Luka 7:12 - A SƐB-SÕW

¹² Ʋ na tɩ tarɛ a tẽw dɩ̃dɔr ƴãw a, bɛ nyɛ̃ nɩ nɩbɛ na tuo kũu cere nɩ ũufʋ a: pɔw-kʋɔr kãw bidɛb-been tɩ n'ʋ. A tẽw nɩbɛ yaga tɩ bɩɛlɛ nɩ a pɔw nɛ.

Luka 7:12 ပူးပေါင်းရင်းမြစ်များ

Yele-za-pɛr-tib 22:12

A Sore malkɩ lɛb yel ʋ: «Taa zɛwr nũu tʋɔr'ɩ a bie ɩ, taa ɩrɛ ʋ bom za ɩ. Ɩ̃ pãa bãwnɩ a nɩ ƴɛrɛŋa kɛ́ fʋ zɔrɛ mɛ̃ na, fʋ na bɛ sɩb mɛ̃ a fʋ bidɛb-been a.»

Yele-za-pɛr-tib 22:2

A Naaŋmɩn yel: «De a fʋ bidɛb Ɩzaakɩ, a fʋ bidɛb-been fʋ na nɔnɛ yaga za a, cen nɩ Moriya tẽw, tãw kãw ɩ̃ na na wul fʋ a zu, tɩ maal'ɩ ʋ nyɩw-a-za-bàwr kʋ̀ m a be.»

2 Samɩɛl 14:7

Lɛ n'a a dɔwlʋ nɩbɛ za ìr lo a ɩ̃ zu. Bɛ tɩ yel mɛ̃ na: “Kʋ̀ tɩ a yɛb na kʋ a ʋ yɛb a. Tɩ na kʋ ʋ na yáa a ʋ yɛb ʋ na kʋ a san. À ŋá n'a tɩ mɩ̀ na ɩ a gbã-dɩrɛ ta ka be ɩ.” À à ŋá bɛ na ɩrɛ a, bɛ na baa na sãw a ɩ̃ tɩɛrʋ ɩ̃ na tɛr a. Bɛ bɛ bɔbr k'aa ɩ̃ sɩr tɛr bʋʋrɛ na na cãà pore a ʋ yúor a tẽw zu a ɩ.»

1 Na-mɩnɛ 17:12

A pɔw tɩ yel ʋ na: «A fʋ Naaŋmɩn, a Sore na vʋʋrɛ a n'ʋ ɩ̃ pɔrɛ nɩ, ɩ̃ bɛ tɛr dipɛ̃ ɩ. Nũ-kur zɔ̃ n'a cɛ m ziduwle pʋɔ, nɩ kãá blã laa pʋɔ. Ɩ̃ wa na k'ɩ̃ɩ wa tuuri dali-bie ayi kpɛ n tɩ maal'ɩ a al na cɛ a, mãa nɩ a ɩ̃ bidɛb ƴãw, tɩ dɩ ɛ́ kpi.»

1 Na-mɩnɛ 17:18

A ʋ mã tɩ yel'ɩ a Eli à ŋá: «Mãa nɩ fʋ̃ʋ mɩ̀ bʋnʋ, Naaŋmɩn nɩr i? Fʋ wa n a ɩ̃ zie, kɛ́ fʋ wa lɛb sɩ̃w a ɩ̃ sãwna tɩɛrʋ a Naaŋmɩn zie, ɛ́ ɩ a ɩ̃ bidɛb ʋ kpi bɩɩ?»

1 Na-mɩnɛ 17:23

A Eli tɩ de nɩ a bie yi n a bɔwpɩɛ pʋɔ siw nɩ a dĩó, tɩ kʋ̀ a mã ɛ́ yel: «Jɩ́r nyɛ̃, a fʋ bidɛb vʋʋrɛ na!»

