Luka 7:47 - A SƐB-SÕW

⁴⁷ Mãa wa yere kʋ̀rɛ fʋ k'ʋʋ páw nɩ a ʋ yel-bebe na yãwmɛ bɛ dɩ vuo a suur a, ʋ na wul nɔ̃wfʋ yaga a n'a so. Ɛcɛ sob nɛ bɛ na mɩ́ dɩ suur kʋ̀ blã a, ʋ mɩ́ wul'ɩ nɔ̃wfʋ blã.»

Luka 7:47 ပူးပေါင်းရင်းမြစ်များ

Ɩzayi 1:18

“A Sore yere na: «Nyɩ wa tɩ ŋmɛ nɔkpɛn. A nyɩ yel-bebe wa mʋ̃ɔ̀ ɓõɓõ a, a na lɩɛb'a pɛlɩ parpar. Alɛ wa mʋ̃ɔ̀ cõcõ a, a na lɩɛb'a pɛlɩ mɛ̃ pi-kɔblʋ pɛn-pla a.

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Ezekɩɛl 16:63

Lɛ n'a fʋ na cãà bãwnɩ a koro, vĩ na paalɩ fʋ na fʋ bɛ cãà tɛr nʋɔr ɛ, fʋ na bɛ cãà tɛr yúor a zũú. Ɛcɛ mãa a, ɩ̃ na dɩ n a sãwna al za fʋ na maalɩ a suur kʋ̀ b. A mãa Sore Naaŋmɩn n'ʋ yel.»

Mise 7:19

Fʋ na lɛb'a maal zɔ tɩ nɩbaalʋ, fʋ kʋ̃ cɛlɛ a tɩ sãwna zie ɩ, fʋ na lɔb'ɩ a tɩ yel-bebe za ƴãw a kʋ̃ɔ-kpɛ̃ɛ pɛrɩ́.

Matie 10:37

Nɩr na nɔnɛ a ʋ sãà bɩɩ a ʋ mã zuo mɛ̃ a bɛ sɛwnɩ mɛ̃ ɩ. Nɩr na nɔnɛ a ʋ bidɛb bɩɩ a ʋ pɔwyaa zuo mɛ̃ a bɛ sɛwnɩ mɛ̃ ɩ.

Luka 7:39

A Faarizɩ̃ɛ nɛ na tɩ bʋɔlɩ a Yeezu a dɩb ƴãw a na tɩ nyɛ̃ a lɛ a, ʋ tɩɛr'ɩ ʋ pʋɔ: «A nɩr ŋa tɩ sɩrɩ ɩ naaŋmɩn-ƴɛ̀r-manɛ a, ʋ nãá bãw nɩ ãa n'ɩ a pɔw ŋa, nɩ nɩ-bʋ̃ʋ n'ɩ a pɔw ŋa na tʋɔr ʋ a, ʋ nãá bãw na kɛ́ yel-bier-maalɛ n'ʋ.»

Luka 7:46

Fʋ bɛ cir kãa-nyũu ƴãw a ɩ̃ zũú ɛ, ɛcɛ ʋl a, ʋ cir'ɩ parfɛ̃ ƴãw a ɩ̃ gbɛ́ɛ zu.

Luka 7:48

Al pùorí, a Yeezu tɩ yel'ɩ a pɔw: «Fʋ páw nɩ a fʋ yel-bebe suur.»

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

Ʋrɔm 5:20

A Naaŋmɩn wulu wa na k'aa sãwna tʋ̃ɔ́ bʋwlɩ pàw a ziir za, ɛcɛ a be a yel-bier na tɩ bʋwlɩ a, a Naaŋmɩn maalʋ mɩ̀ tɩ ʋr'a tɩ zuo.

2 Korɛ̃tɩ 5:14

Bʋ̃ʋ n'ʋ vɛ̃, a Kɩrɩta nɔ̃wfʋ fɩɩrɩ tɩ na tɛr, tɩɩm na bãw kɛ́ nɩ-been yõ kpi n a nɩbɛ za ƴãw a, ɛ́ k'aa na ɩ lɛ a, bɛ za lãw nɩ ʋ na kpi a.

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Efɛɛzɩ 6:24

A bɛlɩ dem za na nɔnɛ a tɩ Sore Yeezu Kɩrɩta nɩ nɔ̃wfʋ na bɛ tɛr sãwfʋ a, a Naaŋmɩn maalʋ, ʋ be a bɛ zie.

Filib 1:9

Ɛ́ a ɩ̃ puoru n'ɩ ŋa: kɛ́ a nyɩ nɔ̃wfʋ kɛrɛ dɔwlɛ nɩ bãwfʋ mɩŋa nɩ nyɛrʋ na vɩɛl ʋ za a,

1 Timote 1:14

Sɩza, a tɩ Sore maalʋ siw nɩ a ɩ̃ zu yaga za, lãwnɩ a naaŋmɩn-sàw-deb nɩ a nɔ̃wfʋ na be a Kɩrɩta Yeezu pʋɔ a.

1 Zã 1:7

Ɛcɛ tɩmɛ wa cere a cãà pʋɔ mɛ̃ a Naaŋmɩn mɩŋa na be a cãà pʋɔ a, tɩ lãw nɩ taa ɛ́ a ʋ Bie Yeezu Kɩrɩta zɩ̃ɩ pɛ́wr'ɩ yel-bier za dɛwr bɛrɛ tɩ.

1 Zã 3:18

Ɩ̃ bibiir i, nyɩ ta ɩ tɩ nɔnɛ nɩ nʋɔr nɩ ƴɛ̀r-vɩɛlɩ tɛwr ɛ, nyɩ ɩ a tɩ nɔ̃wfʋ sãá a tɩ ɩ-ɩrɩ pʋɔ ɛ́ tu a yel-mɩŋa.

1 Zã 4:19

Tɩɩm a, tɩ nɔnɛ na, a Naaŋmɩn na n'ʋ de niwn nɔ̃w tɩ a ƴãw.

1 Zã 5:3

À ŋá n'a a Naaŋmɩn nɔ̃wfʋ sɩrɩ ŋmɛ̃: kɛ́ tɩ sàwr a ʋ nɛ-ƴãwnɩ. Ɛ́ a ʋ nɛ-ƴãwnɩ bɛ kpɛmɛ zuo ɩ,