Luka 6:20 - A SƐB-SÕW

²⁰ Lɛ n'a a Yeezu tɩ jɩ́r a ʋ po-tuurbɛ ɛ́ yel bɛ: «Zu-nʋ̃ɔ̀ dem n'ɩ nyɩ, nyɩɩm nan dem: nyɩmɛ so a Naaŋmɩn Naalʋ!

Luka 6:20 ပူးပေါင်းရင်းမြစ်များ

Sɛb-sõw yielu 37:16

A blã a nɩ-mɩŋa na tɛr a sa n a nɩ-faa na-bome yaga yaga,

Zʋkpaɩ 16:19

Fʋ̃ʋ siwre fʋ tʋɔra lãw nɩ a nan dem a, alɛ sa fʋ na na lãw nɩ pɔ̀lʋ dem põ zɛb-tʋ̃ɔ́fʋ bome a.

Zʋkpaɩ 19:1

Fʋ̃ʋ ɩ nã́w sob ɛ́ cere dẽdẽ a, alɛ sa fʋ na ɩ dãbol nɩ zir-ŋmarɛ a.

Ɩzayi 29:19

A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie, ɛ́ a bɛl na ɩ nan dem zuo za a nɩsaalbɛ pʋɔ a, cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Sofoni 3:12

Su-siwri dem nɩ nan dem tɛwr nɛbɛ ɩ̃ na bɛr a nyɩ pʋɔ, ɛ́ bɛ na mɩ́ zɛlɛ na k'ɩ̃ɩ gùre bɛ.

Zakari 11:11

Lɛ n'a a wõ-taa tɩ sãw a ʋlɩ daar nɛ za. A yɛ-yɛ-nyãnyuwr na tɩ jɩ́rɛ a lɛ ɩ̃ na ɩrɛ a, tɩ nyɛ̃ na bãw k'aa Sore n'ʋ ƴɛ̀rɛ a ɩ̃ ɩ-ɩrɩ pʋɔ.

Matie 11:5

a zɔn nyɛrɛ na, a wʋbr cere dẽdẽ, a kɔn lɛb vɩɛl, ɛ́ a won wone, a kũuni lɛbr yire, ɛ́ a Yel-nʋ̃ɔ̀ hieri ta a nan dem.

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Matie 5:1

A Yeezu na tɩ nyɛ̃ a nɩ-yaga yaga bɛ ŋa za a, ʋ tɩ nyɔw nɩ tãw do tɩ zɩ̃, ɛ́ a ʋ po-tuurbɛ tɩ taw pɩɛl ʋ.

Luka 12:32

«Nyɩ ta zɔrɛ dɛ̃bɩ̃ɛ ɩ, nyɩɩm na ɩ mɛ̃ zaw-pʋrɩ dʋn a. A pɛlɩ nɩ a nyɩ Sãà pʋɔ ʋ kʋ̀ nyɩ a tẽ-vla Naalʋ.

Luka 13:28

Nyɩ na kone na 'wɔbr'ɩ nyɩmɛ, a lɛn daar nyɩ nãà wa nyɛ̃ a Abraham nɩ a Ɩzaakɩ nɩ a Zakɔb nɩ a naaŋmɩn-ƴɛ̀r-manbɛ za bɛ be a Naaŋmɩn Naalʋ pʋɔ, ɛ́ bɛ diw a nyɩɩm bɛr yẽw a.

Luka 14:15

Nɩr kãw na tɩ lãw dɩrɛ nɩ bɛ a, na wa wõ a ƴɛ̀r-bie á ŋá a, ʋ yel'ɩ a Yeezu: «Zu-nʋ̃ɔ̀ sob'ɩ a sob nɛ na na pʋɔ a Naaŋmɩn Naalʋ cuw dɩb pʋɔ a!»

Luka 16:25

Ɛcɛ a Abraham tɩ yel ʋ na: “Ɩ̃ bie e, lɛb tɩɛrɩ bãwnɩ fʋ na páw a nʋ̃ɔ̀ a fʋ tẽw zu nyɔ-vʋʋrʋ pʋɔ, ɛ́ a Lazaar páw a tuo a. Ƴɛrɛŋa a, ʋ nyɛrɛ nɩ mɔwlʋ a ka, ɛ́ fʋ mɩ̀ nɩ̃ɛ wone tuo.

