Luka 7:13 - A SƐB-SÕW

¹³ A Sore na tɩ nyɛ̃ ʋ a, a ʋ nɩbaalʋ tɩ kpɛ ʋ nɩ yaga ʋ yel ʋ: «Ta kone ɩ!»

Luka 7:13 ပူးပေါင်းရင်းမြစ်များ

Sɛb-sõw yielu 103:13

Mɛ̃ a lɛ sãà na mɩ́ zɔrɛ a ʋ bibiir nɩbaalʋ a, lɛ n'a a Sore zɔrɛ a bɛlɩ dem na zɔrɛ ʋ a nɩbaalʋ.

Sɛb-sõw yielu 86:15

Ɛcɛ fʋ̃ʋ a, Sore e, fʋ ɩ n Naaŋmɩn na ɩ su-ɓaarʋ sob ɛ́ zɔrɛ nɩbaalʋ a, a fʋ suur bɛ pawr ɛ, ɛ́ fʋ ɩ nɔ̃wfʋ nɩ pùor-bɛ-lɛbrʋ tɛwr.

Sɛb-sõw yielu 86:5

Fʋ̃ʋ a, Sore e, fʋ ɩ n nɩ-vla, ɛ́ dɩrɛ suur, a fʋ nɔ̃wfʋ bɛ dɩ vuo a bɛlɩ dem na bʋɔlɛ fʋ a ƴãw ɛ.

Ɩzayi 63:9

A bɛ kpɩɛrʋ za pʋɔ a, nɩ-tona kãw bɩɩ malkɩ kãw bɛ n'ʋ faa bɛ ɩ, a Sore mɩŋa n'ʋ. Ʋ ya na de bɛ a ʋ nɔ̃wfʋ nɩ a ʋ nɩbaal-zɔba pʋɔ. Ʋ tɛr bɛ na ɛ́ tɩ̀ɛ bɛ a bɛ yele pʋɔ a koro za.

Zeremi 31:20

A Sore yere na: «A Efarayim n'ɩ a ɩ̃ bidɛb-nɔna nɔna za, ɩ̃ nɔnɛ ʋ na zuo a ʋ taabɛ. Alɛ n'a so, kʋralɛ mãa wa yere ʋ a, ɩ̃ mɩ́ cãà na tɛr a ʋ tɩɛrʋ. Ɩ̃ nɔnɛ ʋ na bɛ dɩ vuo ɩ. Sɩza, ɩ̃ sɩrɩ na zɔrɛ a ʋ nɩbaalʋ.»

Markɩ 8:2

«A nɩbɛ bɛ ŋa ɩrɛ mɛ̃ nɩ nɩbaalʋ, bibie ata n'ɩ à ŋá bɛ na be a ɩ̃ zie a, ɛ́ bɛ cãà tɛr bʋ̃-dɩra za a.

Luka 10:1

À á ŋá pùorí, a Sore tɩ kaa na ír nɩbɛ lɩz'a ata nɩ pie nɩ ayi a ʋ po-tuurbɛ pʋɔ, ɛ́ tõ bɛ ayiri yiri a ʋ nidaa, a ten al za pʋɔ, nɩ a ziir al za ʋl mɩŋa na tɩ cere a.

Luka 11:1

Bibir kãw, a Yeezu tɩ be n zie kãw puore. Ʋ na wa puori baar'a, a ʋ po-tuurbɛ ƴen sob tɩ zɛlɩ ʋ na yel: «Sore e, zànɩ nɩ tɩ a puoru mɛ̃ a lɛ a Zã-Bati na zànɩ nɩ a ʋ po-tuurbɛ a.»

Luka 11:39

Lɛ n'a a Sore tɩ yel ʋ: «A nyɩɩm Faarizɩ̃ɛ mɩnɛ a, à ŋá n'a nyɩ ŋmɛ̃: nyɩ mɩ́ pɛ́w nɩ a koli-nyúura nɩ a laa zikur a vɩɛl, ɛcɛ a nyɩ pʋɔ nɩ̃ɛ paalɩ nyãnyu-tɩɛrʋ nɩ po-to-ɩb.

