Luka 7:39 - A SƐB-SÕW

³⁹ A Faarizɩ̃ɛ nɛ na tɩ bʋɔlɩ a Yeezu a dɩb ƴãw a na tɩ nyɛ̃ a lɛ a, ʋ tɩɛr'ɩ ʋ pʋɔ: «A nɩr ŋa tɩ sɩrɩ ɩ naaŋmɩn-ƴɛ̀r-manɛ a, ʋ nãá bãw nɩ ãa n'ɩ a pɔw ŋa, nɩ nɩ-bʋ̃ʋ n'ɩ a pɔw ŋa na tʋɔr ʋ a, ʋ nãá bãw na kɛ́ yel-bier-maalɛ n'ʋ.»

Luka 7:39 ပူးပေါင်းရင်းမြစ်များ

2 Na-mɩnɛ 5:20

ɛ́ a Naaŋmɩn nɩr Elize tõ-tõ-bie, Gehazi, tɩɛr ʋ pʋɔ: «A ɩ̃ nɩ-kpɛ̃ɛ bɛr'ɩ a Naaman, a Siiri tẽw dem nɩr ŋa, ʋ zawr'ɩ a bome ʋ na wa n a. A Sore na vʋʋrɛ a zũú, mãa na diw na bɩɛrɩ ʋ, tɩ páw bʋ̃-kãw a ʋ zie!»

Zʋkpaɩ 23:7

Bʋ̃ʋ n'ʋ vɛ̃, ʋ bɛ mɩ́ ɩ a nɩr ʋl ʋ na sãá a ɩ. Ʋ mɩ́ yel fʋ na: «Dɩrɛ ɛ́ nyúur», ɛcɛ a ʋ pʋɔ bɛ de b ɛ.

Ɩzayi 65:5

Bɛ mɩ́ yere nɩ a nɩbɛ zie: «Nyɩ taa tawr pɩɛlɛ ɩ, nyɩ taa tʋɔr mɛ̃ ɩ. Bʋ̃ʋ n'ʋ vɛ̃, ɩ̃ nãà ɩ na nyɩ ɩ bʋ̃-tuor». A nyɩ ɩ-ɩrɩ á ŋá za mɩ́ ɩ na nyɛɛ karɛ mɛ̃, a ɩ̃ suur mɩ́ ìr'a 'lere mɛ̃ vũu a, kʋralɛ.

Matie 20:16

A Yeezu tɩ yel a ƴãw pʋɔ: «À ŋá n'a a po-pàwrbɛ na ɩ niw-dierbɛ, ɛ́ a niw-dierbɛ ɩ po-pàwrbɛ.»

Matie 21:11

A zu-sɛbla tɩ sɔw na: «A naaŋmɩn-ƴɛ̀r-manɛ Yeezu na yi Nazarɛtɩ, Galile tẽw a n'ʋ.»

Markɩ 7:21

Sɩza n'a, a nɩsaal pʋ̃ɔmɩ, a ʋ socir pʋɔ n'a a tɩɛr-faar za mɩ́ yi: a nɩ-fa-ɩb, a nyãnyuwlu, a nɩbɛ kʋb,

Luka 12:17

Ʋ tɩ sowr'ɩ ʋ tʋɔra: “Ɩ̃ na ɩ n ŋmɩn? Ɩ̃ bɛ bãw be ɩ̃ na na ƴãw a ɩ̃ bʋ̃-dieri a ɩ!”

Luka 15:2

A Faarizɩ̃ɛ mɩnɛ nɩ a Naaŋmɩn wulu sɛ-sɛbrbɛ tɩ zɛbr'a yere nɩ: «A nɩr ŋa a, ʋ nɔnɛ nɩ a yel-bebe dem ɛ́ lãw dɩrɛ nɩ bɛ!»

Luka 16:3

A bʋ̃-kaarɛ tɩ tɩɛr'ɩ ʋ pʋɔ: “A ɩ̃ nɩ-kpɛ̃ɛ na faa nɩ a ɩ̃ tome. Ɩ̃ na ɩ n ŋmɩn? Ɩ̃ bɛ tɛr fãw a tẽsɔw kɔb ƴãw ɛ, ɛ́ vĩ ɩrɛ mɛ̃ a zɛlʋ ƴãw.

