A nɩsaal bɛ mɩ́ bãw debor'a a kpɩɛrʋ na ta ɩ. Mɛ̃ a lɛ a zʋ́mɛ́ na mɩ́ lo a mɩ̃ɛ pʋɔ, a ɩ a zu-faa a, mɛ̃ a lɛ a bɛra na mɩ́ nyɔw a lili a, lɛ mɩ̀ n'a a nɩsaal mɩ́ nyɛ̃ a kpɩɛrʋ a ùr lo a ʋ zu.
A po-tuurbɛ tɩ de nɩ a ƴɛ̀rʋ sowr'ʋ: «Nyɩnɛ n'a à á ŋá za na ɩ, Sore e?» Ʋ tɩ sɔw bɛ na: «A be a bʋ̃-kũu na na be a, be n'a a sidume mɩ̀ na gbone taa.»
«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.
«Nyɛ̃, ɩ̃ waar'a mɛ̃ nyãnyuge a! Zu-nʋ̃ɔ̀ sob'ɩ sob nɛ na bɛr gʋ̃ɔ ɛ́ tɛr a ʋ bʋ̃-suuri, k'ʋʋ taa wa cere nɩ ƴã-gã-zawla bɛ nyɛ̃ a ʋ faalʋ a ɩrɛ ʋ vĩ a ɩ.»
