Luka 6:8 - A SƐB-SÕW

⁸ Ɛcɛ a Yeezu tɩ bãw nɩ a bɛ tɩɛrʋ. Lɛ so ʋ tɩ yel a nũ-kũu sob: «Ìr àr a ka a nɩbɛ niŋé.» Ʋ ìr àr.

Luka 6:8 ပူးပေါင်းရင်းမြစ်များ

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

1 Bibie za yel-manɩ 29:17

Ɩ̃ Naaŋmɩn i, ɩ̃ bãwnɩ a na, fʋ jɛlɛ nɩ a pʋ-tɩɛr-sɔwlɩ ɛ́ nɔnɛ a soci-dẽdẽ. Mãa a, ɩ̃ nyɛ̃ nɩ ɩ tʋɔra de à á ŋá za kʋ̀ b nɩ soci-dẽdẽ, ɩ̃ɩ nyɛ̃ nɩ a fʋ nɩ-bʋʋrɛ na be a ka a dɩ̃a a, bɛ mɩ̀ nyɛ̃ bɛ tʋɔra de bome kʋ̀ b nɩ nʋ̃ɔ̀.

A Zɔb sɛbɛ 42:2

Ɩ̃ bãw na kɛ́ fʋ tʋ̃ɔ́ nɩ bom za, ɛ́ fʋ na tʋ̃ɔ́ na ɩ bom za fʋ na bɔbr a.

Sɛb-sõw yielu 44:21

Tɩmɛ tɩ yiiri a tɩ Naaŋmɩn yúor bɛr a, tɩmɛ tɩ zɛw a nuru cɔw ŋmɩn-yũo a,

Ɩzayi 42:4

Ʋ bɛ bàlɛ ɩ, ʋ bɛ tɩ̀ɛrɛ bɛrɛ ɩ, ɛ́ gù ʋ wa tɩ bin a lɛ-na-tu-sɔr-a, a tẽw zu, ɛ́ a nɩ-bʋʋrɛ na zãá a gùre a ʋ wulu.

Matie 9:4

A Yeezu na tɩ bãw a bɛ tɩɛrʋ a, ʋ sowri bɛ na: «Bʋ̃ʋ n'ʋ so a tɩɛr-faar á ŋá be a nyɩ zie?

Markɩ 3:3

A Yeezu tɩ yel'ɩ a nũ-kũu sob: «Ìr wa a sɔwlɩsɔw ka.»

Luka 13:12

A Yeezu na wa nyɛ̃ ʋ a, ʋ bʋɔl'ʋ na ɛ́ yel ʋ: «Pɔw i, a fʋ bàalʋ baar'a.»

Luka 5:22

Ɛcɛ a Yeezu na tɩ bãw a bɛ tɩɛrʋ a, ʋ sɔw na yel bɛ: «Bʋ̃ʋ n'ʋ so a tɩɛrʋ á ŋá taabɛ be a nyɩ zie?

Luka 6:9

A Yeezu yel bɛ: «Nyɩɩm n'a ɩ̃ sowre: a pɩ̃ɛnʋ-bibir a, vla n'a a nɩr tɛr sɔ́r na tʋ̃ɔ́ maalɩ bɩɩ faa n'a? Nɩr'ʋ a sob tɛr sɔ́r na faa bɩɩ na bɛr ʋ kpi?»

Zã 2:25

Ʋ bɛ tɩ gù kɛ́ nɩr wa dɩ a nɩsaal dãsɩɛ a ʋ zie ɩ, ʋl mɩŋa tɩ bãw nɩ ʋlɩ bom nɛ na be a nɩsaal socir pʋɔ a.

Zã 21:17

Ʋ tɩ lɛb'a yel a gb'a ata sob ƴãw: «Sɩmʋ̃, Zã bidɛb i, fʋ nɔnɛ mɛ̃ na a?» Pʋ-sãwna tɩ tɛr'ɩ a Pɩɛr, a Yeezu na tɩ sowr'ʋ a gb'a ata sob ƴãw: «Fʋ nɔnɛ mɛ̃ na a?» Ʋʋ tɩ sɔw na: «Sore e, fʋ bãw nɩ bom za, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Cɩ̃ɩnɛ a ɩ̃ píir.

Zã 9:4

A zie na cãà nyɛrɛ a, a fɛr'a kɛ́ tɩ tone a sob nɛ na tõ m a tome. A zie sɔbr'a, nɩr na kʋ̃ tʋ̃ɔ́ tõ ton a.

Nɩ-toni 20:24

Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»

Nɩ-toni 26:26

A nãà ŋa zie ɩ̃ na ɓãá ƴãw ƴɛ̀rɛ a, ʋ wõ n a yele á ŋá, ɩ̃ɩ bãwnɩ a na been kãw za na bɛ sɔwlɩ a ʋ zie a, bʋ̃ʋ n'ʋ vɛ̃, gõgon kãw pʋɔ bɛ n'a a yele á ŋá ɩ ɛ.

Filib 1:28

ɛ́ bɛ sàw a nyɩ dɔ̃ dem vʋ̃ɔ nyɩ pʋ̀lá zaa pʋrɩ ɛ, lɛ n'a a na wul bɛ kɛ́ bɛ bɔrɛ na, ɛcɛ a nyɩɩm be a faafʋ sɔ́r zu, ɛ́ a za yi a Naaŋmɩn zie.

Ebre 4:13

Bʋ̃-íra kãw bɛ be be sɔwlɩ a ʋ zie ɩ. Bom za mɩ́ sãá nɩ nyɩraalɛ a ʋ niŋé, ʋ na sowri tɩ nɩ bom.

1 Pɩɛr 4:1

A na ɩ à ŋá a Kɩrɩta wõ a tuo a ʋ ƴã-gan pʋɔ a, a nyɩɩm mɩ̀, nyɩ tɛr a tɩɛrʋ ŋa kpɛ̃w za mɛ̃ zɛbr bom a: nɩr na wõ tuo a ʋ ƴã-gan pʋɔ a, ʋ ír'ɩ nũu a yel-bier pʋɔ,

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.