Luka 24:47 - A SƐB-SÕW

⁴⁷ ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.”

Luka 24:47 ပူးပေါင်းရင်းမြစ်များ

Yele-za-pɛr-tib 12:3

Ɩ̃ na mɩ́ maal'ɩ a bɛlɩ dem na ƴɛ̀rɛ nɔ-vla ƴãwn fʋ a, ɛ́ ŋmɛ ƴãw a bɛlɩ dem na ŋmɩɛr ƴãwn fʋ a. Ɩ̃ na maal'ɩ a tẽw zu nɩ-bʋʋrɛ za a fʋ zũú.»

Sɛb-sõw yielu 22:27

A bãbàalbɛ na dɩ na tɩw. Bɛlɩ dem na bɔbr a Sore a, bɛ danɛ ʋ ɛ́ tɛr nyɔ-vʋʋr-wogo!

Sɛb-sõw yielu 67:7

A tẽsɔw bʋ̃-kʋ́ɔrɩ maal'a, a Naaŋmɩn, a tɩ Naaŋmɩn maalɛ tɩ na!

Sɛb-sõw yielu 86:9

A nɩ-bʋʋrɛ za fʋ na ír a na wa na wa gbĩ dume a fʋ niŋé, Sore e, bɛ na íre nɩ a fʋ yúor.

Ɩzayi 11:10

A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.

Ɩzayi 49:22

À ŋá n'a a Sore Naaŋmɩn yere: «Ɩ̃ na kabr'ɩ a nɩ-bʋʋr-yoru, ɩ̃ na zɛw nɩ a ɩ̃ bãwfʋ a bɛ ƴãw. Bɛ na kɔ̃gbɔwlɩ nɩ a fʋ bidɛbr lɛb wa n, ɛ́ dúori a fʋ pɔwyaar baw lɛb wa n.

Ɩzayi 49:6

Ʋ yel mɛ̃ na: «Fʋ na ɩ a ɩ̃ tõ-tõ-bie kɛ́ fʋ ɩ a Zakɔb dɔwlʋ a lɛb ìr a, kɛ́ fʋ tɛr a Ɩsɩrayɛl nɩbɛ bɛl na cãà vʋʋrɛ a lɛb wa n a, a ɩ n pʋrɩ. Ɩ̃ ɩ na fʋ ɩ a nɩ-bʋʋr-yoru cãà, k'aa ɩ̃ faafʋ cen tɩ tɔ a tẽw baarʋ zie».

Ɩzayi 5:4

Bʋ̃ʋ n'ʋ ɩ̃ nãá tʋ̃ɔ́ lɛb ɩ a ɩ̃ divɛ̃ tɩɩr púo ƴãw ɛ́ bɛ ɩ? Ɩ̃ tɩ gùre nɩ wɔ̃-vɩɛlɩ a ʋ zie, bʋ̃ʋ n'ʋ so ʋ wa wɔ̃ wɔ̃-faar?

Ɩzayi 52:10

A nɩ-bʋʋr-yoru za niŋé a, a Sore wul'ɩ a ʋ sonu kpɛnʋ, ɛ́ a nɩbɛ na nyɛ̃ nɩ a tɩ Naaŋmɩn faafʋ tɩ tɔ a tẽw baarʋ ziir za.

Ɩzayi 52:15

lɛ mɩ̀ n'a nʋɔr na ɓãa nɩ-bʋʋr-yaga a ʋ ƴãw, na-mɩnɛ na nyɔw nɩ nʋɔr a ʋ niŋé. Bʋ̃ʋ n'ʋ vɛ̃, bɛ nyɛ̃ nɩ bom na bɛ ɩ mɛ̃ a lɛ bɛ na tɩ manɩ kʋ̀ bɛ a ɩ, ɛ́ a bom bɛ na jɩ́rɛ a, bɛ ɩ mɛ̃ a lɛ bɛ na wõ bɛ yel a ɩ.»

