Luka 21:34 - A SƐB-SÕW

³⁴ «Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Luka 21:34 ပူးပေါင်းရင်းမြစ်များ

Yele-za-pɛr-tib 19:32

Wa tɩ ƴãw a tɩ sãà ʋ nyũ divɛ̃ kuoli, ɛ́ tɩ gã nɩ ʋ tʋ̃ɔ́ ɩ ʋ tɛr bʋʋrɛ.»

Yele-za-pɛr-tib 19:35

Bɛ tɩ lɛb'a ɩ a bɛ sãà nyũ a divɛ̃ kuoli a ʋlɩ tɩ̃ɩsɔw nɛ. A pɔwya-bile tɩ cen na tɩ gã nɩ ʋ. A sãà bɛ tɩ bãwnɩ a ʋ pɔwyaa gaa nɩ a ʋ ìru ɛ.

Yele-za-pɛr-tib 27:14

A Zakɔb tɩ cen na tɩ nyɔw a bʋli wa n wa kʋ̀ a ʋ mã. Ʋ tɩ de a na maal'ɩ a bʋ̃-dɩ-nʋʋr al kãw a Ɩzaakɩ na nɔnɛ a.

Sɛb-sõw yielu 35:8

Kpɩɛrʋ bɛ na bɛ bãwnɩ a, a páw bɛ, a bɛl mɩŋa bɛra, ʋ lɛb ŋmɛlɩ nyɔw bɛ, bɛ lo a bɔw bɛ na tuw a pʋɔ!

Zʋkpaɩ 21:4

A jɩɛlʋ, a pɔ̀l-ɩb, alɛ n'a wule a nɩ-faar yel-bier.

Zʋkpaɩ 23:20

Ta tuur a dã-nyúurbɛ nɩ a nɛn-'wɔbrbɛ ɩ.

Ekilezɩasɩ 9:12

A nɩsaal bɛ mɩ́ bãw debor'a a kpɩɛrʋ na ta ɩ. Mɛ̃ a lɛ a zʋ́mɛ́ na mɩ́ lo a mɩ̃ɛ pʋɔ, a ɩ a zu-faa a, mɛ̃ a lɛ a bɛra na mɩ́ nyɔw a lili a, lɛ mɩ̀ n'a a nɩsaal mɩ́ nyɛ̃ a kpɩɛrʋ a ùr lo a ʋ zu.

Ɩzayi 28:7

A bàwr-maalbɛ nɩ a naaŋmɩn-ƴɛ̀r-manbɛ mɩ̀ a, a divɛ̃ ɩ na bɛ bɛ cãà bãw yã ɩ, a dã-kpɛn ɩ na bɛ dẽdere. A dã-kpɛn ɩ na bɛ bɛ cãà bãw yã ɩ, a divɛ̃ ɩ na bɛ bɛ cãà bãw bɛ tʋɔra zie ɩ. A dã-kpɛn ɩ na bɛ dẽdere, ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ. A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.

A naaŋmɩn-ƴèr-manɛ Oze sɛbɛ 4:11

A divɛ̃ tɩɩr wɔmɛ na na maalɩ vla a tɩɛrʋ ɩ na a ɩ̃ nɩ-bʋʋrɛ bɛ bãw yã ɩ.

Levitɩ mɩnɛ 10:9

«Fʋ̃ʋ nɩ a fʋ bidɛbr a, nyɩ taa nyúur divɛ̃ nɩ dã-kpɛ̃w kãw, nyɩmɛ wa waar na kpɛ a tuor-taa pɛn-sɛw pʋɔ a ɩ, lɛ n'a nyɩ kʋ̃ kpi ɛ. Nʋɔr'ʋ ƴãw gã kʋralɛ, nyɩɩm nɩ a nyɩ bʋʋrɛ ƴãw.

Matie 13:22

A gʋʋr pʋɔ a bʋ̃-bie na lo a, ɩ n a bɛlɩ dem na mɩ́ wõ a Naaŋmɩn ƴɛ̀rʋ, ɛ́ a tẽw zu ka yele tɩɛrʋ nɩ a naalʋ bɛlʋ fɩɩrɩ a ƴɛ̀rʋ kʋ, ʋ bɛ wɔ̃ bom za a.

Markɩ 13:9

A nyɩɩm a, nyɩ gù nyɩ tʋɔra vla. Bɛ na nyɔw nyɩ na cen nɩ a ƴɛ̀rʋ-dɩb-lãw nɩbɛ niŋé nɩ a bɛ puoru-dirú, bɛ na ŋmɛ nyɩ nɩ faa faa, bɛ na tɛr nyɩ na cen nɩ na-kpɛ̃ɛ-lɩɛrbɛ nɩ na-mɩnɛ niŋé, a ɩ a mãa ƴãw, kɛ́ nyɩ tɩ dɩ a ɩ̃ dãsɩɛ a bɛ zie.

Markɩ 4:19

ɛcɛ a tẽw zu yele, a naalʋ bɛlʋ nɩ a bʋ̃-bɔbrɩ mɩ́ kpɛ n a bɛ socie pʋɔ fɩɩrɩ a Naaŋmɩn ƴɛ̀rʋ kʋ, ʋ bɛ tʋ̃ɔ́ wɔ̃ ɩ.

Luka 10:41

A Sore tɩ sɔw ʋ na yel: «Marta a, Marta a, fʋ bàlɛ nɩ fʋ tʋɔra yel-yaga ƴãw,

Luka 12:40

A nyɩɩm mɩ̀ a, nyɩ cɔbrɩ gùre: a Nɩsaal Bie na na wa a ʋlɩ tɛm nɛ nyɩ na bɛ tɩɛrɛ a ƴãw.»

