Luka 3:23 - A SƐB-SÕW

²³ A Yeezu na wa tɩ tine a ʋ tome a, ʋ tɛr'a ta yome lɩzɛr'ɩ pie. A nɩbɛ tɩ tɩɛrɛ na kɛ́ Zuzɛb bidɛb'ʋ, ɛ́ a Zuzɛb ɩ Eli bidɛb,

Luka 3:23 ပူးပေါင်းရင်းမြစ်များ

Yele-za-pɛr-tib 41:46

Ʋ tɩ tɛr'ɩ yome lɩzɛr'ɩ pie a lɛn daar bɛ na tɛr ʋ wa n a Eziptɩ tẽw nãà Faarawɔ̃ niŋé a. A Zuzɛb tɩ yi n a Faarawɔ̃ zie, ɛ́ nyɔw a Eziptɩ tẽw za cɔlʋ.

2 Samɩɛl 5:4

A Daviir tɩ tɛr'ɩ yome lɩzɛr'ɩ pie, a lɛn daar ʋ na tɩ ɩ a nãà a, ɛ́ dɩ a naalʋ yome lɩz'a ayi.

Matie 1:1

A Yeezu Kɩrɩta, a Daviir bidɛb, a Abraham bidɛb sãàkʋm-kore yée sɛbɛ n'ɩ à ŋà.

Matie 1:16

Zakɔb dɔw a Marya sɩr Zuzɛb, ɛ́ a Marya dɔw a Yeezu bɛ na bʋɔlɛ a Kɩrɩta a.

Matie 1:6

Zese dɔw a nãà Daviir. A nãà Daviir tɩ páw nɩ a Uuri pɔw dɔw Salomɔ̃,

Matie 13:55

A dà-fɔwrɛ bie bɛ tʋ̃ɔ́ n'ʋ ɛ? A ʋ mã bɛ n'ɩ a Marya ɩ? Ɛ́ a ʋ yɛbr bɛ n'ɩ Zakɩ, Zuzɛb, Sɩmʋ̃ nɩ Zid ɛ?

Matie 4:17

Lɛ n'a a Yeezu tɩ tĩ hiere yere: «Nyɩ lɩɛbɩ a nyɩ ɩb, a tẽ-vla Naalʋ pɩɛl'a.»

Markɩ 6:3

A dà-fɔwrɛ, a Marya bidɛb, bɛ tʋ̃ɔ́ n'ʋ ɛ? A Zakɩ nɩ Zoze nɩ Zid nɩ Sɩmʋ̃ yɛb ɛ? A ʋ yeepuuli bɛ tʋ̃ɔ́ be a tɩ zie ka ɩ?» A tɩ ɩ na bɛ faa lo a bɛ naaŋmɩn-sàw-deb pʋɔ.

Luka 2:48

A Yeezu sãà nɩ a ʋ mã na tɩ nyɛ̃ ʋ a, nʋɔr ɓãá bɛ na, ɛ́ a mã yel ʋ: «Ɩ̃ bie e, bʋ̃ʋ n'ʋ so fʋ ɩ tɩ à ŋá? Nyɛ̃, mãa nɩ a fʋ sãà pi n pée bɔbr'ɩ fʋ gʋɔr'ɩ.»

Luka 3:31

Elɩakɩm ɩ Melea bidɛb, Melea ɩ Mɛna bidɛb, Mɛna ɩ Matata bidɛb, Matata ɩ Natam bidɛb, Natam ɩ Daviir bidɛb,

Luka 4:22

A nɩbɛ za tɩ pore nɩ a ʋ yo-vla, ɛ́ mɩ́ tɩ nyɔw nʋɔr a ƴɛ̀r-vɩɛlɩ na tɩ yire a ʋ nʋɔrɩ́ a ƴãw, ɛ́ tɩ sowre: «A Zuzɛb bidɛb bɛ n'ɩ à ŋà ɩ?»

Zã 1:45

Ʋ tɩ tuor'ɩ Natanayɛl yel ʋ: «A nɩr ʋl yele a Moyiir na manɛ a Naaŋmɩn wulu sɛbɛ pʋɔ a, ɛ́ a naaŋmɩn-ƴɛ̀r-manbɛ mɩ̀ ƴɛ̀r a ʋ ƴɛ̀rʋ a, tɩ nyɛ̃ ʋ na, a Zuzɛb bidɛb Yeezu na yi Nazarɛtɩ tẽw a n'ʋ.»

Zã 6:42

Bɛ tɩ yere na: «A Yeezu bɛ tʋ̃ɔ́ n'ɩ à ŋà ɩ, a Zuzɛb bidɛb ɛ? Tɩ bãw nɩ a ʋ sãà nɩ a ʋ mã vla. Ɛ́ ŋmɩŋmɩn n'a ʋ na tʋ̃ɔ́ ƴɛ̀rɛ à ŋá: “Ɩ̃ yi n salom zu siw wa?”»

Nɩ-toni 1:1

Teofil i, a ɩ̃ sɛb dãw-niwn sob pʋɔ a, ɩ̃ manɩ nɩ a ɩ-ɩrɩ al za a Yeezu na ɩ a, nɩ a wulu al za ʋ na wul a pɛr-tib daar za