Luka 6:25 - A SƐB-SÕW

²⁵ Baw-bio dem n'ɩ nyɩ, nyɩɩm na tɩw a ƴɛrɛŋa a, kɔ̃ nãà kpɛ nyɩ na! Baw-bio dem n'ɩ nyɩ, nyɩɩm na laar a ƴɛrɛŋa a, nyɩ nãà be n wahala pʋɔ kone!

Luka 6:25 ပူးပေါင်းရင်းမြစ်များ

Sɛb-sõw yielu 49:19

Ʋlɛ saa nyɛ̃ ʋ wone nʋ̃ɔ̀ a ʋ nyɔ-vʋʋrʋ pʋɔ a, ɛ́ mʋʋrɛ ʋ tʋɔra a yele za na cere vla a,

Zʋkpaɩ 14:13

Nɩr na tʋ̃ɔ́ na laar ɛ́ tɛr kpɩɛrʋ, ɛ́ a kpɩɛrʋ tɛr wa lɩɛrɩ a nʋ̃ɔ̀.

Zʋkpaɩ 30:9

Bʋ̃ʋ n'ʋ vɛ̃, mãa wa tɛr a zuo a, ɩ̃ na tʋ̃ɔ́ na zawrɩ fʋ bɛr, yere nɩ: «Ãa n'ɩ a Sore?», bɩɩ mãa wa ɩ nã́w sob zuo a, ɩ̃ na tʋ̃ɔ́ na lɩɛbɩ nyãnyuwe sãw a ɩ̃ Naaŋmɩn yúor.

Ekilezɩasɩ 2:2

A laarʋ ɩ n dãbol-ɩb, ɛ́ a nʋ̃ɔ̀ bɛ ɩrɛ bom za ɩ.

Ekilezɩasɩ 7:3

Pʋ-sãwna sa a laarʋ. Bʋ̃ʋ n'ʋ vɛ̃, fʋ na tʋ̃ɔ́ na sãw niwn, ɛ́ a fʋ socir cɩlɛ.

Ekilezɩasɩ 7:6

Mɛ̃ a lɛ gʋʋr na dɩrɛ pure ziduwle pile a, lɛ mɩ̀ n'a a dãbol laarʋ ŋmɛ̃. Ɛcɛ à á ŋá za mɩ̀ ɩ n bàlʋ zawla.

Ɩzayi 28:7

A bàwr-maalbɛ nɩ a naaŋmɩn-ƴɛ̀r-manbɛ mɩ̀ a, a divɛ̃ ɩ na bɛ bɛ cãà bãw yã ɩ, a dã-kpɛn ɩ na bɛ dẽdere. A dã-kpɛn ɩ na bɛ bɛ cãà bãw yã ɩ, a divɛ̃ ɩ na bɛ bɛ cãà bãw bɛ tʋɔra zie ɩ. A dã-kpɛn ɩ na bɛ dẽdere, ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ. A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.

Ɩzayi 65:13

Alɛ n'a so ɩ̃ yere à ŋá, a mãa, a Sore Naaŋmɩn: a ɩ̃ tõ-tõ-biir na mɩ́ dɩ na, ɛ́ a nyɩɩm a, nyɩ na mɩ́ bãw nɩ a kɔ̃. A ɩ̃ tõ-tõ-biir na mɩ́ nyũ na, ɛ́ a nyɩɩm a, kʋ̃ɔ-nyúur na mɩ́ kpɛ nyɩ na. Nʋ̃ɔ̀ na mɩ́ ɩrɛ nɩ a ɩ̃ tõ-tõ-biir, ɛcɛ a nyɩɩm a, vĩ na mɩ́ nyɔw nyɩ na.

Ɩzayi 8:21

A nɩbɛ na tɔlɛ nɩ a tẽw pʋɔ, bàl bɛ za ɛ́ kɔ̃ kʋrɛ. A kɔ̃ na ɩ na bɛ nyɛ̃ suur, wa tɩ ŋmɩɛr ƴãwn a bɛ nãà nɩ a bɛ Naaŋmɩn. Bɛ na mɩ́ lɩɛb'a kaa a salom,

Ɩzayi 9:20

Manase dɔwlʋ mɩ́ ìr'ɩ Efarayim dɔwlʋ ƴãw, Efarayim dɔwlʋ ìr Manase dɔwlʋ ƴãw, ɛ́ a za ayi lãw taa Zuda dɔwlʋ ƴãw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Amɔsɩ 8:10

Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

Nahum 1:10

Bɛ ŋmɛ̃ na mɛ̃ gʋʋr na mɩl mɩl taa a, a bɛl na mɩ́ nyũ tɩ kuoli a. Bɛ na dɩ n kʋmkʋm, mɛ̃ mɔ̃-kon a.

