Luka 22:52 - A SƐB-SÕW

⁵² Lɛ n'a a Yeezu tɩ yel a bɛlɩ dem na tɩ wa a ʋ nyɔwfʋ a, a bàwr-maal-nɩ-bɛrɛ, a sojarɩ na gùre a Ŋmɩn-yir-kpɛ̃ɛ a nɩ-bɛrɛ, nɩ a nɩ-kore: «Nyɩ yi n a ɩ̃ ƴãw mɛ̃ nyãnyu-nɩ-kʋrɛ ƴãw a, nɩ zɛbr-sɔ-bɛrɛ nɩ dabɔlɛ.

Luka 22:52 ပူးပေါင်းရင်းမြစ်များ

2 Na-mɩnɛ 11:15

A Yehoyada na bɛ tɩ bɔbr kɛ́ bɛ kʋ ʋ a Sore Ŋmɩn-yir-kpɛ̃ɛ pʋɔ a, ʋ yel'ɩ a sojarɩ na gùre a zie a nɩ-bɛrɛ: «Nyɩ ɩ ʋ yi zaa a gbɛlɛ pʋɔ! Nɩr wa tuur ʋ a, nyɩ kʋ ʋ!»

Matie 26:47

A Yeezu tɩ cãà na ƴɛ̀rɛ, ɛ́ a Zuda na ɩ a Pie-nɩ-ayi ƴen sob a, wa ta ʋlɛ nɩ nɩ-yaga yaga na tɛr zɛbr-sɔ-bɛrɛ nɩ dabɔlɛ a. A bàwr-maal-nɩ-bɛrɛ nɩ a Zifʋ nɩbɛ nɩ-kore nɛbɛ tɩ tõ bɛ.

Matie 26:55

A ʋlɩ tɛm nɛ pʋɔ, a Yeezu tɩ yel'ɩ a nɩbɛ: «Nyɩ wa n nɩ zɛbr-sɔ-bɛrɛ nɩ dabɔlɛ kɛ́ nyɩ wa nyɔw nɩ mɛ̃, mɛ̃ nyãnyu-nɩ-kʋrɛ a, ɛ́ bibir za ɩ̃ mɩ́ tɩ be a Ŋmɩn-yir-kpɛ̃ɛ pʋɔ zɩ̃ kanɛ nɩ a nɩbɛ ɛ́ nyɩ bɛ nyɔw mɛ̃ ɩ.

Luka 22:37

Ɩ̃ sɩrɩ na yere kʋ̀rɛ nyɩ: a fɛr'a kɛ́ a sɛbrʋ ŋa tu a ɩ̃ ƴãw: “Bɛ sɔ́r ʋ na ƴãw nɩ-faar pʋɔ.” A yele na càarɩ mɛ̃ a, na sɩrɩ na tu.»

Luka 22:4

Ʋ tɩ cen na tɩ wõ taa nɩ a bàwr-maal-nɩ-bɛrɛ nɩ a Ŋmɩn-yir-kpɛ̃ɛ gùrbɛ nɩ-bɛrɛ, a lɛ ʋ na na ɩ mɩl a Yeezu nyɔw kʋ̀ bɛ a.

Luka 22:51

Ɛcɛ a Yeezu tɩ sɔw na yel: «Nyɩ bɛr a, a man na.» Ʋ tɩ tɔ n a nɩr nɛ tobr sanɩ ʋ.

Luka 22:53

Ɛcɛ bibir za, ɩ̃ mɩ́ tɩ be n a nyɩ zie, a Ŋmɩn-yir-kpɛ̃ɛ pʋɔ, ɛ́ nyɩ bɛ ír nũu tɔ n mɛ̃ ɩ. Ɛcɛ a ƴɛrɛŋa a, a nyɩ tɛm'ʋ ta, a lige kpɛnʋ n'a ta.»

Zã 17:12

Ɩ̃ na tɩ be a bɛ zie a, ɩ̃ tɩ gùre bɛ nɩ a fʋ yúor ƴãw, a fʋ yúor fʋ na kʋ̀ m a. Ɩ̃ gù bɛ nɩ vla, ɛ́ a bɛ been kãw za bɛ bɔr ɛ, a bɛ ɩ a ʋlɩ sob nɛ a na tɩ fɛr k'ʋʋ bɔr, a Sɛb-sõw ƴɛ̀r-bie tʋ̃ɔ́ tu a ɩ.

Nɩ-toni 5:26

Lɛ n'a a Ŋmɩn-yir-kpɛ̃ɛ sojarɩ nɩ-kpɛ̃ɛ tɩ tɛr a ʋ nɩbɛ cen nɩ kɛ́ bɛ tɩ tɛr a nɩ-toni wa n. Ɛcɛ bɛ bɛ tɩ ɩ n fãw ɛ, bɛ tɩ zɔrɛ nɩ dɛ̃bɩ̃ɛ a nɩbɛ nãà wa lɔbr'ɩ bɛ kʋsɛbɛ a ƴãw.