Luka 5:17 - A SƐB-SÕW

¹⁷ Bibir kãw a Yeezu na tɩ kanɛ nɩ a nɩbɛ a, Faarizɩ̃ɛ mɩnɛ nɩ Naaŋmɩn wulu bãw-bãw-karɩ tɩ pʋɔ nɩ a nɩbɛ pʋɔ. Galile lowr tẽli za, nɩ Zude tẽw lowr tẽli nɩ Zerizalɛm n'a bɛ tɩ yi ɛ́ wa. A Sore fãw tɩ be n a Yeezu zie k'ʋ sanɛ bàalbɛ.

Luka 5:17 ပူးပေါင်းရင်းမြစ်များ

Matie 11:5

a zɔn nyɛrɛ na, a wʋbr cere dẽdẽ, a kɔn lɛb vɩɛl, ɛ́ a won wone, a kũuni lɛbr yire, ɛ́ a Yel-nʋ̃ɔ̀ hieri ta a nan dem.

Matie 15:1

Faarizɩ̃ɛ mɩnɛ nɩ Naaŋmɩn wulu sɛ-sɛbrbɛ bɛ mɩnɛ kãw tɩ yi n a Zerizalɛm wa páw a Yeezu sowr'ʋ:

Markɩ 1:45

Ɛcɛ ʋ tɩ yire na wa báarɛ ɛ́ nyɔw a yel ŋa hieri, ŋmɛ yaarɩ a ziir za. A na tɩ ɩ lɛ a, a Yeezu bɛ mɩ́ lɛb tɩ tʋ̃ɔ́ kpɛ tẽ-kpɛ̃ɛ kãw za pʋɔ cãàmɩ́ ɛ. Ʋ mɩ́ tɩ be n a wɛja pʋɔ, ɛ́ a nɩbɛ yire a ziir za waar a ʋ zie.

Markɩ 16:18

Bɛlɛ saa nyɔw wɩɩr nɩ nuru bɩɩ bɛlɛ saa nyũ tɩ̃ɩ-faa kãw a, a kʋ̃ ɩ bɛ bom za ɩ. Bɛ na mɩ́ ír'ɩ nuru dɔwlɩ a bàalbɛ zu, ɛ̀ bɛ lɛb kpɛ̃w.»

Markɩ 3:22

A Naaŋmɩn wulu sɛ-sɛbrbɛ bɛl na tɩ yi a Zerizalɛm wa a, tɩ yere na: «A kɔ̃tɔ̃-nãà Bɛlɩzebul n'ʋ ìre ʋ!» Nɩ kɛ́: «A kɔ̃tɔmɛ nãà fãw n'a ʋ diwr'ɩ a kɔ̃tɔmɛ.»

Markɩ 5:30

Daadaalɛ, a Yeezu tɩ bãwnɩ a na fãw na yi a ʋ pʋɔ a. Ʋ tɩ lɩɛb'ɩ a nɩ-yaga pʋɔ sowre: «Ãa n'ʋ tɔ a ɩ̃ bʋ̃-suuri?»

Markɩ 7:1

A Faarizɩ̃ɛ mɩnɛ nɩ a Naaŋmɩn wulu sɛ-sɛbrbɛ bɛ mɩnɛ, na tɩ yi a Zerizalɛm wa a, tɩ ɓã n taa a Yeezu zie.

Luka 15:2

A Faarizɩ̃ɛ mɩnɛ nɩ a Naaŋmɩn wulu sɛ-sɛbrbɛ tɩ zɛbr'a yere nɩ: «A nɩr ŋa a, ʋ nɔnɛ nɩ a yel-bebe dem ɛ́ lãw dɩrɛ nɩ bɛ!»

Luka 2:46

Bibie ata pùorí n'a bɛ tɩ nyɛ̃ ʋ a Ŋmɩn-yir-kpɛ̃ɛ pʋɔ, ʋ zɩ̃ a Naaŋmɩn wulu bãw-bãw-karɩ sɔgɔ, bɛrɛ wone a bɛ ƴɛ̀rʋ tɛr'ɩ sowru a bɛ zie.

Luka 5:21

A Naaŋmɩn wulu sɛ-sɛbrbɛ nɩ a Faarizɩ̃ɛ mɩnɛ tɩ tɩɛrɛ na: «Ãa n'ɩ a sob ŋa na tʋʋr a Naaŋmɩn zʋmɛ a? Nɩ-buor sob'ʋ na tʋ̃ɔ́ dɩ a yel-bebe suur a bɛ ɩ Naaŋmɩn yõ?»

Luka 5:30

A Faarizɩ̃ɛ mɩnɛ nɩ a bɛ Naaŋmɩn wulu sɛ-sɛbrbɛ tɩ 'hũ'hune na yere kʋ̀rɛ a Yeezu po-tuurbɛ: «Bʋ̃ʋ n'ʋ so nyɩ lãw nɩ zuru-yar-dierbɛ nɩ yel-bebe dem dɩrɛ ɛ́ nyúur?»

Luka 6:19

A zu-sɛbla za tɩ bɔbr'ɩ a ʋ tɔb, fãw kãw na mɩ́ tɩ yire a ʋ pʋɔ sanɛ bɛ za a ƴãw.

Luka 7:30

Ɛcɛ a Faarizɩ̃ɛ mɩnɛ nɩ a Naaŋmɩn wulu bãw-bãw-karɩ zawr'ɩ a Naaŋmɩn pʋ-tɩɛrʋ ʋ na tɛr a bɛ ƴãw a, ɛ́ bɛ sàw a Zã kʋ̀ bɛ a suob ɛ.»

Luka 8:46

Ɛcɛ a Yeezu tɩ yel'a: «Nɩr tɔ m'a, ɩ̃ nyɛ̃ na kɛ́ fãw yi n a ɩ̃ pʋɔ.»

Zã 3:10

A Yeezu sɔw ʋ: «Fʋ ɩ n wul-wule a Ɩsɩrayɛl biir pʋɔ ɛ́ bɛ bãw a yele á ŋá ɩ?

Zã 3:21

Ɛcɛ ʋlɩ sob ɩb na tu a yel-mɩŋa a, ʋ mɩ́ yire nɩ cãà pʋɔ, kɛ́ bɛ tʋ̃ɔ́ mɩ́ nyɛ̃ a sãá kɛ́ a ʋ ɩ-ɩrɩ tu n a lɛ a Naaŋmɩn na bɔbr a.»

Nɩ-toni 19:11

Naaŋmɩn mɩ́ tɩ tu n a Pol maalɩ nɔ-ɓãa-yele na bɛ tɛr manʋ a.

Nɩ-toni 4:30

A lɛ ƴãw a, wul a fʋ kpɛnʋ, kɛ̀ bàalbɛ sanʋ, nɩ nɔ-ɓãa-yele nɩ yel-bãw-guuri maalɛ a fʋ tõ-tõ-bi-sõw Yeezu yúor ƴãw.»

Nɩ-toni 5:34

Ɛcɛ nɩr kãw tɩ ìr'ɩ a bɛ sɔgɔ. Faarizɩ̃ɛ tɩ n'ʋ, a yúor dɩ kɛ́ Gamaliyɛl. Ʋ tɩ ɩ n Naaŋmɩn wulu bãw-bãw-kara a nɩbɛ za na ƴãwnɛ a. Ʋ tɩ ƴãw na kɛ̀ bɛ tɛr a nɩ-toni yi n yẽw blã,