Luka 12:42

A Sore tɩ sɔw na: «Bʋ̃-kaarɛ vla buor sob'ʋ, bãw yã, a zu-sob na ƴãw k'ʋ dɩ nɩ-kpɛ̃ɛnʋ a ʋ yir nɩbɛ zu, kɛ́ a daar mɩ́ wa ta a, ʋ̃ʋ manɩ a ble kʋ̀ bɛ?

Luka 13:15

A Sore tɩ sɔw ʋ na: «Nɩsaal-libelibe bɛ ŋa! A nyɩ buor sob'ʋ bɛ mɩ́ cɛ̀r a ʋ náab bɩɩ a ʋ bõw cen nɩ tɩ ƴãw a kʋ̃ɔ a pɩ̃ɛnʋ-bibir?

Luka 17:5

A nɩ-toni tɩ yel'ɩ a Sore: «Ɩ a tɩ naaŋmɩn-sàw-deb ʋ bɛrmɛ dɔwlɩ.»

Luka 17:6

A Sore tɩ sɔw na: «Nyɩmɛ tɩ ɩ mɛ̃ nyɩ tɛr'ɩ a naaŋmɩn-sàw-deb ʋ bɛrmɛ mɛ̃ seneve bir a, nyɩ nãá tɩ yel'ɩ a sɩkomɔɔr tɩɛ ŋa na àr a: “Vʋ̃ɔ tɩ bà a kʋ̃ɔ-kpɛ̃ɛ pʋɔ”, ʋʋ nãá sàw nɩ a nyɩ nʋɔr.»

Luka 18:6

A Sore tɩ yel a ƴãw pʋɔ: «Nyɩ maal wõ vla a lɛ a ƴɛ̀r-maal-faa sob ŋa na yel a.

Luka 19:8

Ɛcɛ a Zase tɩ àr'ɩ a Sore niŋé ɛ́ yel ʋ: «Sore e, nyɛ̃, ɩ̃ na de nɩ a ɩ̃ bʋ̃-tɛrɩ põ-zɛ̃-taa zie kʋ̀ nan dem, ɛ́ mãa wa dãw sãw nɩr a, ɩ̃ na lɛb'a maal'ʋ gb'a anaar dɔwlɩ.»

Luka 22:61

A Sore tɩ lɩɛb'a jɩ́r a Pɩɛr gbẽgbẽ. Lɛ n'a a Pɩɛr lɛb bãwnɩ a ƴɛ̀rʋ ʋl a Sore na tɩ ƴɛ̀r kʋ̀ ʋ a: «A dɩ̃a a, nʋra kʋ̃ kõ sɛr ɛ, ɛ́ fʋ ciiri gb'a ata kɛ́ fʋ bɛ bãw mɛ̃ ɩ.»

Luka 24:3

Bɛ tɩ kpɛ na, ɛcɛ bɛ bɛ tɩ nyɛ̃ a Sore Yeezu ƴã-gan ɛ.

Luka 24:34

Bɛ tɩ yel bɛ na: «Sɩza n'a, a Sore lɛb'a yi, Sɩmʋ̃ nyɛ̃ ʋ na!»

Luka 7:12

Ʋ na tɩ tarɛ a tẽw dɩ̃dɔr ƴãw a, bɛ nyɛ̃ nɩ nɩbɛ na tuo kũu cere nɩ ũufʋ a: pɔw-kʋɔr kãw bidɛb-been tɩ n'ʋ. A tẽw nɩbɛ yaga tɩ bɩɛlɛ nɩ a pɔw nɛ.

Luka 7:14

Al pùorí, ʋ taw ta tɔ a daga, a kũu-tuorbɛ tɛw àr. A Yeezu tɩ yel'a: «Pɔlbile e, mãa n'ʋ yere kʋ̀rɛ fʋ, ìr!»

Luka 7:19

wa tõ bɛ a Sore zie, kɛ́ bɛ tɩ sowr'ʋ: «Fʋ̃ʋ n'ɩ a Kɩrɩta na na wa a, bɩɩ tɩ cãà cɛlɛ nɩ-yũo?»

