Luka 6:22 - A SƐB-SÕW

²² «Zu-nʋ̃ɔ̀ dem n'ɩ nyɩ, a lɛn daar a nɩsaalbɛ nãà wa hɩ̃ɛn nyɩ, ɛ́ zawrɛ a nyɩ yele ɛ́ tʋʋr nyɩ, sãwnɛ nɩ a nyɩ yúor a Nɩsaal Bie ƴãw a.

Luka 6:22 ပူးပေါင်းရင်းမြစ်များ

Ɩzayi 65:5

Bɛ mɩ́ yere nɩ a nɩbɛ zie: «Nyɩ taa tawr pɩɛlɛ ɩ, nyɩ taa tʋɔr mɛ̃ ɩ. Bʋ̃ʋ n'ʋ vɛ̃, ɩ̃ nãà ɩ na nyɩ ɩ bʋ̃-tuor». A nyɩ ɩ-ɩrɩ á ŋá za mɩ́ ɩ na nyɛɛ karɛ mɛ̃, a ɩ̃ suur mɩ́ ìr'a 'lere mɛ̃ vũu a, kʋralɛ.

Ɩzayi 66:5

Nyɩ bɛrɛ wone a Sore ƴɛ̀rʋ, nyɩɩm ʋ na mɩ́ ƴɛ̀r nyɩ màwr a: A nyɩ yɛbr bɛ mɩnɛ hɩ̃ɛn nyɩ na, ɛ́ íre nyɩ bɛrɛ a bɛ pʋɔ a mãa ƴãw. Bɛ mɩ́ ɩrɛ nyɩ na laar yere nɩ: «A Sore, ʋ wul a ʋ yúor-vɩɛlʋ-danʋ tɩ tʋ̃ɔ́ nyɛ̃ a nyɩ cɩlʋ!» Ɛcɛ bɛlɛ nɛbɛ na nyɛ̃ vĩ.

Matie 10:18

Bɛ na tɛr nyɩ na cen nɩ Ʋrɔm tẽw na-kpɛ̃ɛ-lɩɛrbɛ nɩ na-mɩnɛ niŋé a mãa ƴãw, kɛ́ nyɩ tɩ dɩ a nyɩ dãsɩɛ a bɛl nɩ a nɩ-bʋʋr-yoru niŋé.

Matie 10:22

Nɩbɛ za na hɩ̃ɛn nyɩ na a ɩ̃ ƴãw. Ɛcɛ sob nɛ wa ƴãw fãw tɩ ta a baarʋ daar a, ʋ na nyɛ̃ nɩ a faafʋ.

Matie 10:39

Nɩr na bɔbr k'ʋʋ tɛr a ʋ nyɔ-vʋʋrʋ a, ʋ na bɔr ʋ na bɛr, ɛ́ nɩr na sàw bɔr a ʋ nyɔ-vʋʋrʋ bɛr a ɩ̃ ƴãw a, ʋ na lɛb'a pàw ʋ.»

Luka 20:15

Bɛ tɩ nyɔw nɩ a bie, a divɛ̃ tɩɩr púo pʋɔ be, lɔb bɛr yẽw ɛ́ kʋ.» «A na ɩ à ŋá a, a púo sob na ɩ bɛ nɩ ŋmɩn?

Luka 21:17

Nɩbɛ za na hɩ̃ɛn nyɩ nɩ a ɩ̃ yúor ƴãw.

Luka 6:21

Zu-nʋ̃ɔ̀ dem n'ɩ nyɩ, nyɩɩm kɔ̃ na kpɩɛr a ƴɛrɛŋa a: nyɩ nãà tɩw na! Zu-nʋ̃ɔ̀ dem n'ɩ nyɩ, nyɩɩm na kone a ƴɛrɛŋa a: nyɩ nãà laar a!»

Zã 12:42

Ɛcɛ a Zifʋ mɩnɛ nɩ-bɛrɛ pʋɔ a, nɩ-yaga tɩ sàw na de a Yeezu. Ɛcɛ bɛ tɩ zɔrɛ nɩ a Faarizɩ̃ɛ mɩnɛ, lɛ so bɛ bɛ mɩ́ tɩ sàw ƴɛ̀r a yi ɛ, kɛ́ bɛ taa wa diw bɛ bɛr a puoru-dĩó ɛ.

Zã 16:2

Bɛ na diw nyɩ na bɛr a Zifʋ mɩnɛ puoru-dirú. Mɔ̃ mɩ̀, bio waar'a na vɩɛ, bɛ na mɩ́ nyɔw nyɩ kʋ ɛ́ tɩɛrɛ kɛ́ bàwr'ʋ bɛ maalɩ kʋ̀ a Naaŋmɩn.

Zã 17:14

Ɩ̃ kʋ̀ bɛ nɩ a fʋ ƴɛ̀rʋ, ɛ́ a tẽ-daa bɛ nɔ̃w bɛ ɩ, bɛ na faa bɛ ɩ a tẽ-daa nɩbɛ a, mɛ̃ a mãa mɩŋa na bɛ ɩ a tẽ-daa nɩr a.

Zã 7:7

A tẽ-daa kʋ̃ tʋ̃ɔ́ hɩ̃ɛn nyɩ ɛ, ɛcɛ mãa a, ʋ hɩ̃ɛn mɛ̃ na, ɩ̃ na dɩrɛ a ʋ ɩ-faar dãsɩɛ a ƴãw.

Zã 9:34

Ɛcɛ bɛ tɩ sɔw ʋ na yel: «Fʋ̃ʋ n'ɩ ŋan dɔw yel-bier pʋɔ fʋ za, ɛ́ na wule tɩ ɩ?» Ɛ́ tɩ diw ʋ bɛr a puoru-dĩó.

Nɩ-toni 22:22

A Zifʋ mɩnɛ na tɩ bɛr wõ a Pol ƴɛ̀rʋ wa tɩ ta a ƴɛ̀r-bie á ŋá a, bɛ tɩ ŋmɩɛr'ɩ cɛlsɩ yere nɩ: «Nyɩ ɩ a nɩr ŋa tɔ ta cãà a tẽw zu ɛ! A bɛ sɛw k'ʋʋ cãà vʋʋrɛ ɩ!»

Nɩ-toni 24:5

Tɩ nyɛ̃ na kɛ́ a dɛb ŋa ɩ n zi-sãwnɛ mɩŋa: ʋ na ɩ a Nazarɛtɩ tẽw nɩbɛ lãw nɩ-kpɛ̃ɛ a, ʋ ƴãwnɛ nɩ damnʋ a Zifʋ mɩnɛ za sɔgɔ a tẽ-daa za zu.

Nɩ-toni 9:16

Mãa mɩŋa na wul ʋ nɩ a tuo al za a na fɛr k'ʋʋ wõ a ɩ̃ yúor ƴãw a.»

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

1 Pɩɛr 3:14

Ɛcɛ nyɩmɛ saa na nyɛrɛ dɔwrʋ a mɩnʋ zũú a, zu-nʋ̃ɔ̀ dem n'ɩ nyɩ. Nyɩ ta zɔrɛ a nɩbɛ towtow ɛ, ɛ́ ta tɛr dɛ̃bɩ̃ɛ kãw za ɩ.