Luka 22:37 - A SƐB-SÕW

³⁷ Ɩ̃ sɩrɩ na yere kʋ̀rɛ nyɩ: a fɛr'a kɛ́ a sɛbrʋ ŋa tu a ɩ̃ ƴãw: “Bɛ sɔ́r ʋ na ƴãw nɩ-faar pʋɔ.” A yele na càarɩ mɛ̃ a, na sɩrɩ na tu.»

Luka 22:37 ပူးပေါင်းရင်းမြစ်များ

Ɩzayi 53:12

Alɛ n'a so ɩ̃ ƴãwnɛ ʋ a nɩbɛ na ɩ bɛrɛ zuo bɛ za a pʋɔ. Ʋlɛ nɩ a gãdaar nɛbɛ na lãw põ a zɛbr na-bome bɛ na fa a. Bʋ̃ʋ n'ʋ vɛ̃, ʋ nyɛ̃ nɩ ʋ tʋɔra sàw a kũu, ɛ́ bɛ sɔ́r ʋ ƴãw a nɩ-faar pʋɔ, ʋ tuo nɩ nɩ-yaga yaga faalʋ, ɛ́ ɩ a yel-bebe dem tãpɛlʋ sob.»

Markɩ 15:27

Bɛ mɩ̀ tɩ kpa n nyãnyu-nɩ-kʋrbɛ ayi da-garɩ zu lãwnɩ ʋ, kãw a ʋ dʋrʋ lowr, ɛ́ kãw a ʋ gʋba lowr. [

Markɩ 15:28

Lɛ n'a a Sɛb-sõw ƴɛ̀r-bir ŋa tɩ tu: «Bɛ sɔ́r ʋ na ƴãw nɩ-faar pʋɔ.»]

Luka 18:31

A Yeezu tɩ tɛr'ɩ a nɩ-toni pie nɩ ayi taw yi n bɛ tɛwr zie tɩ yel bɛ: «Nyɩ nyɛ̃, tɩ dúor'ɩ a Zerizalɛm. A lɛ za a naaŋmɩn-ƴɛ̀r-manbɛ na tɩ dãw sɛb yel a Nɩsaal Bie ƴãw a na tu na.

Luka 22:22

A Nɩsaal Bie ʋl kule na, mɛ̃ a lɛ a yele na cɔbrɩ bin a, ɛcɛ baw-bio sob'ɩ a nɩr ʋl na mɩlɛ ʋ a.»

Luka 22:36

A Yeezu yel bɛ: «Ƴɛrɛŋa ʋl a, ʋlɩ sob na tɛr wɛr-wʋɔ a, ʋ de, ʋlɩ sob mɩ̀ na tɛr cɛkɔlɔ a, lɛ mɩ̀ n'a. Ʋlɩ sob na bɛ tɛr zɛbr-sɔ-kpɛ̃ɛ a, ʋ kʋɔrɩ a ʋ kpar-kpɛ̃ɛ dà n.

Luka 22:52

Lɛ n'a a Yeezu tɩ yel a bɛlɩ dem na tɩ wa a ʋ nyɔwfʋ a, a bàwr-maal-nɩ-bɛrɛ, a sojarɩ na gùre a Ŋmɩn-yir-kpɛ̃ɛ a nɩ-bɛrɛ, nɩ a nɩ-kore: «Nyɩ yi n a ɩ̃ ƴãw mɛ̃ nyãnyu-nɩ-kʋrɛ ƴãw a, nɩ zɛbr-sɔ-bɛrɛ nɩ dabɔlɛ.

Luka 23:32

Bɛ mɩ̀ tɩ tɛr'ɩ yel-fa-maalbɛ ayi kãw lãwnɩ a Yeezu cere nɩ a kʋb.

Luka 24:27

Ʋ tɩ tĩ nɩ a Moyiir sɛbr pʋɔ nɩ a naaŋmɩn-ƴɛ̀r-manbɛ za sɛbr pʋɔ, ɛ́ manɩ a yele za na càarɩ ʋ a Sɛb-Son pʋɔ a kʋ̀ bɛ.

Zã 10:35

A na ɩ à ŋá a, a bɛlɩ dem na bɛrɛ wone a Naaŋmɩn ƴɛ̀rʋ a, a Naaŋmɩn wulu mɩ́ tʋ̃ɔ́ na bʋɔlɛ bɛ ŋmɩmɛ. Ɛcɛ nɩr kʋ̃ tʋ̃ɔ́ lɩɛbɩ a Sɛb-sõw ƴɛ̀rʋ bɛr ɛ.

Zã 17:4

Ɩ̃ ɩ n a fʋ yúor nyɛ̃ vɩɛlʋ-danʋ a tẽ-daa zu. A ton fʋ na kʋ̀ m a, ɩ̃ tõ na baarɩ.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»