Luka 7:38 - A SƐB-SÕW

³⁸ wa àr'ɩ a Yeezu zikurí, a ʋ gbɛ́ɛ ƴãw, ɛ́ nyɔw kon, a mʋta-kʋ̃ɔ cire waarɛ a Yeezu gbɛ́ɛ, ʋ fɩɛlɛ nɩ a ʋ zukɔbɛ bɛrɛ, ɛ́ mɔwrɛ, ɛ́ zɩɛr a a parfɛ̃.

Luka 7:38 ပူးပေါင်းရင်းမြစ်များ

Yele-za-pɛr-tib 18:4

Bɛ na wa n nɩ kʋ̃ɔ blã nyɩ wa pɛ́w gbɛ́ɛ, ɛ́ pɩ̃ɛnɩ a tɩɛ ŋa pile.

Ɛsɩdɩrasɩ 10:1

A Ɛsɩdɩrasɩ na tɩ kone gbĩ n dume a Ŋmɩn-yir-kpɛ̃ɛ niŋé, puore ɛ́ zɛlɛ k'aa Naaŋmɩn dɩ suur a, a Ɩsɩrayɛl nɩbɛ yaga, dɛbr, pɔwbɛ nɩ bibiir tɩ wa na wa ɓã taa a ʋ zie. Bɛ za tɩ kone nɩ minminmin.

Sɛb-sõw yielu 38:18

Mãa n'ɩ ŋan cɛ blã na kaw lo, ɛ́ a 'wɔbrʋ 'wɔbr mɛ̃ kʋralɛ.

Sɛb-sõw yielu 51:17

Sore e, yuo a ɩ̃ nʋɔr, ɩ̃ tʋ̃ɔ́ danɛ fʋ.

Ekilezɩasɩ 9:8

Mɩ́ su cuw kparɩ kʋralɛ, ɛ́ taa yiire a parfɛ̃ ŋmɛb ɛ.

A Yielu za pʋɔ yiel-vla vla 1:3

zuo a fʋ kãá-nyũu. A nɩbɛ nɔnɛ fʋ na mɛ̃ parfɛ̃ na vɩɛl vɩɛl a, alɛ n'a so a pɔwsɩrali kpiir lore a fʋ ƴãw.

Ɩzayi 57:9

Fʋ mɩ́ cen nɩ a na-kpɛ̃ɛ zie, tɛr kãá nɩ parfɛ̃, fʋ mɩ́ tõ n nɩbɛ zie na zãá nɩ a ka yaga za a. Fʋ mɩ́ siw na tɩ ta a kpɩmɛ tẽw.

Ɩzayi 61:3

A Sɩyɔ̃ ƴãw n'a bɛ tɛr a wahala. Ɛcɛ a fɛr'a k'ɩ̃ɩ kʋ̀ bɛ zu-pɛn vla vla lɩɛr'ɩ a tãpɛlʋ na be a bɛ zurú a, k'ɩ̃ɩ cir kãá-nyũu ƴãw bɛ na wule nʋ̃ɔ̀ ɛ́ bɛ wule wahala a, k'ɩ̃ɩ su bɛ cuw kparɩ lɩɛr'ɩ a nɩbaal-ɩb bɛ na ɩrɛ a. Lɛ n'a bɛ na de bɛ man nɩ tɩɩr na ɩrɛ a Naaŋmɩn nyɛrɛ ƴãwfʋ a, tɩ-sɛlɩ zie na wule a Sore yúor-vɩɛlʋ-danʋ a.

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Zowɛl 2:12

A Sore yere na: «Vuo cãà nɩ be a ɩ̃ zie lɛb-waa ƴãw a ƴɛrɛŋa. Nyɩ lɛb wa a ɩ̃ zie nɩ a nyɩ pʋɔ za: nyɩ tɛr mʋta-tuo, nyɩ kone cire mʋta-kʋ̃ɔ, nyɩ tuo nuru zũú kone nɩ.

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Matie 5:4

Zu-nʋ̃ɔ̀ dem'ɩ a bɛlɩ dem na kone a, bɛ na nyɛ̃ nɩ a Naaŋmɩn mɔwlʋ.

Luka 22:62

Ʋ tɩ yi n a yẽw tɩ kõ mʋta-zɩ̃ɩ.

Luka 6:21

Zu-nʋ̃ɔ̀ dem n'ɩ nyɩ, nyɩɩm kɔ̃ na kpɩɛr a ƴɛrɛŋa a: nyɩ nãà tɩw na! Zu-nʋ̃ɔ̀ dem n'ɩ nyɩ, nyɩɩm na kone a ƴɛrɛŋa a: nyɩ nãà laar a!»

Luka 7:37

Pɔw kãw tɩ yi n a tẽw pʋɔ wa kpɛ, yel-bier-maalɛ tɩ n'ʋ. Ʋ tɩ wõ na kɛ́ a Yeezu be n a Faarizɩ̃ɛ yir dɩrɛ, ɛ́ tɩ de parfɛ̃ na ƴãw kʋsɛ-pla kole pʋɔ a wa n,

Luka 7:39

A Faarizɩ̃ɛ nɛ na tɩ bʋɔlɩ a Yeezu a dɩb ƴãw a na tɩ nyɛ̃ a lɛ a, ʋ tɩɛr'ɩ ʋ pʋɔ: «A nɩr ŋa tɩ sɩrɩ ɩ naaŋmɩn-ƴɛ̀r-manɛ a, ʋ nãá bãw nɩ ãa n'ɩ a pɔw ŋa, nɩ nɩ-bʋ̃ʋ n'ɩ a pɔw ŋa na tʋɔr ʋ a, ʋ nãá bãw na kɛ́ yel-bier-maalɛ n'ʋ.»

Zã 11:2

A Marya ŋa tɔr za n'ʋ tɩ cir a parfɛ̃ ƴãw a Yeezu gbɛ́ɛ ƴãw, ɛ́ fɩɛl'ɩ a ʋ zukɔbɛ. A ʋ yɛ-dɛb tɩ n'ɩ a Lazaar na ɩ a bàal a.

Zakɩ 4:9

Nyɩ sàw a nyɩ bãbàalʋ, nyɩ ɩ ko-tuolu dem, nyɩ kone. Nyɩ bɛr laarʋ ɛ́ kone, ɛ́ a nyɩ nʋ̃ɔ̀ lɩɛbɩ pʋ-sãwna.