Luka 6:26 - A SƐB-SÕW

²⁶ Baw-bio dem n'ɩ nyɩ, a lɛn daar a nɩbɛ za nãà wa mʋʋrɛ nyɩ a, à ŋá tɔr za n'a a bɛ sãàkʋm-kore tɩ ɩrɛ a naaŋmɩn-ƴɛ̀r-man-bɛlɛbɛlɛ mɩnɛ!»

Luka 6:26 ပူးပေါင်းရင်းမြစ်များ

Zʋkpaɩ 27:21

Vũu n'a mɩ́ wul a salm-zɩɛ nɩ a salm-pla vɩɛlʋ. A nɩsaal vɩɛlʋ yi n a yúor ʋ na páwr a zie.

Ɩzayi 30:10

Bɛ yere nɩ a naaŋmɩn-ƴɛ̀r-manbɛ zie: «Nyɩ taa nyɛrɛ bʋ̃-nyɛrɩ ɛ! Nyɩ taa yere bom na ɩ sɩza a kʋ̀rɛ tɩ ɛ! Nyɩ manɛ yele na nʋmɛ a kʋ̀rɛ tɩ. Nyɩ yere yele na nʋmɛ ɛ́ bɛ ɩ sɩza a kʋ̀rɛ tɩ.

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Matie 7:15

«Nyɩ gùre nyɩ tʋɔra a naaŋmɩn-ƴɛ̀r-man-bɛlɛbɛlɛ mɩnɛ ƴãw. Bɛ mɩ́ sɔwl'ɩ bɛ tʋɔra ɩ mɛ̃ pi-nyan a, waar a nyɩ zie, ɛcɛ a bɛ pʋ̃ɔmɩ bɛ ɩ wɛ-bà-karɩ.

Luka 6:25

Baw-bio dem n'ɩ nyɩ, nyɩɩm na tɩw a ƴɛrɛŋa a, kɔ̃ nãà kpɛ nyɩ na! Baw-bio dem n'ɩ nyɩ, nyɩɩm na laar a ƴɛrɛŋa a, nyɩ nãà be n wahala pʋɔ kone!

Zã 15:19

A tẽ-daa tɩ so nyɩ a, ʋ nãá nɔnɛ nɩ a ʋ bʋ̃-sora, ɛcɛ a tẽ-daa bɛ so nyɩ ɛ. Mãa n'ʋ kaa ír nyɩ a tẽ-daa zu, nyɩ be nyɩ tʋɔra, alɛ so a tẽ-daa hɩ̃ɛn nyɩ.

Zã 7:7

A tẽ-daa kʋ̃ tʋ̃ɔ́ hɩ̃ɛn nyɩ ɛ, ɛcɛ mãa a, ʋ hɩ̃ɛn mɛ̃ na, ɩ̃ na dɩrɛ a ʋ ɩ-faar dãsɩɛ a ƴãw.

Ʋrɔm 16:18

bʋ̃ʋ n'ʋ vɛ̃, a nɩbɛ bɛ ŋa taabɛ bɛ kaarɛ a Kɩrɩta tɩ Sore yele zie ɩ, bɛl nyagɛ zie n'a bɛ kaarɛ. Ƴɛ̀r-vɩɛlɩ nɩ nɔ-kãá n'a bɛ mɩ́ tɛr bɛ̀lɛ nɩ a nɩbɛ bɛl na bɛ tɛr a mɩnɛ kãw a.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.