Zeremi 31:34

A Sore yere na: Nɩr za kʋ̃ mɩ́ lɛb wule a ʋ tɔ sob bɩɩ a ʋ yɛb yere nɩ: “Nyɩ bãw a Sore!” ɩ. Bʋ̃ʋ n'ʋ vɛ̃, bɛ za na bãw mɛ̃ na, a pʋrɩ za zie tɩ tɔ a kpɛ̃ɛ za zie. Ɩ̃ na dɩ n a bɛ sãwna suur kʋ̀ bɛ, ɩ̃ kʋ̃ cãà bãwnɩ a bɛ yel-bebe ɩ.»

A naaŋmɩn-ƴèr-manɛ Oze sɛbɛ 11:8

«Ɛcɛ Efarayim i, ŋmɩŋmɩn za n'a ɩ̃ na sàw zawrɩ fʋ bɛr? Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr? Ŋmɩŋmɩn za n'a ɩ̃ na sàw ɩ fʋ, mɛ̃ ɩ̃ na ɩ a Adima tẽw a? Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a? A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.

A naaŋmɩn-ƴèr-manɛ Oze sɛbɛ 2:23

A ʋlɩ bibir nɛ a, a Sore n'ʋ yere, ɩ̃ na maal'ɩ a salom pʋ-tɩɛrʋ, ɛ́ a salom maalɩ a tẽsɔw pʋ-tɩɛrʋ.

Mise 4:2

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Matie 28:19

A na ɩ lɛ a, nyɩ cen tɩ ɩ a nɩ-bʋʋrɛ za bɛ lɩɛbɩ a ɩ̃ po-tuurbɛ, nyɩ kʋ̀rɛ bɛ a suob a Sãà nɩ a Bie nɩ a Vʋʋrʋ Sõw yúor ƴãw,

Matie 3:2

«Nyɩ lɩɛbɩ a nyɩ ɩb, a tẽ-vla Naalʋ pɩɛl'a.»

Matie 9:13

Nyɩ cen tɩ zànɩ a Sɛb-sõw ƴɛ̀r-bie á ŋá pɛr: “Nɩbaal-zɔba n'a ɩ̃ bɔbr, bàwr bɛ n'a ɩ.” Ɩ̃ sɩrɩ bɛ wa k'ɩ̃ɩ wa bʋɔlɩ nɩbɛ na tɩɛrɛ kɛ́ bɛ ɩ n nɩ-mɩn a ɩ, nɩbɛ na bãw kɛ́ bɛ ɩ n yel-bebe dem a bʋɔlʋ n'a ɩ̃ wa.»

Luka 13:34

Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr'ɩ kʋsɛbɛ kʋrɛ a bɛlɩ dem a Naaŋmɩn na tone a fʋ zie a! Gb'aa a ŋmɩn za n'a ɩ̃ tɩ bɔbr k'ɩ̃ɩ ɓã a fʋ biir taa, mɛ̃ nɔ-mã na mɩ́ kʋɔlɩ a ʋ lili-pɩɩlɛ ɓã taa a ʋ bɩgɛ pile a, ɛ́ nyɩ bɛ sàw!

Nɩ-toni 10:43

A naaŋmɩn-ƴɛ̀r-manbɛ za dɩ n a dãsɩɛ ŋa a ʋ ƴãw: nɩr za, na sàw de a ʋ yele a, na páw nɩ a yel-bebe suur a ʋ yúor ƴãw.»

Nɩ-toni 11:18

Bɛ na tɩ wõ a ƴɛ̀r-bie á ŋá a, bɛ tɩ lɛb'a nyɔw bɛ tʋɔra ɛ́ danɛ a Naaŋmɩn yere nɩ: «A na ɩ à ŋá a, a Naaŋmɩn mɩ̀ sɩrɩ na kʋ̀ a nɩ-bʋʋr-yoru a fãw kɛ́ bɛ mɩ̀ lɩɛbɩ a bɛ ɩb páw a nyɔ-vʋʋrʋ.»

