Luka 6:41 - A SƐB-SÕW

⁴¹ Bʋ̃ʋ ƴãw n'a fʋ jɩ́rɛ a sàwr na be a fʋ yɛb mimirí a, ɛ́ bɛ nyɛ̃ a wɛw na be a fʋ dem pʋɔ a?

Luka 6:41 ပူးပေါင်းရင်းမြစ်များ

1 Na-mɩnɛ 2:32

Bʋ̃ʋ n'ʋ vɛ̃, a Ɩsɩrayɛl zɛbr-nɩbɛ nɩ-kpɛ̃ɛ Avɩnɛɛr, Nɛɛr bidɛb, nɩ a Zuda zɛbr-nɩbɛ nɩ-kpɛ̃ɛ Amasa, Yetɛɛr bidɛb, tɩ ɩ n nɩ-mɩn nɩ nɩ-vɩɛlɩ zuo a Zowab. Ɛcɛ ʋ kʋ bɛ na, ɛ́ a ɩ̃ sãà bɛ bãwnɩ a ɩ. A Sore tɔr za nyɛ̃ nɩ a Zowab ʋ ɩ a sãwna sob a nɩbɛ bɛ ŋa kũu ƴãw.

1 Bibie za yel-manɩ 21:6

A Zowab bɛ tɩ sɔ́r a Levi nɩ a Bɛ̃zamɛ dɔwlʋ nɩbɛ lãwnɩ a dɔwlʋ ŋmãa al na cɛ a ɩ, bʋ̃ʋ n'ʋ vɛ̃, a nãà nʋɔr ŋa bɛ tɩ pɛlɩ a ʋ pʋɔ towtow ɛ.

Sɛb-sõw yielu 36:2

A nɩ-faa nɔ-gaara ʋ na ƴɛ̀r a, ɩ̃ tɛr ʋ na tɩɛrɛ: ʋl zie a, «A Naaŋmɩn zɔba bɛ tɛr pɛr ɛ.»

Zeremi 17:9

Bom bɛ be be bɛ̀lɛ zuo a nɩsaal socir ɛ. Nɩr kʋ̃ tʋ̃ɔ́ ʋ sanɩ ɛ, nɩr kʋ̃ tʋ̃ɔ́ ʋ bãw ɛ.

Ezekɩɛl 18:28

Ʋ na cãà na vʋʋrɛ, ʋ na faa nyɛ̃ a ʋ ɩ-faar ɛ́ zawrɩ a bɛr a. A bɛ cãà tɛr sɔ́r k'ʋʋ kpi ɛ.

Matie 7:1

«Nyɩ taa bãwnɛ nɩr kãw za yele ɩ, ɛ́ a Naaŋmɩn mɩ̀ kʋ̃ bãw a nyɩ dem ɛ.

Markɩ 8:7

Bɛ mɩ̀ tɩ tɛr'ɩ zʋm-bili blã. A Yeezu tɩ maalɩ a na, ɛ́ yel kɛ́ a po-tuurbɛ mɩ̀ de põ a nɩbɛ.

Luka 6:40

Po-tuure bɛ zuore ʋ nɩ-kpɛ̃ɛ ɩ, ɛcɛ po-tuure za, a ʋ nɩ-kpɛ̃ɛ na wul vla a, na ŋmɛ̃ na taa nɩ a ʋ nɩ-kpɛ̃ɛ.

Luka 6:42

Ŋmɩŋmɩn n'a fʋ na tʋ̃ɔ́ yel a fʋ yɛb: “Ɩ̃ yɛb i, alɛ ɩ̃ ír sàwr bɛr a fʋ mimirí!” Ɛ́ a fʋ̃ʋ mɩŋa nɩ̃ɛ bɛ nyɛ̃ a wɛw na be a fʋ mimirí a? Nɩsaal-libelibe ŋa! De niwn ír a wɛw bɛr a fʋ mimirí, lɛ n'a fʋ na nyɛrɛ pãa ír a sàwr bɛr a fʋ yɛb mimirí.»

Zã 8:7

Bɛ na tɩ cãà sowre ʋ a, ʋ wa dʋɔ nɩ zu ɛ́ yel: «Sob nɛ na bɛ dãw maalɩ yel-bier a nyɩ pʋɔ a, ʋ de niwn lɔb'ɩ ʋ a kʋsɩɛr.»

Ʋrɔm 2:1

A na ɩ à ŋá a, fʋ̃ʋ saa ɩ nɩ-ŋmɩŋmɩn a, fʋ kʋ̃ tʋ̃ɔ́ yel kɛ́ fʋ bɛ bãw kɛ́ lɛ ɩ, fʋ̃ʋ na bãwnɛ a fʋ tɔ yele a. Fʋ na bãwnɛ a fʋ tɔ yele a, a fʋ mɩŋa sãwna n'a fʋ wule, fʋ̃ʋ mɩ̀ na mɩ́ ɩrɛ a lɛ tɔr za a.

Zakɩ 1:24

Ʋ na jɩ́r ʋ tʋɔra baarɩ ɛ́ tɔl cen a, daadaalɛ, ʋ lɛb'a yiiri a lɛ ʋ na ŋmɛ̃ a bɛr.