Luka 6:23 - A SƐB-SÕW

²³ Nyɩ cɩlɛ ƴawr'ɩ a lɛn daar, a nyɩ sã-ya na ɩ kpɛ̃ɛ a tẽ-vla pʋɔ a ƴãw. Bʋ̃ʋ n'ʋ vɛ̃, à ŋá tɔr za n'a a bɛ sãàkʋm-kore tɩ dɔwrɩ a naaŋmɩn-ƴɛ̀r-manbɛ.

Luka 6:23 ပူးပေါင်းရင်းမြစ်များ

2 Samɩɛl 6:16

A Sore wõ-taa daga na tɩ kpɩɛr a Daviir Tẽ-kpɛ̃ɛ pʋɔ a, a Sawul pɔwyaa, Mɩkal, tɩ vuol'ɩ a tokoro vʋɔr ƴãw nyɛ̃ a Daviir na ƴawr viire a Sore niŋé a, lɛ n'a ʋ tɩ jewr'ʋ nɩ ʋ pʋɔ za.

1 Na-mɩnɛ 18:4

a lɛn daar a Zezabɛl na tɩ ƴãw bɛ kʋ a Sore ƴɛ̀r-manbɛ a, a Ovadɩa tɩ sɔwl'ɩ nɩbɛ kʋba (100) a bɛ pʋɔ. Ʋ tɩ bʋ́r bɛ nɩ lɩz'a ayiri nɩ piir, ƴãw tãw bɔwrɩ pʋɔ, ɛ́ ƴãw bɛ kʋ̀rɛ bɛ a bʋ̃-dɩrɩ nɩ a kʋ̃ɔ.

1 Na-mɩnɛ 19:10

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

1 Na-mɩnɛ 19:14

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

1 Na-mɩnɛ 19:2

Lɛ n'a a Zezabɛl tɩ tõ nɩr ʋ tɩ yel à ŋá kʋ̀ a Eli: «Bio, a tɛm ŋa pʋɔ, mãa bɛ wa ɩ fʋ mɛ̃ a lɛ fʋ na ɩ a ƴɛ̀r-manbɛ bɛ ŋa a, a ŋmɩnɛ, bɛ dɔwrɩ mɛ̃ ɛ́ lɛb maal dɔwrɩ!»

1 Na-mɩnɛ 21:20

A Eli tɩ cen na, a Akab tɩ yel ʋ: «Ãw, fʋ bɛ lɛb nyɛ̃ m ɩ, fʋ̃ʋ ɩ̃ dɔ̃ sob i!» A Eli sɔw: «Ʋ̃ʋ, ɩ̃ lɛb'a nyɛ̃ b! Fʋ na tu a fʋ pʋ-tɩɛrʋ pùor, ɩ a ʋlɩ bom na bɛ pɛlɩ a Sore pʋɔ a ƴãw.

1 Na-mɩnɛ 22:27

ɛ́ yel bɛ: “À ŋá n'a a nãà yere: Nyɩ ƴãw a nɩr ŋa a gaso pʋɔ, ɛ́ mɩ́ kʋ̀ ʋ dipɛ̃ blã nɩ kʋ̃ɔ blã, ɛ́ gù ɩ̃ wa tɩ lɛb wa n ƴã-ɓaarʋ.”»

1 Na-mɩnɛ 22:8

A Ɩsɩrayɛl tẽw nãà tɩ sɔw nɩ a Zozafatɩ: «Nɩr cãà nɩ be, bɛ na na tʋ̃ɔ́ mɩ̀ páw sowri a Sore a: Yimɩla bidɛb Mise n'ʋ. Ɛcɛ ɩ̃ bɛ nɔnɛ ʋ towtow ɛ, bʋ̃ʋ n'ʋ vɛ̃, a ʋ naaŋmɩn-ƴɛ̀r-manɛ ƴɛ̀rʋ a ɩ̃ ƴãw bɛ dãw ɩ vla ɩ, faa mɩ́ n'a kʋralɛ.» A Zozafatɩ tɩ yel'ɩ a Akab: «Ta ƴɛ̀rɛ à à ŋa ɩ!»

2 Na-mɩnɛ 6:31

Lɛ n'a a nãà tɩ yel: «A Naaŋmɩn, ʋ́ dɔwrɩ mɛ̃ ɛ́ lɛb maal dɔwrɩ, mãa bɛ wa ŋmãa a Safatɩ bidɛb, Elize, zu a zaanʋɔra ŋa a.»