Luka 8:52

A nɩbɛ za tɩ tuo nɩ nuru zũú kone nɩ a powle. A lɛ n'a a Yeezu tɩ yel: «Nyɩ ta kone ɩ, ʋ bɛ kpi ɛ, gʋ̃ɔ n'a ʋ gúre!»

Zã 11:2

A Marya ŋa tɔr za n'ʋ tɩ cir a parfɛ̃ ƴãw a Yeezu gbɛ́ɛ ƴãw, ɛ́ fɩɛl'ɩ a ʋ zukɔbɛ. A ʋ yɛ-dɛb tɩ n'ɩ a Lazaar na ɩ a bàal a.

Zã 11:3

A Lazaar yeepuuli tɩ tõ na bɛ tɩ yel a Yeezu: «Sore e, a sob nɛ fʋ na nɔnɛ a ɩ n bàal.»

Zã 20:13

Bɛ tɩ sowr'ʋ na: «Pɔw i, bʋ̃ʋ n'ʋ tɛr fʋ fʋ kone?» Ʋ tɩ sɔw bɛ na: «Bɛ ír'ɩ a ɩ̃ Sore, ɩ̃ɩ bɛ bãw be bɛ na ƴãw ʋ a ɩ.»

Zã 20:15

A Yeezu tɩ sowr'ʋ na: «Pɔw i, bʋ̃ʋ n'ʋ tɛr fʋ fʋ kone? Ãa n'ʋ fʋ bɔbr?» Ɛcɛ a Marya ʋl tɩ manɛ kɛ́ a zaadɛ̃-gùre n'ʋ ɛ́ yel ʋ: «Sore e, fʋ̃ʋ wa n'ʋ de ʋ a, fʋ̃ʋ wul mɛ̃ a be fʋ na ƴãw ʋ a, ɩ̃ɩ na cen na tɩ ɓáw ʋ!»

Zã 4:1

A Faarizɩ̃ɛ mɩnɛ tɩ wõ na kɛ́ a Yeezu páwr'ɩ po-tuurbɛ, ɛ́ kʋ̀rɛ bɛ a suob zuo a Zã.

Zã 6:23

Ɛcɛ gbee a mɩnɛ tɩ yi n a Tɩberiyadɩ wa ta pɩɛlɩ a be a Sore na tɩ puori a Naaŋmɩn yãanɩ a dipɛ̃ ƴãw baarɩ, ɛ́ bɛ 'wɔb a.

1 Korɛ̃tɩ 7:30

a bɛlɩ dem na kone a, bɛ ɩ mɛ̃ bɛ bɛ kone a, a bɛlɩ dem na cɩlɛ a, bɛ ɩ mɛ̃ bɛ bɛ cɩlɛ a, a bɛlɩ dem na daar bome a, bɛ ɩ mɛ̃ bɛ bɛ tɛr bom a,

1 Tesalonikɩ 4:13

Yɛbr i, tɩ bɔbr'a kɛ́ nyɩ bãw a yel-mɩŋa na càarɩ a bɛlɩ dem na mɩ́ kpi a, kɛ̀ nyɩ ta tɛr pʋ-sãwna mɛ̃ a bɛlɩ dem na bɛ ƴãw a bɛ tɩɛrʋ a Naaŋmɩn ƴãw a ɩ.

Ebre 2:17

Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

Ebre 4:15

Bàwr-maal-kara na kʋ̃ tʋ̃ɔ́ lãw nɩ tɩ gú a tɩ bãbàalʋ pʋɔ a bɛ n'ʋ tɩ tɛr ɛ. Bɛ nɩ̃ɛ na ɩ ʋ kaa a za pʋɔ mɛ̃ a tɩɩm a, ʋʋ bɛ maalɩ yel-bier ɛ.

Ƴɛ̀r-dɩrbɛ 10:16

Bɛ tɩ wob'ɩ a ŋmɩn-sãanbɛ lɔb bɛr, ɛ́ lɛb tĩ maalɛ a Sore. Lɛ n'a a Sore bɛ tɩ tʋ̃ɔ́ bɛr a Ɩsɩrayɛl nɩbɛ bɛ cãà wone a tuo ɩ.