1 Na-mɩnɛ 17:9

«Ìr cen Sarɛpta, na pɩɛlɩ Sɩdɔ̃ a, tɩ kpɩɛr a be. Ɩ̃ yel'ɩ pɔw-kʋɔr kãw a be, k'ʋʋ kʋ̀rɛ fʋ a bʋ̃-dɩrɩ.»

2 Na-mɩnɛ 4:16

A Elize tɩ yel ʋ na: «Vɩɛr, à à ŋá tɔ-won, fʋ na ƴãw nɩ dɛble nũú.» Ɛcɛ a pɔw tɩ yel'a: «A kʋ̃ tʋ̃ɔ́ ɩ! Ta bɛlɛ mɛ̃ ɩ, Naaŋmɩn nɩr i.»

2 Na-mɩnɛ 4:20

A tõ-tõ-bie tɩ de nɩ a bie cen nɩ tɩ kʋ̀ a mã. A bie tɩ be n a mã gbɛ́ɛ zu tɩ ta a mʋ̃tɔ̃-tuo, ɛ́ kpi.

A Zɔb sɛbɛ 29:13

Mãa n'ʋ a bɛlɩ dem na ŋmaar vʋʋrʋ a mɩ́ tɩ ƴɛ̀r a nɔ-vla kʋ̀, ɩ̃ɩ mɩ́ tɩ ɩ na ƴãw ɓãá a pɔw-kɔbɛ.

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Luka 7:11

Al pùorí, a Yeezu tɩ cen nɩ tẽw kãw bɛ na bʋɔlɛ kɛ́ Nayin a. A ʋ po-tuurbɛ nɩ nɩ-yaga yaga tɩ bɩɛlɛ ʋ na.

Luka 7:13

A Sore na tɩ nyɛ̃ ʋ a, a ʋ nɩbaalʋ tɩ kpɛ ʋ nɩ yaga ʋ yel ʋ: «Ta kone ɩ!»

Luka 8:42

wa nyɛ̃ a ʋ pɔwyali-been na ŋmaar vʋʋrʋ a. A pɔwyale tɩ tarɛ nɩ yome pie nɩ ayi. A Yeezu na tɩ be a sɔ́r zu cere a, a nɩbɛ tɩ fɩɩrɛ ʋ nɩ a ziir za.

Luka 8:52

A nɩbɛ za tɩ tuo nɩ nuru zũú kone nɩ a powle. A lɛ n'a a Yeezu tɩ yel: «Nyɩ ta kone ɩ, ʋ bɛ kpi ɛ, gʋ̃ɔ n'a ʋ gúre!»

Zã 11:19

Zifʋ mɩnɛ yaga tɩ wa na kɛ́ bɛ wa puori a Marta nɩ a Marya a bɛ yɛ-dɛb kuor.

Nɩ-toni 9:39

A Pɩɛr tɩ ìr'ɩ daadaalɛ páw bɛ cen. Ʋ na tɩ ta a, bɛ tɛr ʋ na do n a bɔwpɩɛ pʋɔ. A pɔw-kɔbɛ za tɩ ɓã n taa a be, kone wule nɩ a Pɩɛr a kpali nɩ a kpar-bɛrɛ al a Dɔrkasɩ na tɩ wóbr a ʋ cãafʋ daar a.

Nɩ-toni 9:41

A Pɩɛr tɩ nyɔw ʋ nɩ nũú ʋ ìr, ʋʋ bʋɔlɩ a kɩrɩta-nɩbɛ nɩ a pɔw-kɔbɛ wa wul bɛ a Tabɩta na lɛb vʋʋrɛ a.

Zakɩ 1:27

A Naaŋmɩn Sãà niŋé a, a puoru na vɩɛl ɛ́ ɩ sɩza a n'ɩ ŋa: ɛ́ fʋ kaarɛ a bi-kpebe nɩ a pɔw-kɔbɛ zie a bɛ kpɩɛrʋ pʋɔ, ɛ́ gùre fʋ tʋɔra a tẽ-daa dɛwr za ƴãw.