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Sɛb-sõw yielu 58:11

A nɩ-mɩŋa na nyɛ̃ nɩ a san a Naaŋmɩn na yáa a, ɛ́ cɩlɛ, ʋ na 'lɔr'ɩ a ʋ gbɛ́ɛ a nɩ-faa zɩ̃ɩ pʋɔ.

Ɩzayi 35:6

A wʋbr na mɩ́ pal'a mɛ̃ wal-daa a, ɛ́ a wõ-takpalɛ cɩɩrɛ a bɛ nʋ̃ɔ̀. Kʋ̃ɔ na tɛbr'a yire a wɛja-kpalɛ pʋɔ, mamɛ na zɔrɛ nɩ a dɩlãpʋɔ pʋɔ.

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Matie 5:12

Nyɩ cɩlɛ ɛ́ ŋmɩɛr nʋ̃ɔ̀ cɛlsɩ, a nyɩ sã-ya ɩ n kpɛ̃ɛ a tẽ-vla pʋɔ. À ŋá tɔr za n'a bɛ tɩ dãw dɔwrɩ a naaŋmɩn-ƴɛ̀r-manbɛ na de nyɩ niwn a.»

Luka 1:41

Zɩ̃ kɛ́ a Elizabɛr na tɩ wõ a Marya puoru a, a bie tɩ dam'ɩ a ʋ púorí. Lɛ n'a a Vʋʋrʋ Sõw tɩ paalɩ a Elizabɛr,

Luka 1:44

Nyɛ̃, a fʋ puoru ƴɛ̀r-bie na wa lo a ɩ̃ tobrí lɛ pɛ a, a bie dam'ɩ nʋ̃ɔ̀ damnʋ a ɩ̃ púorí.

Luka 6:35

A nyɩɩm n'a, nyɩ nɔnɛ a nyɩ dɔ̃ dem, nyɩ maalɛ bɛ vla ɛ́ pɛ̃wn bɛ a nyɩ bome, ɛ́ ta gùre kɛ́ bɛ mɩ̀ mɩ́ wa ɩ nyɩ a lɛ yáa a san ɛ. Lɛn daar'a a nyɩ sã-ya na ɩ bɛ́rʋ, ɛ́ nyɩ mɩ̀ ɩ a Naaŋmɩn-na-do-saa-bɛ-pɩɛl-a bibiir, ʋl na ɩ nɩ-vla a po-to-dem zie, nɩ a bɛlɩ dem zie fʋ na mɩ́ maalɩ vla ɛ́ bɛ bɛ ŋmɛlɛ kaar fʋ a.

Nɩ-toni 14:10

A Pol tɩ zɛw nɩ kɔkɔr yel ʋ: «Ìr àr dẽdẽ!» Ʋ tɩ vaa na ìr cere.

Nɩ-toni 3:8

Ʋ tɩ vaa na ìr cere. Ʋ tɩ páw bɛ na kpɛ a Ŋmɩn-yir-kpɛ̃ɛ pʋɔ, cere, ƴawr dúor saa, ɛ́ danɛ a Naaŋmɩn.

Nɩ-toni 5:41

A nɩ-toni tɩ lɛb'a yi a ƴɛ̀rʋ-dɩb-lãw zie, ɛ́ nʋ̃ɔ̀ ɩrɛ bɛ yaga, a Naaŋmɩn na tɩ nyɛ̃ bɛ, bɛ sɛwnɩ zʋmɛ a Yeezu yúor ƴãw a.

Ʋrɔm 5:3

Ɛ́ a za cãà bɛ n'a ɩ, nʋ̃ɔ̀ ɩrɛ tɩ nɩ a tɩ kpɩɛrʋ tɛɛ za ƴãw, tɩ na bãw k'aa kpɩɛrʋ waar'ɩ nɩ a kanyir a,

2 Korɛ̃tɩ 12:10

Lɛ zũú n'a nʋ̃ɔ̀ cãà kpɩɛr mɛ̃ a bãbàalʋ, a zʋmɛ nɩ a yel-fɛrɩ pʋɔ, a dɔwrʋ nɩ a pʋl-vʋ̃ɔ pʋɔ, ɩ̃ na sàw de a Kɩrɩta a ƴãw. Bʋ̃ʋ n'ʋ vɛ̃, a lɛn daar ɩ̃ na mɩ́ ɩ bãbàal a, lɛn daar a, ɩ̃ mɩ́ kpɛmɛ.

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

2 Timote 2:12

Tɩmɛ wa dɩ kanyir a, tɩ mɩ̀ na lãw nɩ ʋ na dɩ naalʋ. Tɩmɛ wa zawr'ʋ bɛr a, ʋ mɩ̀ na zawrɩ tɩ na bɛr.

