Luka 6:35 - A SƐB-SÕW

³⁵ A nyɩɩm n'a, nyɩ nɔnɛ a nyɩ dɔ̃ dem, nyɩ maalɛ bɛ vla ɛ́ pɛ̃wn bɛ a nyɩ bome, ɛ́ ta gùre kɛ́ bɛ mɩ̀ mɩ́ wa ɩ nyɩ a lɛ yáa a san ɛ. Lɛn daar'a a nyɩ sã-ya na ɩ bɛ́rʋ, ɛ́ nyɩ mɩ̀ ɩ a Naaŋmɩn-na-do-saa-bɛ-pɩɛl-a bibiir, ʋl na ɩ nɩ-vla a po-to-dem zie, nɩ a bɛlɩ dem zie fʋ na mɩ́ maalɩ vla ɛ́ bɛ bɛ ŋmɛlɛ kaar fʋ a.

Luka 6:35 ပူးပေါင်းရင်းမြစ်များ

Sɛb-sõw yielu 112:5

Nɩ-vla n'ɩ a sob nɛ na zɔrɛ nɩbaalʋ ɛ́ pɛ̃wn a ʋ bome a, ʋ mɩ́ ɩ n a ʋ yele za a tu sɔ́r.

Sɛb-sõw yielu 145:9

A Sore ɩ n nɩ-vla a nɩbɛ za zie, ʋ nɔnɛ nɩ a bɛlɩ dem za ʋ na ír a.

Sɛb-sõw yielu 37:26

Ʋ zɔrɛ nɩ nɩbaalʋ kʋralɛ, ɛ́ pɛ̃wn a ʋ bome, ɛ́ a ʋ bibiir ɩ Naaŋmɩn maalʋ.

Sɛb-sõw yielu 58:11

A nɩ-mɩŋa na nyɛ̃ nɩ a san a Naaŋmɩn na yáa a, ɛ́ cɩlɛ, ʋ na 'lɔr'ɩ a ʋ gbɛ́ɛ a nɩ-faa zɩ̃ɩ pʋɔ.

Zʋkpaɩ 19:17

Nɩr na kʋ̀ nã́w sob bom a pɛ̃w nɩ a Sore, ɛ́ a Sore na lɛb'a kʋ̀ ʋ.

Zʋkpaɩ 22:9

Nɩr na tɛr nɩsaalʋ a na nyɛ̃ nɩ maalʋ, bʋ̃ʋ n'ʋ vɛ̃, ʋ mɩ́ ɩ n a ʋ bʋ̃-dɩrɩ kʋ̀ a nã́w sob.

Matie 5:9

Zu-nʋ̃ɔ̀ dem'ɩ a bɛlɩ dem na tone ƴã-ɓaarʋ tome a, bɛ na bʋɔlɛ bɛ nɩ Naaŋmɩn bibiir.

Markɩ 5:7

Ʋ tɩ cɩɩr'ɩ kpɛ̃w za yel: «Naaŋmɩn-na-do-saa-bɛ-pɩɛl-a Bie, Yeezu u, mãa nɩ fʋ̃ʋ mɩ̀ bʋnʋ? Ɩ̃ zɛlɛ fʋ nɩ yãayãa, a Naaŋmɩn yúor ƴãw, taa dɔwrɛ mɛ̃ ɩ.»

Luka 1:32

Ʋ na ɩ n kpɛ̃ɛ, bɛ na bʋɔlɛ ʋ nɩ Naaŋmɩn-na-do-saa-bɛ-pɩɛl-a Bie. A Sore Naaŋmɩn na de nɩ a ʋ sãà Daviir naalʋ-dà-kɔw kʋ̀ ʋ.

Luka 6:36

Nyɩ ɩ nɩ-bàal-zɔrbɛ mɛ̃ a lɛ a nyɩ Sãà na ɩ nɩ-bàal-zɔrɛ a.»

Zã 13:35

Ʋlɩ bom nɛ na na wul a nɩbɛ za kɛ́ nyɩ ɩ n a ɩ̃ po-tuurbɛ a, ʋlɛ n'ɩ a nɔ̃wfʋ nyɩ na na nɔnɛ taa a.»

Zã 15:8

À ŋá n'a a ɩ̃ Sãà yúor mɩ́ yi, nyɩ na mɩ́ wa wɔnɛ wɔmɛ yaga, ɛ́ wul à à ŋá kɛ́ nyɩ ɩ n a ɩ̃ po-tuurbɛ a.

Nɩ-toni 14:17

Ɛcɛ ʋ tɩ cãà na wule bɛ a ʋ ɩ-vɩɛlɩ: mɩ́ kʋ̀ nyɩ a saa ɛ́ ɩ a bʋ̃-kʋ́ɔrɩ a maalɩ a daar. Ʋ mɩ́ kʋ̀ nyɩ nɩ bʋ̃-dɩrɩ ɛ́ ɩ kɛ̀ nʋ̃ɔ̀ ɩrɛ nyɩ yaga za.»

2 Korɛ̃tɩ 8:9

Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

2 Timote 3:2

Bʋ̃ʋ n'ʋ vɛ̃, a nɩbɛ na tɩɛrɛ nɩ bɛl tɛwr yele, ɛ́ ɩ libi-nɔ̃wnbɛ. Bɛ na pɔrɛ nɩ zaalɛ ɛ́ ɩrɛ pɔ̀lʋ. Bɛ na tʋʋr'ɩ Naaŋmɩn zʋmɛ, ɛ́ bɛ sàwr a bɛ dɔwrbɛ nʋɔr ɛ. Fʋ na mɩ́ maalɩ bɛ na, ɛ́ bɛ bɛ ŋmɛlɩ kaa fʋ ɛ. Bɛ na sãwnɛ nɩ a bʋ̃-son bɛrɛ.