Luka 4:8 - A SƐB-SÕW

⁸ Ɛcɛ a Yeezu tɩ yel ʋ na: «Bɛ sɛb'a kɛ́: “A Sore fʋ Naaŋmɩn yõ n'ʋ fʋ na gbine dume puore nɩ fʋ tʋɔra-siwru, ʋl yõ n'ʋ fʋ na maalɛ.”»

Luka 4:8 ပူးပေါင်းရင်းမြစ်များ

2 Na-mɩnɛ 19:15

ɛ́ puori à ŋá: «Sore e, Ɩsɩrayɛl Naaŋmɩn i, fʋ̃ʋ na zɩ̃ a seribɛ̃ mɩnɛ zu-sɔw a, fʋ̃ʋ n'ɩ a tẽ-daa naalʋ-ten za Naaŋmɩn-been yõ, fʋ̃ʋ n'ʋ maalɩ a salom nɩ a tẽw.

Sɛb-sõw yielu 83:18

A bɛ yúor, ʋ sãw, dɛ̃bɩ̃ɛ, a ɩrɛ bɛ kʋralɛ! Vĩ, a nyɔw bɛ bɛ kpi!

Ɩzayi 2:11

A nɩsaal na mɩ́ jɩ́r a pɔ̀l-jɩ́rʋ a, a na fɛr'a ʋ mɩ́ jɩ́r pile, ɛ́ a fɛr a pɔ̀lʋ sob ʋ gũu zu. A ʋlɩ bibir nɛ a, a Sore yõ n'ʋ na ɩ kpɛ̃ɛ.

Matie 16:23

Ɛcɛ a Yeezu tɩ lɩɛb'a yel a Pɩɛr: «Cen taw zaa a ɩ̃ zie, Sɩtaana a! Fʋ piwr mɛ̃ nɩ sɔ́r. A fʋ tɩɛrʋ bɛ ɩ Naaŋmɩn dem ɛ, nɩsaalbɛ dem'a.»

Matie 4:10

Lɛ n'a a Yeezu yel ʋ: «Cen taw zaa, Sɩtaana a! Bɛ sɛb'a: “A Sore fʋ Naaŋmɩn yõ n'ʋ fʋ na mɩ́ lo gbĩ dume puori nɩ fʋ tʋɔra-siwru, ʋl yõ n'ʋ fʋ na maalɛ.”»

Luka 4:4

Ɛcɛ a Yeezu tɩ sɔw ʋ na: «Bɛ sɛb'a yel: “Bʋ̃-dɩrɩ tɛwr bɛ n'a guole a nɩsaal ɛ.”»

Luka 4:7

Lɛ so, fʋ̃ʋ wa puori mɛ̃ nɩ fʋ tʋɔra-siwru a, fʋ̃ʋ na so a za.»

Wulu-ayi-sob 10:20

Nyɩ zɔrɛ a Sore nyɩ Naaŋmɩn, nyɩ tone ʋ, nyɩ tu a ʋl yõ pùor, ɛ́ mɩ́ pɔ n a ʋ yúor yõ.

Wulu-ayi-sob 6:13

Nyɩ na zɔrɛ nɩ a Sore nyɩ Naaŋmɩn, ʋl yõ n'ʋ nyɩ na mɩ́ lo gbĩ dume puori, ʋl yõ yúor'ʋ nyɩ na mɩ́ pɔ n.

Zakɩ 4:7

A na ɩ lɛ a, nyɩ mɩ́ bɛr nyɩ tʋɔra kʋ̀ a Naaŋmɩn. Nyɩ mɩ́ bà gbɛ́r a Gɛgɛra niŋé, ʋʋ na zɔ na zãá nɩ nyɩ.

1 Pɩɛr 5:9

Nyɩ bà gbɛ́ɛ a ʋ niŋé ɛ́ kpɛmɛ a naaŋmɩn-sàwfʋ pʋɔ, ɛ́ bãwnɩ a tuo á ŋá tɛɛ za mɩ̀ na gùre a nyɩ yɛbr na be a tẽ-daa zu a.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

Yel-wula 22:9

Ɛcɛ, ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ a fʋ̃ʋ nɩ a fʋ yɛbr naaŋmɩn-ƴɛ̀r-manbɛ a, nɩ a bɛlɩ dem za na maal tɛr a sɛbɛ ŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru!»

1 Samɩɛl 7:3

Lɛ n'a a Samɩɛl tɩ yel a Ɩsɩrayɛl nɩbɛ za: «Alɛ wa ɩ a nyɩ pʋɔ za n'ʋ nyɩ lɛb waar'ɩ a Sore zie a, nyɩɩm bɛr a ŋmɩn-yoru puoru nɩ a Asɩtarte mɩnɛ puoru. Nyɩ lɩɛbɩ a nyɩ socir za tu n a Sore, nyɩ puore a ʋl yõ, ʋʋ na faa nyɩ nɩ a Filisɩtɛ̃ mɩnɛ nuru pʋɔ.»