Ebre 11:26

Ʋ mɩ̀ tɩ nyɛ̃ na bɛ na na ɩ ʋ la mɛ̃ a Kɩrɩta bɛ na ɩ la a, a vɩɛl zuo a Eziptɩ tẽw na-bome, bʋ̃ʋ n'ʋ vɛ̃, a maalʋ na waar a n'a ʋ tɩ tori niwn jɩ́rɛ.

Ebre 11:6

Ɛcɛ a sàw-deb bɛ wa ka be a, nɩr kʋ̃ tʋ̃ɔ́ pɛlɩ a Naaŋmɩn pʋɔ ɩ. Bʋ̃ʋ n'ʋ vɛ̃, sob nɛ na tawr pɩɛlɛ a Naaŋmɩn a, a fɛr'a k'ʋʋ sàw de k'aa Naaŋmɩn be na ɛ́ mɩ́ maalɩ a bɛlɩ dem na bɔbr ʋ a.

Zakɩ 1:2

Ɩ̃ yɛbr i, a lɛn daar nyɩ na mɩ́ be a kpɩɛrʋ bʋʋrɛ za pʋɔ a, nyɩ mɩ́ tɩɛrɛ kɛ́ nyɩ tɛr'ɩ zu-nʋ̃ɔ̀ yaga.

1 Pɩɛr 4:13

Nyɩ nɩ̃ɛ cɩlɛ nyɩ na pʋɔ a Kɩrɩta tuo pʋɔ a ƴãw, kɛ́ nyɩ mɩ̀ wa tʋ̃ɔ́ be a nʋ̃ɔ̀ nɩ a cɩlʋ pʋɔ, a lɛn daar a ʋ yúor-vɩɛlʋ-danʋ nãà wa sãá a.

Yel-wula 2:17

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ mãan-sɔwla. Ɩ̃ mɩ̀ na kʋ̀ ʋ nɩ kʋsɛ-pla, ɛ́ yo-paala sɛb a kʋsɩɛr zu, yo-paala nɩr za na bɛ bãw, a bɛ ɩ a sob nɛ na páw ʋ a ɩ.»

Yel-wula 2:26

Sob nɛ na na zɛb tʋ̃ɔ́, ɛ́ tõ a ɩ̃ tome tɩ ta n a baarʋ daar a, ɩ̃ na kʋ̀ ʋ nɩ fãw a nɩ-bʋʋrɛ zu, mɛ̃ a lɛ a mãa mɩŋa na páw fãw a ɩ̃ Sãà zie a. Gãda-ɩb'a ʋ na tɛr kaarɛ nɩ a bɛ zie, ɛ́ mɩ́ ŋmɛr bɛ bɛr mɛ̃ yawra bʋ̃-mɩɛrɩ a. Ɩ̃ mɩ̀ na kʋ̀ ʋ nɩ a zi-vɩɛ-ŋmara.

Yel-wula 2:7

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ a nyɔ-vʋʋrʋ tɩɛ wɔmɛ ʋ dɩ, a nyɔ-vʋʋrʋ tɩɛ na àr a Naaŋmɩn zaadɛ̃ pʋɔ a.»

Yel-wula 21:7

A bom ŋa n'ʋ a sob nɛ na zɛb tʋ̃ɔ́ a na páw, ɩ̃ɩ na ɩ n a ʋ Naaŋmɩn, ʋʋ ɩ a ɩ̃ bie.

Yel-wula 3:12

Sob nɛ na na zɛb tʋ̃ɔ́ a, ɩ̃ na ɩ na ʋ ɩ kpul a ɩ̃ Naaŋmɩn yir pʋɔ, ʋʋ kʋ̃ yi zaa a ʋ pʋɔ towtow ɛ. Ɩ̃ na sɛb'ɩ a ɩ̃ Naaŋmɩn yúor ƴãw a ʋ zu, nɩ a ɩ̃ Naaŋmɩn tẽ-kpɛ̃ɛ yúor, a Zerizalɛm paala na yi a ɩ̃ Naaŋmɩn zie a salom zu siwr a. Ɩ̃ mɩ̀ na sɛb'ɩ a ɩ̃ yo-paala ƴãw a ʋ zu.

Yel-wula 3:5

À ŋá n'a a sob nɛ na na zɛb tʋ̃ɔ́ a na su kpar-pɛlɛ. Ɩ̃ kʋ̃ sãw a ʋ yúor bɛr a nyɔ-vʋʋrʋ sɛbɛ pʋɔ ɩ, ɩ̃ɩ na yel'ɩ a ɩ̃ Sãà nɩ a ʋ malkɩ mɩnɛ niŋé k'ɩ̃ɩ nɩr'ʋ.