Luka 23:2 - A SƐB-SÕW

² Bɛ tɩ nyɔw nɩ a ʋ sãwna manʋ yere nɩ: «Tɩ nyɛ̃ nɩ a nɩr ŋa ʋ ƴãwnɛ damnʋ a tɩ bʋʋrɛ pʋɔ, ɛ́ diwr a nɩbɛ bɛrɛ kɛ́ bɛ ta yarɛ a zuru-yar kʋ̀rɛ a Sezaar ɛ, ɛ́ yere kɛ́ ʋlɛ n'ɩ a Kɩrɩta, a Nãà.»

Luka 23:2 ပူးပေါင်းရင်းမြစ်များ

1 Na-mɩnɛ 18:17

ʋʋ na wa nyɛrɛ ʋ wa báarɛ a, ʋ yel ʋ na: «Fʋ̃ʋ n'ɩ ŋan i, fʋ̃ʋ na n'ʋ so a Ɩsɩrayɛl nɩbɛ wʋ̀ʋr a?»

Sɛb-sõw yielu 35:11

Dãsɩ-ziri dem ìre na: bɛ sowre mɛ̃ nɩ yele ɩ̃ na bɛ bãw a.

Sɛb-sõw yielu 62:4

— Nyɩ za na lãw na dãwnɛ taa wɩɛr nɩr ƴãw, kɛ́ nyɩ tɩ ŋmɛ ʋ lɔb mɛ̃ dacin na cɩɩlɩ a, bɩɩ mɛ̃ dàbáw na lore a, ɛ́ gù debor?

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zeremi 38:4

A pùorí a, a tõ-tõ-bi-bɛrɛ tɩ yel'ɩ a nãà Sedesɩasɩ: «Bɛ kʋ a Zeremi! Bʋ̃ʋ n'ʋ vɛ̃, a ʋ ƴɛ̀rʋ pʋɔ a, ʋ ɩrɛ nɩ a zɛbr-nɩbɛ na cãà be a tẽ-kpɛ̃ɛ pʋɔ, nɩ a tẽw nɩbɛ za kanyir báarɛ. A bɛ ɩ a tẽw nɩbɛ vla n'a ʋ bɔbr ɛ, a bɛ faa n'a.»

Amɔsɩ 7:10

A Betɛl tẽw bàwr-maalɛ Amasɩa tɩ tõ na bɛ tɩ yel a Ɩsɩrayɛl nãà Zerobowam: «A Amɔsɩ bɔbr'a kɛ́ fʋ lo, ta cãà ɩ nãà a Ɩsɩrayɛl tẽw pʋɔ ɩ. A tẽw nɩbɛ kʋ̃ tʋ̃ɔ́ cãà bɛrɛ wone a ʋ ƴɛ̀rʋ ɛ.

Zakari 11:8

Cuw-been pʋɔ a, ɩ̃ diw nɩ cɩ̃ɩnbɛ ata bɛr. Al pùorí, ɩ̃ tɩ bàl'ɩ a ɩ̃ píir ƴãw, ɛ́ a ɩ̃ píir mɩ̀ bàl a ɩ̃ ƴãw.

Matie 17:27

Ɛcɛ ɩ̃ bɛ bɔbr kɛ́ tɩ sãw a nɩbɛ bɛ ŋa tɩɛrʋ ɛ, lɛ so, siw a manɩ́ tɩ ƴãw a zʋm-pĩi. A zʋm-dãw-niwn sob ʋl a zʋm-pĩi nãà wa nyɔw a, taw ʋ yi n, yuo a ʋ nʋɔr, fʋ na nyɛ̃ nɩ nɩbɛ ayi cɩɛrʋ libir, ír cen nɩ tɩ ya mãa nɩ a fʋ̃ʋ dem.»

Matie 22:21

Bɛ tɩ sɔw na: «Sezaar dem'a.» Lɛ n'a ʋ tɩ yel bɛ: «A na ɩ à ŋá a, nyɩ mɩ́ kʋ̀ a Sezaar a ʋ bome, ɛ́ mɩ̀ kʋ̀ a Naaŋmɩn a ʋ dem.»

