Luka 6:30 - A SƐB-SÕW

³⁰ Nɩr za na zɛlɛ bom a fʋ zie a, kʋ̀ ʋ, ɛ́ nɩr wa de a fʋ bom a, fʋ̃ʋ taa sowre ɩ.

Luka 6:30 ပူးပေါင်းရင်းမြစ်များ

Sɛb-sõw yielu 112:9

Ʋ bɛ tɩrɛ zʋmnɛ nɩ ɛ, ʋ kʋ̀ n a nan dem, a ʋ mɩnʋ be n be kʋralɛ. A ʋ fãw kɛrɛ na lãwnɩ a ʋ yúor.

Sɛb-sõw yielu 41:1

Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Sɛb-sõw yielu Daviir na maalɩ a n'ʋ.

Zʋkpaɩ 19:17

Nɩr na kʋ̀ nã́w sob bom a pɛ̃w nɩ a Sore, ɛ́ a Sore na lɛb'a kʋ̀ ʋ.

Zʋkpaɩ 21:26

A bibi-ɓil za a, a ʋ mimir mɩ́ zaalɛ nɩ a ʋ taabɛ dem ƴãw! Ɛcɛ a nɩ-mɩŋa mɩ́ tɩr'a bɛ tɩ gbab bom bin ɛ.

Zʋkpaɩ 22:9

Nɩr na tɛr nɩsaalʋ a na nyɛ̃ nɩ maalʋ, bʋ̃ʋ n'ʋ vɛ̃, ʋ mɩ́ ɩ n a ʋ bʋ̃-dɩrɩ kʋ̀ a nã́w sob.

Ekilezɩasɩ 11:2

Ɛcɛ ta de a fʋ na-bome za ƴãw zi-been ɛ, bʋ̃ʋ n'ʋ vɛ̃, fʋ bɛ bãw a yel-faa ʋl na na tʋ̃ɔ́ ta a tẽw zu a ɩ.

Ekilezɩasɩ 8:16

Ɩ̃ ƴãw nɩ fãw k'ɩ̃ɩ bãw ŋmɩŋmɩn n'a nɩr na tʋ̃ɔ́ ɩ yã-bãwnɛ. Ɩ̃ jɩ́r'ɩ a nɩsaal tẽw zu ka tõ-nɛ́ɛ za kaa vla vla. Bom ŋa n'ʋ ɩ̃ nyɛ̃: tɩmɛ saa bɛ mɩ́ gúr a tɩ̃ɩsɔw nɩ a mʋ̃tɔ̃w a, tɩ kʋ̃ tʋ̃ɔ́ mɩ́ bãw a ʋlɩ bom a Naaŋmɩn na ɩrɛ a yele na mɩ́ tarɛ a tẽw zu ka a pʋɔ ɩ. A nɩsaal na tʋ̃ɔ́ na mɩ́ bàlɛ ʋ tʋɔra bɔbr, ʋ bɛ nyɛrɛ ʋ ɛ. A yã-bãwnɛ mɩ́ saa wa yel k'ʋʋ bãw ʋ na a, ʋ kʋ̃ tʋ̃ɔ́ bãw a pɛr ɛ.

Matie 18:35

A Yeezu tɩ yel'a ƴãw pʋɔ: «À ŋá n'a a ɩ̃ Sãà na be a tẽ-vla pʋɔ a, mɩ̀ na ɩrɛ nyɩ, a nyɩ kãw za bɛ mɩ̀ wa dɩ suur kʋ̀ a ʋ yɛb nɩ a ʋ pʋɔ za a.»

Matie 5:39

Ɛcɛ mãa yere na kʋ̀rɛ nyɩ: nɩr na ɩrɛ a kpɩɛr nyɩ a, nyɩ ta mɩ́ yáa a san ɛ. Nɩr wa ɓa b a dʋrʋ kɔrɩ́ a, fʋ̃ʋ lɛb cɩɩlɩ a gʋba kɔr kʋ̀ ʋ ʋ ɓa.

Matie 6:12

Dɩ a tɩ sãwna suur kʋ̀ tɩ, mɛ̃ a lɛ a tɩɩm tɛɛ za na mɩ́ dɩ suur kʋ̀ a bɛlɩ dem na sãw tɩ a.

Luka 11:41

Nyɩ nɩ̃ɛ de a nyɩ koli-nyúura pʋɔ bome nɩ a nyɩ laar pʋɔ bome sõw nɩ nɩ-kɔmɛ, ɛ́ bom za na ɩ n bʋ̃-vla a nyɩ zie.

Luka 12:33

Nyɩ de a bome nyɩ na tɛr a, kʋɔrɩ sõw nɩ nɩ-kɔmɛ. Nyɩ bɔ wɛr-wʋʋr na bɛ zawr a, nɩ na-bome nyɩ na kʋ̃ bɔ gù a tẽ-vla pʋɔ a, a be nyãnyuge na bɛ pɩɛlɛ a, be gume na bɛ dɩrɛ a.

Luka 18:22

A Yeezu na tɩ wõ à à ŋá a, ʋ yel ʋ na: «Bʋ̃-been yõ n'ʋ cãà cɛ b: kʋɔrɩ a fʋ bʋ̃-tɛrɩ za, de a libie põ nan dem, ɛ́ fʋ na tɛr'ɩ na-bome a tẽ-vla pʋɔ, al pùorí, wa tuur mɛ̃.»

Luka 6:29

Nɩr wa ɓa b kɔ́rɩ́ a, fʋ̃ʋ lɛb cɔw a ayi sob. Nɩr wa de a fʋ kpar-kpɛ̃ɛ a, bɛr ʋ ʋ mɩ̀ de a fʋ kpale ƴãw pʋɔ.

Luka 6:31

A lɛ nyɩ na bɔbr kɛ́ a nɩbɛ ɩrɛ a nyɩ zie a, nyɩ mɩ̀ ɩrɛ a lɛ a bɛ zie.

Luka 6:38

Nyɩ mɩ́ tɩr, ɛ́ Naaŋmɩn mɩ̀ na kʋ̀ nyɩ na. Ʋ na manɩ na paalɩ ɓol, tɛwtɛw ɛ́ dĩ ƴãw a cire, ʋ ƴãw a nyɩ pèlé pʋɔ. A bʋ̃-mána ʋl nyɩ na tɛr manɛ nɩ kʋ̀rɛ a nyɩ taabɛ a, ʋlɛ n'ʋ ʋ mɩ̀ na manɩ nɩ kʋ̀ nyɩ.»

Nɩ-toni 20:35

Kʋralɛ, ɩ̃ wul nyɩ na kɛ́ nyɩmɛ wa hanɛ à ŋá a, lɛ n'a nyɩ na tʋ̃ɔ́ sõw a bãbàalbɛ, cãà tɩɛrɛ nɩ a ƴɛ̀r-bie á ŋá a Sore Yeezu mɩŋa na tɩ yel a: “A bom tɩrʋ waar'ɩ nɩ nʋ̃ɔ̀ zuo a bom páwfʋ.”»

2 Korɛ̃tɩ 8:9

Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

Efɛɛzɩ 4:28

Sob nɛ na tɩ dãw zure a, ʋ bɛr a nyãnyuwlu ɛ́ nɩ̃ɛ ƴãw fãw tone nɩ a ʋ nuru, mɛ̃ a lɛ a na sɛw a, tʋ̃ɔ́ mɩ́ páw bom ɩ kʋ̀ sob nɛ na bɛ tɛr a.