Luka 21:37 - A SƐB-SÕW

³⁷ A mʋ̃tɔ̃w, a Yeezu mɩ́ tɩ be n a Ŋmɩn-yir-kpɛ̃ɛ pʋɔ kanɛ nɩ a nɩbɛ, ɛ́ a zie wa sɔb a, ʋ̃ʋ cen a tãw ʋl zu bɛ na bʋɔlɛ kɛ́ Olivʋ tɩɩr tãw a, tɩ gã.

Luka 21:37 ပူးပေါင်းရင်းမြစ်များ

Zakari 14:4

A lɛn daar a, ʋ na àr'ɩ a Olivʋ tɩɩr tãw zu na pɩɛlɩ a Zerizalɛm, a tẽw saa-pɛrɩ́ a. A Olivʋ tɩɩr tãw na ɓar'ɩ ziir ayi, ɛ́ fʋɔl-kpɛ̃ɛ sãá, yi a saa-pɛrɩ́ ɛ́ cen tɩ ta a mʋ̃tɔ̃w-kpɛb-lowr. A tãw lõbowr kãw na taw na cen a saa-pɛrɩ́-gʋba-lowr, ɛ́ a lõbowr kãw taw cen a saa-pɛrɩ́-dʋrʋ-lowr.

Matie 21:1

Bɛ na tɩ pɩɛlɛ a Zerizalɛm a, ɛ tarɛ a Bɛtɩfaze tẽw, a Olivʋ tɩɩr tãw zu a, a Yeezu tõ n a ʋ po-tuurbɛ ayi,

Matie 21:17

Ʋ tɩ bɛr bɛ nɩ a be, ɛ́ yi a tẽw pʋɔ cen Betani tɩ gã.

Matie 26:30

Bɛ na wa yieli a Sɛb-sõw yielu baar'a, bɛ yi na cere a Olivʋ tɩɩr tãw zu.

Matie 26:55

A ʋlɩ tɛm nɛ pʋɔ, a Yeezu tɩ yel'ɩ a nɩbɛ: «Nyɩ wa n nɩ zɛbr-sɔ-bɛrɛ nɩ dabɔlɛ kɛ́ nyɩ wa nyɔw nɩ mɛ̃, mɛ̃ nyãnyu-nɩ-kʋrɛ a, ɛ́ bibir za ɩ̃ mɩ́ tɩ be a Ŋmɩn-yir-kpɛ̃ɛ pʋɔ zɩ̃ kanɛ nɩ a nɩbɛ ɛ́ nyɩ bɛ nyɔw mɛ̃ ɩ.

Markɩ 11:12

A bio daarɩ́, bɛ na tɩ yire a Betani tẽw pʋɔ a, kɔ̃ tɩ nyɔw nɩ a Yeezu.

Markɩ 11:19

A zaanʋɔra na wa ta a, a Yeezu nɩ a ʋ po-tuurbɛ tɩ yi na zaa a tẽw pʋɔ.

Markɩ 14:49

Bibie za, ɩ̃ mɩ́ tɩ be n a nyɩ zie, a Ŋmɩn-yir-kpɛ̃ɛ pʋɔ, kanɛ nɩ a nɩbɛ, ɛ́ nyɩ bɛ nyɔw mɛ̃ ɩ. Ɛcɛ a ɩ n à à ŋá, kɛ́ a Sɛb-sõw ƴɛ̀r-bie tʋ̃ɔ́ tu.»

Luka 19:29

Ʋ na tɩ tarɛ a Bɛtɩfaze nɩ a Betani a, pɩɛlɩ a tãw ʋl bɛ na bʋɔlɛ a Olivʋ tɩɩr tãw a, ʋ tõ n a ʋ po-tuurbɛ ayi

Luka 19:37

A Yeezu tɩ cɛ nɩ blã na siw a Olivʋ tɩɩr tãw, ɛ́ bɛ wa bere a ʋ po-tuurbɛ za nɩ bɛ pɛr, cɩlɛ cɛ n a Naaŋmɩn danʋ, a nɔ-ɓãa-yele ʋ na tɩ maalɩ bɛ nyɛ̃ a ƴãw.

Luka 19:47

Bibir za, a Yeezu mɩ́ tɩ be n a Ŋmɩn-yir-kpɛ̃ɛ pʋɔ kanɛ nɩ a nɩbɛ. A bàwr-maal-nɩ-bɛrɛ, nɩ a Naaŋmɩn wulu sɛ-sɛbrbɛ, nɩ a Zifʋ nɩbɛ nɩ-kore, tɩ bɔbr'ɩ a ʋ kʋb.

Luka 22:39

A Yeezu tɩ yi na cen a Olivʋ tɩɩr tãw zu mɛ̃ a kʋralɛ a. A ʋ po-tuurbɛ tɩ páw ʋ na.

Zã 12:1

A Tɔl-gãw cuw na tɩ cɛ bibie ayʋɔb a, a Yeezu tɩ ta n a Betani. Be n'a a Lazaar, ʋ na tɩ ɩ ʋ lɛb ìr a kũuni pʋɔ a, tɩ kpɩɛr.

Zã 18:2

A ʋ mɩlɛ Zuda mɩ̀ tɩ bãw nɩ a ʋlɩ zie nɛ: a Yeezu na mɩ́ tɩ cere a be kʋralɛ nɩ a ʋ po-tuurbɛ a ƴãw.

Nɩ-toni 1:12

Lɛ n'a a nɩ-toni tɩ yi a tãw ʋl zu bɛ na bʋɔlɛ Olivʋ tɩɩr tãw a, lɛb cen a Zerizalɛm. A tãw ŋa tɩ pɩɛl'ɩ a Zerizalɛm yɩ̃ɛlɛ, man a lɛ a na sɛw kɛ́ bɛ mɩ́ cen zãá a Zifʋ mɩnɛ pɩ̃ɛnʋ-bibir a.