Matie 27:11

A Yeezu tɩ àr'ɩ a Ʋrɔm tẽw na-kpɛ̃ɛ-lɩɛrɛ niŋé a ƴɛ̀rʋ-dɩb ƴãw, ʋ sowr'ʋ: «Fʋ̃ʋ n'ɩ a Zifʋ mɩnɛ nãà bɩɩ?» A Yeezu tɩ sɔw na: «Fʋ̃ʋ n'ʋ yere a lɛ!»

Markɩ 12:17

Lɛ n'a a Yeezu tɩ yel bɛ: «Nyɩ kʋ̀ a Sezaar a ʋ bome, ɛ́ kʋ̀ a Naaŋmɩn a ʋ dem.» A ʋ sɔwfʋ ŋa tɩ ɓãá bɛ nɩ nʋɔr.

Markɩ 15:2

A Pɩlatɩ tɩ sowr'ʋ na: «Fʋ̃ʋ n'ɩ a Zifʋ mɩnɛ nãà bɩɩ?» A Yeezu sɔw: «Fʋ̃ʋ n'ʋ yel.»

Luka 23:14

ɛ́ yel bɛ: «Nyɩ nyɔw nɩ a nɩr ŋa wa n a ɩ̃ zie, wa yel k'ʋʋ damnɛ nɩ a nɩbɛ. Mãa mɩŋa sowr'ʋ nɩ a nyɩ niŋé, ɛ́ bɛ nyɛ̃ sãwna kãw za a yele al pʋɔ nyɩ na mɩlɛ nɩ ʋ a ɩ.

Luka 23:5

Ɛ̀ bɛ lɛb tur yel ʋ: «Ʋ damnɛ nɩ a nɩbɛ a Zude tẽw za pʋɔ nɩ a ʋ kanʋ, ɛcɛ a Galile tẽw n'a ʋ tĩ wa ta n a ka.»

Zã 18:29

Alɛ so a Pɩlatɩ yi wa a yẽw wa sowri bɛ: «Bʋ̃ʋ sãwna n'a nyɩ yere a nɩr ŋa ƴãw?»

Zã 18:30

Bɛ tɩ sɔw ʋ na: «A nɩr ŋa bɛ tɩ maalɩ yel-faa a, tɩ kʋ̃ʋ tɩ nyɔw ʋ wa n a fʋ zie ɩ.»

Zã 19:12

A lɛ n'a a Pɩlatɩ tɩ bɔbr a Yeezu lɛb-bɛrʋ. Ɛcɛ a Zifʋ mɩnɛ tɩ ŋmɩɛr'ɩ cɛlsɩ yere nɩ: «Fʋ̃ʋ wa lɛb bɛr a nɩr ŋa a, fʋ bɛ ɩ a Sezaar bá ɩ! Nɩr za na bʋɔlɛ ʋ tʋɔra nãà a ɩ n a Sezaar dɔ̃ sob.»

Nɩ-toni 24:13

A nɩbɛ bɛ ŋa na manɛ a ɩ̃ sãwna kʋ̀rɛ fʋ a ƴɛrɛŋa a, bɛ kʋ̃ tʋ̃ɔ́ wul fʋ a sãá k'ɩ̃ɩ sãw na ɩ.

Nɩ-toni 24:5

Tɩ nyɛ̃ na kɛ́ a dɛb ŋa ɩ n zi-sãwnɛ mɩŋa: ʋ na ɩ a Nazarɛtɩ tẽw nɩbɛ lãw nɩ-kpɛ̃ɛ a, ʋ ƴãwnɛ nɩ damnʋ a Zifʋ mɩnɛ za sɔgɔ a tẽ-daa za zu.

Ʋrɔm 13:7

Nyɩ mɩ́ kʋ̀ ŋa za a ʋlɩ bom a na fɛr kɛ́ nyɩ kʋ̀ ʋ a: a zuru-yar, a sob nɛ na dier a zuru-yar a, a bome a mɩnɛ samɛ, a bɛlɩ dem na dier a samɛ á ŋá libie a, a zɔba, a sob nɛ a na fɛr kɛ́ nyɩ zɔrɛ a, a ƴãwfʋ, a sob nɛ a na fɛr kɛ́ nyɩ ƴãwnɛ a.