Luka 18:4

A ƴɛ̀r-maalɛ tɩ zawr'a, a tɩ cɛlɩ. Al pùorí, ʋ wa yel ʋ tʋɔra: “Mãa saa bɛ zɔrɛ Naaŋmɩn, ɩ̃ɩ tobr bɛ ka nɩr za ƴãw a,

Luka 3:8

Nyɩ ɩ a sãá a nyɩ ɩ-ɩrɩ pʋɔ kɛ́ nyɩ lɩɛb'ɩ a nyɩ ɩb, ɛ́ taa wa tɩɛrɛ nyɩ pʋɔ yere kɛ́: “Tɩ sãà n'ɩ Abraham ɛ!” Mãa n'ʋ yere kʋ̀rɛ nyɩ, a kʋsɛbɛ á ŋá na gã a, Naaŋmɩn na tʋ̃ɔ́ na ɩ a lɩɛbɩ Abraham bibiir.

Luka 7:16

Dɛ̃bɩ̃ɛ tɩ nyɔw nɩ a nɩbɛ za. Bɛ tɩ danɛ nɩ a Naaŋmɩn yere nɩ: «naaŋmɩn-ƴɛ̀r-manɛ kpɛ̃ɛ kpɛ̃ɛ be n a tɩ sɔgɔ, ɛ́ a Naaŋmɩn jɩ́r'ɩ a ʋ nɩ-bʋʋrɛ kaa.»

Luka 7:37

Pɔw kãw tɩ yi n a tẽw pʋɔ wa kpɛ, yel-bier-maalɛ tɩ n'ʋ. Ʋ tɩ wõ na kɛ́ a Yeezu be n a Faarizɩ̃ɛ yir dɩrɛ, ɛ́ tɩ de parfɛ̃ na ƴãw kʋsɛ-pla kole pʋɔ a wa n,

Luka 7:38

wa àr'ɩ a Yeezu zikurí, a ʋ gbɛ́ɛ ƴãw, ɛ́ nyɔw kon, a mʋta-kʋ̃ɔ cire waarɛ a Yeezu gbɛ́ɛ, ʋ fɩɛlɛ nɩ a ʋ zukɔbɛ bɛrɛ, ɛ́ mɔwrɛ, ɛ́ zɩɛr a a parfɛ̃.

Luka 7:40

Ɛcɛ a Yeezu tɩ de nɩ a ƴɛ̀rʋ yel ʋ: «Sɩmʋ̃ ʋ, ɩ̃ tɛr'ɩ ƴɛ̀rʋ bɔbr k'ɩ̃ɩ ƴɛ̀r kʋ̀ b.» Ʋ sɔw: «Ƴɛ̀rɛ, Wul-wul-kara a.»

Zã 4:19

A pɔw lɛb yel ʋ: «Sore e, ɩ̃ nyɛ̃ na kɛ́ fʋ ɩ n naaŋmɩn-ƴɛ̀r-manɛ.

Zã 7:12

A zu-sɛbla pʋɔ a, nɩbɛ tɩ ŋmɩɛr'ɩ nɔkpɛn a ʋ ƴãw. Bɛ mɩnɛ tɩ yere na: «Nɩ-vla n'ʋ.» Ɛ́ bɛ mɩnɛ yere: «Ʋ̃ʋ'hʋ̃. Nɩbɛ n'a ʋ bɛlɛ.»

Zã 9:24

A Faarizɩ̃ɛ mɩnɛ tɩ bʋɔl'ɩ a nɩr ʋl na tɩ dãw zɔ̃w a, a gb'a ayi sob, wa yel ʋ: «Yel yel-mɩŋa a Naaŋmɩn niŋé. Tɩɩm a, tɩ bãw na kɛ́ a nɩr ŋa ɩ n yel-bier-maalɛ.»