Luka 12:20

Ɛcɛ a Naaŋmɩn tɩ yel ʋ na: “Dãbol ŋa! A dɩ̃a tɩ̃ɩsɔw tɔr za, a fʋ nyɔ-vʋʋrʋ na baar'a. À á ŋá fʋ na bɔ gbõ taa a, ãa na so a?”»

Luka 13:28

Nyɩ na kone na 'wɔbr'ɩ nyɩmɛ, a lɛn daar nyɩ nãà wa nyɛ̃ a Abraham nɩ a Ɩzaakɩ nɩ a Zakɔb nɩ a naaŋmɩn-ƴɛ̀r-manbɛ za bɛ be a Naaŋmɩn Naalʋ pʋɔ, ɛ́ bɛ diw a nyɩɩm bɛr yẽw a.

Luka 6:24

Ɛcɛ baw-bio dem n'ɩ nyɩ, nyɩɩm na-mɩnɛ, nyɩ páw nɩ a nyɩ mɔwlʋ baarɩ!

Luka 6:26

Baw-bio dem n'ɩ nyɩ, a lɛn daar a nɩbɛ za nãà wa mʋʋrɛ nyɩ a, à ŋá tɔr za n'a a bɛ sãàkʋm-kore tɩ ɩrɛ a naaŋmɩn-ƴɛ̀r-man-bɛlɛbɛlɛ mɩnɛ!»

Luka 8:53

Ɛcɛ bɛ tɩ ɩrɛ nɩ a Yeezu laar, bɛ na tɩ bãwnɩ a kɛ́ a powle kpi na a.

Efɛɛzɩ 5:4

A mɩ̀ bɛ sɛw kɛ́ ƴɛ̀r-pɔmɛ bɩɩ dãbol-ƴɛ̀rʋ bɩɩ dɩ̃ɛnʋ ƴɛ̀r-faar yire a nyɩ nʋɔrɩ́ ɛ. Nyɩ mɩ́ vɛ̃ kɛ́ puore a Naaŋmɩn barka.

1 Tesalonikɩ 5:3

A lɛn daar a nɩbɛ nãà wa yere: «Ƴã-ɓaarʋ bɔkɔɔ! Damnʋ za yee!» Lɛn daar'a a yele na ùr sãw a bɛ zie mɛ̃ 'wɔbrʋ na nyɔw pɔw-pʋɔ a, ɛ́ bɛ kʋ̃ tʋ̃ɔ́ zɔ cɩ̃ɛ ɩ.

Zakɩ 4:9

Nyɩ sàw a nyɩ bãbàalʋ, nyɩ ɩ ko-tuolu dem, nyɩ kone. Nyɩ bɛr laarʋ ɛ́ kone, ɛ́ a nyɩ nʋ̃ɔ̀ lɩɛbɩ pʋ-sãwna.

Yel-wula 3:17

Fʋ yere nɩ à ŋá: “Ɩ̃ tɛr a na, ɩ̃ kpɛ n naalʋ, bom za tuo bɛ kpɩɛr mɛ̃ ɩ.” Ɛ́ nɩ̃ɛ bɛ bãw kɛ́ fʋ bɛ tɛr ŋmɛ̃a ɩ, kɛ́ fʋ ɩrɛ nɩ nɩbaalʋ, kɛ́ fʋ ɩ n nã́w sob, zɔ̃w ɛ́ ɩ ƴã-gan zawla ɩ!

1 Samɩɛl 2:5

A bɛlɩ dem na mɩ́ tɩ tɩw a dier'ɩ tome dipɛ̃-ŋmale ƴãw, ɛ́ a kɔ̃ dem pɩ̃ɛnɛ. A pɔw-ãan dɔwr'ɩ gb'a ayopõi, ɛ́ a bi-yaga mã bɛ cãà tɛr dɔwfʋ ɛ.