Luka 3:8 - A SƐB-SÕW

⁸ Nyɩ ɩ a sãá a nyɩ ɩ-ɩrɩ pʋɔ kɛ́ nyɩ lɩɛb'ɩ a nyɩ ɩb, ɛ́ taa wa tɩɛrɛ nyɩ pʋɔ yere kɛ́: “Tɩ sãà n'ɩ Abraham ɛ!” Mãa n'ʋ yere kʋ̀rɛ nyɩ, a kʋsɛbɛ á ŋá na gã a, Naaŋmɩn na tʋ̃ɔ́ na ɩ a lɩɛbɩ Abraham bibiir.

Luka 3:8 ပူးပေါင်းရင်းမြစ်များ

Neemi 5:11

A dɩ̃a za mɩ̀ a, nyɩ lɛb kʋ̀ a nyɩ samɛ dem a bɛ póru, a divɛ̃ tɩɩr póru, a bɛ olivʋ tɩɩr nɩ a bɛ yie. Nyɩ ta ƴãw bɛ kʋ̀ nyɩ dɔwlɛ a bome za nyɩ na pɛ̃w bɛ a zu ɛ: a libie, a ble, a divɛ̃ bɩɩ a kãá.»

Ezekɩɛl 33:24

«A fʋ̃ʋ nɩsaal bie, bɛrɛ wone! A nɩbɛ na be a Ɩsɩrayɛl tẽw tẽ-bɛrɛ bɛ na sãw bɛr a pʋɔ a yere na: “A Abraham tɩ ɩ n ʋ yõ, ɛcɛ ʋlɛ n'ʋ tɩ so a tẽw za. Tɩɩm na yãwmɛ a, tɩmɛ nɛbɛ a sɛw kɛ́ tɩ so a tẽw a ƴɛrɛŋa.”

Matie 21:43

Alɛ so ɩ̃ yere kʋ̀rɛ nyɩ: bɛ na de nɩ a Naaŋmɩn Naalʋ a nyɩ zie, kʋ̀ nɩ-bʋʋr-yoru na na ɩrɛ ʋ wɔnɛ wɔmɛ a. [

Matie 3:8

Nyɩ wɔnɛ ɩ-vɩɛlɩ wɔmɛ na wul kɛ́ nyɩ lɩɛb'ɩ a nyɩ ɩb a,

Matie 3:9

ɛ́ taa wa nanɩ yere nyɩ tʋɔra kɛ́: “Abraham n'ɩ a tɩ sãà ɩ.” Mãa n'ʋ yere kʋ̀rɛ nyɩ, a kʋsɛbɛ á ŋá na gã a, Naaŋmɩn na tʋ̃ɔ́ na ɩ a lɩɛbɩ Abraham bibiir.

Luka 13:25

«A yir sob wa ìr pàw a pan baar'a, nyɩmɛ wa be a yẽw ɛ́ kpàwrɛ a pan yere nɩ: “Sore e, yuo tɩ”, ʋ na sɔw nyɩ na: “Ɩ̃ bɛ bãw nyɩ yib zie ɩ.”

Luka 13:26

A lɛn daar, nyɩ na yere na: “Tɩ dɩ na ɛ́ nyũ a fʋ niŋé, ɛ́ fʋ kanɩ nɩ tɩ a tɩ tuor-taa ziir.”

Luka 14:9

fʋ̃ʋ nɩ a fʋ tɔ sob a, nãà mab'a yel fʋ: “Ìr ɛcɛ a fʋ zɩma zie kʋ̀ ʋ.” Fʋ na ìr'a nɩ vĩ siw a pɛrɩ́.

Luka 19:40

A Yeezu tɩ sɔw na: «Ɩ̃ yere na kʋ̀rɛ nyɩ, bɛlɛ wa ɩ gbili a, a kʋsɛbɛ na cáarɛ na.»

Luka 19:9

Lɛ n'a a Yeezu tɩ yel a ʋ ƴãw: «A dɩ̃a a, a faafʋ wa n a yir ŋa ƴãw, a sob ŋa mɩ̀ na ɩ Abraham bie a ƴãw.

Luka 5:21

A Naaŋmɩn wulu sɛ-sɛbrbɛ nɩ a Faarizɩ̃ɛ mɩnɛ tɩ tɩɛrɛ na: «Ãa n'ɩ a sob ŋa na tʋʋr a Naaŋmɩn zʋmɛ a? Nɩ-buor sob'ʋ na tʋ̃ɔ́ dɩ a yel-bebe suur a bɛ ɩ Naaŋmɩn yõ?»

Zã 8:33

Bɛ tɩ sɔw ʋ na yel: «Abraham bʋʋrɛ n'ɩ tɩ, ɛ́ bɛ dãw ɩ nɩr za gbãgbaar ɛ: ŋmɩŋmɩn n'a fʋ yere kɛ́ tɩ na ɩ n nɩbɛ na so bɛ tʋɔra a?»

Zã 8:39

Bɛ tɩ lɛb'a yel ʋ: «Abraham'ʋ ɩ a tɩ sãà.» A Yeezu yel bɛ: «Nyɩmɛ wa sɩrɩ ɩ a Abraham bibiir a, nyɩɩm tone a tome a Abraham na tõ a.

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

Ʋrɔm 4:16

A na ɩ à ŋá a, a ʋlɩ bom nɛ a Naaŋmɩn na yel k'ʋʋ na tɩr a a, a sàw-deb zũú n'a, k'ʋʋ tʋ̃ɔ́ ɩ maalʋ ʋ na tɩrɛ zawla a, ɛ́ a mɩ̀ ɩ a Abraham bʋʋrɛ za ƴãw a, a bɛlɩ dem na sàwr a Wulu a, nɩ a bɛlɩ dem na sàw de, mɛ̃ a lɛ a Abraham na tɩ sàw de a, ʋl na ɩ a tɩ za sãà a.

Ʋrɔm 9:7

Ɛ́ a Abraham bʋʋrɛ bɛ ɩ a ʋ bibiir bɛ za ɩ. Bʋ̃ʋ n'ʋ vɛ̃, Naaŋmɩn tɩ yel'ɩ a Abraham à ŋá: «A Ɩzaakɩ bʋʋrɛ nɛbɛ bɛ na bʋɔlɛ a fʋ bʋʋrɛ.»

Filib 1:11

A yel-mɩnʋ yel-vɩɛlɩ a Yeezu Kɩrɩta na maalɩ a nyɩ zie a na ɩ na nyɩ kpɛ naalʋ, a Naaŋmɩn yúor zɛwfʋ nɩ a ʋ danʋ ƴãw.