŋmãafʋ mɩ̀ bɛ ɩ bom ɛ. Naaŋmɩn nɛ-ƴãwnɩ sàwfʋ n'a ɩ bom.

Efɛɛzɩ 2:8

Sɩza, a Naaŋmɩn maalʋ ƴãw n'a nyɩ nyɛ̃ a faafʋ, nyɩ na sàw de ʋ a zũú. A faafʋ ŋa bɛ yi nyɩ zie ɩ, Naaŋmɩn maalʋ n'ʋ ʋ kʋ̀ nyɩ zawlalɛ.

Wulu-ayi-sob 30:6

A Sore nyɩ Naaŋmɩn na ír'ɩ nyɩɩm nɩ a nyɩ bʋʋrɛ socie dɛwr bɛr, kɛ́ nyɩ tʋ̃ɔ́ nɔnɛ ʋ nɩ a nyɩ pʋɔ za, nɩ a nyɩ sɩ́ɛ za. Lɛ n'a nyɩ na tʋ̃ɔ́ vʋʋrɛ.

Filib 1:11

A yel-mɩnʋ yel-vɩɛlɩ a Yeezu Kɩrɩta na maalɩ a nyɩ zie a na ɩ na nyɩ kpɛ naalʋ, a Naaŋmɩn yúor zɛwfʋ nɩ a ʋ danʋ ƴãw.

Kɔlɔsɩ 1:10

À ŋá n'a nyɩ na maalɛ a Naaŋmɩn yã-nɔn za, ɛ́ vʋʋrɛ nyɔ-vʋʋrʋ na sɛw taa nɩ ʋ a. Nyɩ na maalɛ nɩ ɩ-vɩɛlɩ bʋʋrɛ bʋʋrɛ za, ɛ́ lɛb bãwnɛ a Naaŋmɩn dɔwlɛ.

Kɔlɔsɩ 1:6

A Yel-nʋ̃ɔ̀ manɛ na yaarɛ ɛ́ wɔnɛ wɔmɛ a tẽ-daa za zu, mɛ̃ a lɛ ʋ na tɩ ɩ a nyɩ sɔgɔ a ʋlɩ bibir nɛ za nyɩ na wõ bɛ ƴɛ̀r a Naaŋmɩn maalʋ ƴɛ̀rʋ, ɛ́ nyɩ nyɛ̃ lɛ ʋ na sɩrɩ ŋmɛ̃ a.

Ebre 10:36

Kanyir'a a fɛr kɛ́ nyɩ dɩrɛ, tʋ̃ɔ́ maalɩ a Naaŋmɩn pʋ-tɩɛrʋ ɛ́ páw a ʋlɩ bom nɛ ʋ na ƴãw nʋɔr k'ʋʋ na tɩr a a.

Ebre 2:1

A lɛ n'a so a fɛr kɛ́ tɩ cɛlɛ a yele tɩ na wõ a zie vla, kɛ́ tɩ taa wa bɔrɛ ɩ.

Zakɩ 1:4

Ɛcɛ a nyɩ kanyir ɩb, ʋ mɩ́ sãá vla kɛ̀ nyɩ tʋ̃ɔ́ mɩ́ vɩɛl nyɩ za, ta tɛr faalʋ ɛ, bom za ta cɛ nyɩ ɛ.

1 Zã 2:3

Ɛ́ à ŋá n'a tɩ nyɛ̃ kɛ́ tɩ bãw nɩ a Naaŋmɩn: tɩmɛ wa sàwr a ʋ nɛ-ƴãwnɩ a.