Luka 3:12 - A SƐB-SÕW

¹² A zuru-yar-dierbɛ mɩ̀ tɩ wa na wa de a suob ɛ́ sowri ʋ: «Wul-wul-kara a, bʋ̃ʋ n'ʋ a fɛr kɛ́ tɩ ɩrɛ?»

Luka 3:12 ပူးပေါင်းရင်းမြစ်များ

Matie 5:46

Nyɩmɛ wa nɔnɛ a bɛlɩ dem na nɔnɛ nyɩ a tɛwr'a, bʋ̃ʋ maalʋ n'a nyɩ na páw a Naaŋmɩn zie? A zuru-yar-dierbɛ tɛɛ za mɩ̀ ɩrɛ nɩ a lɛ!

Luka 18:13

Ɛcɛ a zuru-yar-diere ʋl tɩ àr'a zãá, ɛ́ bɛ tɩ sàw na dʋɔ zu ɛ, ɛ́ tɩ lɔbr nɩbaal-nuru yere nɩ: “Naaŋmɩn i, zɔ ɩ̃ nɩbaalʋ, mãa na ɩ yel-bebe sob a.”

Luka 3:10

A zu-sɛbla tɩ sowre ʋ na: «Bʋ̃ʋ n'ʋ a fɛr kɛ́ tɩ pãa ɩrɛ a?»

Luka 3:13

Ʋ yel bɛ: «Nyɩ ta mɩ́ ŋmãa libie dɔwlɩ a lɛ bɛ na ƴãw a zu ɛ.»

Luka 7:29

A nɩbɛ za nɩ a zuru-yar-dierbɛ tɩ bɛr'a wõ a ʋ ƴɛ̀rʋ, bɛ tɩ nyɛ̃ na bãw kɛ́ a Naaŋmɩn tɛr'ɩ yel-mɩŋa, ɛ́ ƴãw a Zã kʋ̀ bɛ a suob.

Nɩ-toni 2:37

Bɛ na tɩ wõ a lɛ a, a tɩ dam bɛ nɩ yaga, bɛ yel a Pɩɛr nɩ a nɩ-toni ŋmãa bɛl na cɛ a: «Yɛbr i, bʋ̃ʋ n'ʋ tɩ na ɩ?»