Nɩ-toni 13:46

Lɛ n'a a Pol nɩ a Banabasɩ pãa tɩ nyar bɛ za ɛ́ yel bɛ: «Nyɩmɛ nɛbɛ a tɩ fɛr kɛ́ tɩ de niwn manɩ a Naaŋmɩn ƴɛ̀rʋ kʋ̀, ɛcɛ nyɩ na bɛ sàwr dier a, ɛ́ nyɛ̃ nyɩ bɛ sɛwnɩ a nyɔ-vʋʋrʋ na be kʋralɛ a, tɩ cere nɩ a nɩ-bʋʋr-yoru zie.

Nɩ-toni 2:38

A Pɩɛr tɩ yel bɛ na: «Nyɩ lɩɛbɩ a nyɩ ɩb, ɛ́ ŋa za mɩ́ de a suob a Yeezu Kɩrɩta yúor ƴãw, a nyɩ yel-bebe suur páwfʋ ƴãw, ɛ́ nyɩ na páw nɩ a Naaŋmɩn maalʋ na ɩ a Vʋʋrʋ Sõw a.

Nɩ-toni 20:21

A dãsɩɛ ɩ̃ na dɩ a, tɩ bɔbr'a kɛ́ a Zifʋ mɩnɛ nɩ a Gɩrɛkɩ mɩnɛ lɛb wa a Naaŋmɩn zie, kɛ́ bɛ sàw de a tɩ Sore Yeezu.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

Nɩ-toni 28:28

Lɛ so nyɩ bãwnɩ a, nɩ-bʋʋr-yoru nɛbɛ a Naaŋmɩn tɩr a faafʋ ŋa kʋ̀. Bɛl na bɛr'a wõ.» [

Nɩ-toni 3:19

A na ɩ à ŋá a, nyɩ lɩɛbɩ a nyɩ ɩb ɛ́ lɛb wa a Naaŋmɩn zie, ʋ de a nyɩ yel-bebe bɛr a baarɩ.

Nɩ-toni 4:12

Faafʋ bɛ lɛb yi nɩr kãw za zie a bɛ ɩ a ʋl yõ zie ɩ. Yúor bɛ lɛb ka zie za a tẽw zu, a Naaŋmɩn kʋ̀ a nɩsaalbɛ, ʋ na tʋ̃ɔ́ faa tɩ ɛ.»

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

Ʋrɔm 5:20

A Naaŋmɩn wulu wa na k'aa sãwna tʋ̃ɔ́ bʋwlɩ pàw a ziir za, ɛcɛ a be a yel-bier na tɩ bʋwlɩ a, a Naaŋmɩn maalʋ mɩ̀ tɩ ʋr'a tɩ zuo.

Efɛɛzɩ 1:6

A na ɩ à ŋá a, nyɩ ɩ tɩ danɛ a Naaŋmɩn na ƴãw a ʋ Bi-nɔna kʋ̀ tɩ a maalʋ sɛw à ŋá zawlalɛ a.

Efɛɛzɩ 3:8

A mãa na ɩ a pʋrɩ woro a kɩrɩta-nɩbɛ za pʋɔ a, mãa n'ʋ a Naaŋmɩn kʋ̀ a maalʋ ŋa, k'ɩ̃ɩ hieri yel a Kɩrɩta Naalʋ na bɛ vʋʋr a Yel-nʋ̃ɔ̀ kʋ̀ a nɩ-bʋʋr-yoru,

Kɔlɔsɩ 1:27

Naaŋmɩn sàw na ɩ bɛ bãw a tɩbɛ dem sɔgɔ a naalʋ nɩ a yúor-vɩɛlʋ-danʋ na bɛ tɛr tɔ a yel ŋa na waar'ɩ a: a Kɩrɩta be n a nyɩ sɔgɔ, ʋl na só nyɩ tɩɛrɛ a yúor-vɩɛlʋ-danʋ a.

1 Zã 2:12

Ɩ̃ bibiir i, ɩ̃ sɛbr nyɩ na kɛ́ Naaŋmɩn dɩ n a nyɩ yel-bebe suur kʋ̀ nyɩ a Yeezu yúor ƴãw.