Luka 17:3

Nyɩ gù nyɩ tʋɔra vla.» «A fʋ yɛb wa ɩ sãw fʋ a, wul ʋ. Ɛ́ ʋlɛ wa sàw a ʋ sãwna a, dɩ suur kʋ̀ ʋ.

Luka 21:35

Ʋ na sɩrɩ na lo pàw a tẽ-daa nɩbɛ za mɛ̃ mɩ̃ɛ a.

Luka 21:8

A Yeezu tɩ sɔw na: «Nyɩ gù vla bɛ taa wa tule nyɩ ɛ. Nɩ-yaga na wa na yel kɛ́ a mãa yúor ƴãw n'a, wa yere: “Mãa n'ɩ a Kɩrɩta”, nɩ kɛ́: “A daar ta na.” Nyɩ taa tuur bɛ ɩ.

Luka 8:14

A bʋ̃-bie al na lo a gʋʋr pʋɔ a, n'ɩ a bɛlɩ dem na mɩ́ wõ a Naaŋmɩn ƴɛ̀rʋ ɛ́ bɛr a yel-bɔbrɩ, a naalʋ nɩ a tẽw zu nʋ̃ɔ̀ fɩɩrɩ bɛ kʋ a bɛ cenu pʋɔ, ɛ̀ bɛ bɛ tʋ̃ɔ́ wɔ̃ wɔmɛ a.

1 Korɛ̃tɩ 5:11

Ɩ̃ sɛb nyɩ na kɛ́ nyɩ ta pɩɛlɛ nɩr na dɩ kɛ́ kɩrɩta-nɩr a, ʋlɛ wa ɩ pɩ̃ɔ-yel-maalɛ, nɩr na mɩ́ nyɛ̃ a ʋ tɔ bom a mimir zaalɛ a, bɩɩ ʋlɛ wa maalɛ tɩbɛ bɩɩ ɩ gɛgɛra, dã-kuole nɩ nyãnyuge a. Nyɩ mɩ̀ ta mɩ́ lãw nɩ a nɩr ŋa tɔ dɩ bom ɛ.

1 Korɛ̃tɩ 6:10

a nyãnyuwr, a bɛl na mɩ́ nyɛ̃ a bɛ tɔ bom a mimir zaalɛ a, a dã-kuolbɛ, a gɛgɛrɩ, lãwnɩ a bɛl na farɛ a bɛ taabɛ bome a, bɛ kʋ̃ kpɛ a Naaŋmɩn Naalʋ pʋɔ ɩ.

Galasi 5:20

tɩbɛ maalʋ, sʋɔlʋ, dɔ̃, zɛb-taa, nyuur, suur, cier-taa, bɛ-wõ-taa, bʋ́r-taa,

Wulu-ayi-sob 29:19

a Sore kʋ̃ sàw dɩ suur kʋ̀ ʋ ɛ. A ʋ suur nɩ a ʋ nyuur na ír'ɩ a nɩr ŋa ƴãw. Ʋ na ɩ na a ŋmɛ-ƴãw na be a sɛbɛ ŋa pʋɔ a páw ʋ. Ʋ na ɩ na a ʋ yúor bɛ cãà pore a tẽw zu ɛ.

Filib 4:6

Nyɩ ɓãá ƴãw bɛr tɩɛrʋ, ɛ́ a yele za pʋɔ a, nyɩ mɩ́ puore zɛlɛ nɩ a Naaŋmɩn yãayãa ɛ́ lãwnɩ barka puoru, ʋ tʋ̃ɔ́ mɩ́ bãw a nyɩ bʋ̃-bɔbra.

Ebre 12:15

Nyɩ gù vla nɩr za taa gùre pùor cɔwr a Naaŋmɩn maalʋ ɛ, nɩr za taa wa ɩ mɛ̃ tɩ-nyɩwr-tuo na bule sãwnɛ nɩ-yaga bɛrɛ a ɩ.

2 Pɩɛr 3:10

A Sore waa bibir na vɩɛ na mɛ̃ nyãnyuge a. A ʋlɩ bibir nɛ a, a salom na dam'a ɩ gɔmɛ tɛwr ɛ́ bɔr. A salom zu bʋ̃-íri na nyɔw nɩ vũu dɩ nyɩl, a tẽw nɩ a bome al za na be a ʋ zu a kʋ̃ cãà ɩ.

2 Pɩɛr 3:14

Alɛ so, ɩ̃ bá mɩnɛ ɛ, nyɩ ƴãw fãw vɩɛl ɛ́ ta tɛr dɛwr a Naaŋmɩn zie ɩ, gùre nɩ a bibir ŋa, ɛ́ ƴã-ɓaarʋ be nyɩɩm nɩ a Naaŋmɩn cara pʋɔ.

Yel-wula 3:3

A na ɩ lɛ a, lɛb tɩɛrɩ a lɛ fʋ na de a wulu ɛ́ wõ ʋ a. Tuur a wulu ŋa ɛ́ lɩɛbɩ a fʋ ɩb. Fʋ̃ʋ bɛ wa cɛlɛ be a, ɩ̃ na wa na wa ur fʋ mɛ̃ nyãnyuge a, ɛ́ fʋ kʋ̃ bãw a tɛm ɛ.

1 Samɩɛl 25:36

A Avigayil na tɩ lɛb ta a yir a, ʋ tɩ nyɛ̃ nɩ a Naval ʋ maalɛ cuw, a dɩb tɩ sɩrɩ na ɩ nãà cuw dɩb. Nʋ̃ɔ̀ tɩ ɩrɛ nɩ a Naval yaga, ʋʋ nyũ a dãa tɩ kuoli, lɛ so a Avigayil bɛ tɩ ƴɛ̀r ƴɛ̀rʋ za a ʋ zie ɩ, ɛ́ a zie tɩ vɩɛ.