Luka 5:32 - A SƐB-SÕW

³² Ɩ̃ sɩrɩ bɛ wa k'ɩ̃ɩ wa bʋɔlɩ nɩbɛ na tɩɛrɛ kɛ́ bɛ ɩ n nɩ-mɩn a ɩ, nɩbɛ na tɩɛrɛ kɛ́ bɛ ɩ n yel-bebe dem a bʋɔlʋ n'a ɩ̃ wa.»

Luka 5:32 ပူးပေါင်းရင်းမြစ်များ

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Matie 18:10

«Nyɩ gù nyɩ tʋɔra taa wa jewre a bibi-cãpili bɛ ŋa been kãw za ɩ. Ɩ̃ sɩrɩ na yere kʋ̀rɛ nyɩ, a bɛ malkɩ mɩnɛ àr'ɩ a ɩ̃ Sãà na be a tẽ-vla pʋɔ a niŋé kʋralɛ. [

Matie 9:13

Nyɩ cen tɩ zànɩ a Sɛb-sõw ƴɛ̀r-bie á ŋá pɛr: “Nɩbaal-zɔba n'a ɩ̃ bɔbr, bàwr bɛ n'a ɩ.” Ɩ̃ sɩrɩ bɛ wa k'ɩ̃ɩ wa bʋɔlɩ nɩbɛ na tɩɛrɛ kɛ́ bɛ ɩ n nɩ-mɩn a ɩ, nɩbɛ na bãw kɛ́ bɛ ɩ n yel-bebe dem a bʋɔlʋ n'a ɩ̃ wa.»

Markɩ 15:10

Ʋ tɩ bãwnɩ a na nyuur ƴãw na n'a a bàwr-maal-nɩ-bɛrɛ nyɔw a Yeezu wa n a ʋ zie a.

Markɩ 15:7

Zɩ̃ kɛ́ dɔɔ kãw, bɛ na bʋɔlɛ kɛ́ Barabasɩ a, tɩ be n a gaso pʋɔ, ʋlɛ nɩ nɩbɛ na tɩ kʋ nɩr damnʋ kãw pʋɔ a.

Markɩ 2:17

A Yeezu na tɩ wõ a a, ʋ yel bɛ na: «Nɩ-kpɛn bɛ tɛr dɔwta yel-ɩra ɩ, bàalbɛ nɛbɛ tɛr ʋ yel-ɩra. Ɩ̃ sɩrɩ bɛ wa k'ɩ̃ɩ wa bʋɔlɩ nɩbɛ na tɩɛrɛ kɛ́ bɛ ɩ n nɩ-mɩn a ɩ, nɩbɛ na bãw kɛ́ bɛ ɩ n yel-bebe dem a bʋɔlʋ n'a ɩ̃ wa.»

Luka 15:10

Ɩ̃ yere na kʋ̀rɛ nyɩ, à ŋá n'a a mɩ́ ɩ nʋ̃ɔ̀ a Naaŋmɩn malkɩ mɩnɛ zie, a yel-bier-maalɛ been yõ na mɩ́ lɩɛbɩ a ʋ ɩb a ƴãw.»

Luka 15:7

Ɩ̃ yere na kʋ̀rɛ nyɩ, à ŋá n'a a na ɩ nʋ̃ɔ̀ yaga a tẽ-vla pʋɔ, a yel-bier-maalɛ been yõ na lɩɛbɩ a ʋ ɩb a ƴãw, zuo a nɩ-mɩn kʋba for bir na bɛ tɛr a bɛ ɩb lɩɛbʋ yel-ɩra a.»

Luka 19:10

Bʋ̃ʋ n'ʋ vɛ̃, a Nɩsaal Bie wa na k'ʋʋ wa bɔ, ɛ́ faa a bɛl na tɩ bɔr a.»

Luka 24:47

ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.”

Luka 5:31

A Yeezu tɩ de nɩ a ƴɛ̀rʋ sɔw bɛ: «Nɩ-kpɛn bɛ nɛbɛ mɩ́ tɛr dɔwta yel-ɩra ɩ, bàalbɛ nɛbɛ.

Luka 5:33

A Faarizɩ̃ɛ mɩnɛ tɩ yel'ɩ a Yeezu: «A Zã po-tuurbɛ nɩ a tɩ po-tuurbɛ mɩ́ tɛr'ɩ a mʋta-tuo kʋralɛ puore nɩ, ɛcɛ a fʋ po-tuurbɛ cãà dɩrɛ ɛ́ nyúur.»

Nɩ-toni 17:30

Ɛcɛ a Naaŋmɩn vɩɛ nɩ a zɔnʋ daar yele á ŋá bɛr, ɛ́ pãa bʋɔlɛ a nɩsaalbɛ za a ziir za, kɛ́ bɛ za lɩɛbɩ a bɛ ɩb.

Nɩ-toni 2:38

A Pɩɛr tɩ yel bɛ na: «Nyɩ lɩɛbɩ a nyɩ ɩb, ɛ́ ŋa za mɩ́ de a suob a Yeezu Kɩrɩta yúor ƴãw, a nyɩ yel-bebe suur páwfʋ ƴãw, ɛ́ nyɩ na páw nɩ a Naaŋmɩn maalʋ na ɩ a Vʋʋrʋ Sõw a.

Nɩ-toni 20:21

A dãsɩɛ ɩ̃ na dɩ a, tɩ bɔbr'a kɛ́ a Zifʋ mɩnɛ nɩ a Gɩrɛkɩ mɩnɛ lɛb wa a Naaŋmɩn zie, kɛ́ bɛ sàw de a tɩ Sore Yeezu.

Nɩ-toni 3:19

A na ɩ à ŋá a, nyɩ lɩɛbɩ a nyɩ ɩb ɛ́ lɛb wa a Naaŋmɩn zie, ʋ de a nyɩ yel-bebe bɛr a baarɩ.

Nɩ-toni 3:26

Nyɩmɛ de niwn so a Tõ-tõ-bie a Naaŋmɩn na ɩ ʋ lɛb yi a kũuni pʋɔ, ʋʋ tõ k'ʋʋ wa maalɩ nyɩ, ɩ kɛ̀ nyɩ za been been mɩ́ bɛr a nyɩ ɩ-faar a.»

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

2 Pɩɛr 3:9

A Sore bɛ cɛlɛ a ʋ nʋɔr ʋ na ƴãw a tub ɛ, mɛ̃ bɛ mɩnɛ kãw na yel k'ʋʋ cɛlɛ na a ɩ. Ɛcɛ, a nyɩɩm ƴãw n'a ʋ nyɔw ʋ tʋɔra bɛ páwr ɛ, ɛ́ bɔbr kɛ́ nɩr kãw za taa wa bɔrɛ ɩ, ɛ́ a nɩbɛ za lɩɛbɩ a bɛ ɩb.