Luka 4:18

«A Sore Vʋʋrʋ siw mɛ̃ na, ʋ kaa na ír mɛ̃ ka nũu ƴãw mɛ̃ k'ɩ̃ɩ tɩ yel a Yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ hieri a faafʋ kʋ̀ a gaso pʋɔ dem, ɛ́ yel a zɔn kɛ́ bɛ na lɛb'a nyɛrɛ, k'ɩ̃ɩ tɩ faa a bɛlɩ dem bɛ na dɔwrɛ a,

Nɩ-toni 14:22

Bɛ tɩ ɩ na a po-tuurbɛ kpɛ socie ɛ́ bɛr dɛ̃bɩ̃ɛ. Bɛ tɩ kanɛ nɩ bɛ na yere kɛ́ bɛ ƴãw fãw tɛr a naaŋmɩn-sàwfʋ kʋralɛ, bɛ mɩ̀ tɩ yere nɩ à ŋá kʋ̀rɛ bɛ: «A fɛr'a kɛ́ tɩ nyɛ̃ dɔwrʋ yaga a Naaŋmɩn Naalʋ pʋɔ kpɛb ƴãw.»

2 Korɛ̃tɩ 6:10

Bɛ ƴãwnɛ tɩ nɩ pʋ-sãwna, ɛ́ nʋ̃ɔ̀ kpɩɛr tɩ bibie za. Tɩ ɩ n nan dem, ɛ́ ɩrɛ nɩ-yaga lɩɛbɛ na-mɩnɛ. Tɩɩm na tɛr bom za a, a sãá na mɛ̃ tɩ bɛ tɛr bom a.

2 Korɛ̃tɩ 8:2

Kpɩɛrʋ ta n a be kɩrɩta-nɩbɛ yaga za, ɛcɛ bɛ tɩ cãà cɩlɛ yaga za ɛ́ tɩr a bɛ bʋ̃-tɛrɩ yaga yaga zawlalɛ, bɛ na saa bɛ tɩ tɛr a a.

2 Korɛ̃tɩ 8:9

Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

1 Tesalonikɩ 1:6

Ɛ́ a nyɩɩm a, nyɩ cɔwrɩ tɩ na, tɩɩm nɩ a Sore. Nyɩ tɩ be n kpɩɛrʋ na bɛ dɩ vuo a pʋɔ, ɛ́ sàw de a Naaŋmɩn ƴɛ̀rʋ nɩ nʋ̃ɔ̀ na yi a Vʋʋrʋ Sõw zie a.

2 Tesalonikɩ 1:5

Naaŋmɩn ƴɛ̀rʋ maalʋ na tu yel-mɩŋa a bãwfʋ n'ɩ à ŋà, bʋ̃ʋ n'ʋ vɛ̃, a kanyir nyɩ na mɩ́ dɩ a, na ɩ na nyɩ sɛw taa nɩ a Naaŋmɩn Naalʋ, a Naalʋ ŋa ƴãw nyɩ na wone a tuo a.

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

Yel-wula 2:9

ɩ̃ bãw nɩ a fʋ kpɩɛrʋ nɩ a fʋ nã́w, ɛcɛ fʋ nɩ̃ɛ na kpɛ naalʋ! Ɩ̃ bãw nɩ a zʋmɛ a bɛlɩ dem na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a na tʋʋr fʋ a: Sɩtaana lãw nɩbɛ nɛbɛ.

1 Samɩɛl 2:8

Ʋ mɩ́ nyɔw nɩ a bãbàal a tanɛ pʋɔ ʋ lɛb ìr, ɛ́ ír a nã́w sob a sagɛ pʋɔ, k'ʋʋ zɩɩlɩ bɛ na-mɩnɛ dà-kɔwr zu, bɛlɛ nɩ a nɩ-yée. A Sore so a tẽw za, ʋlɛ n'ʋ dɔwl'ʋ a ʋ kpule zu.