Luka 20:13 - A SƐB-SÕW

¹³ A lɛ n'a a púo sob tɩ yel ʋ tʋɔra: “Ɩ̃ pãa lɛb ɩ ŋmɩn? Ɩ̃ na tõ n a ɩ̃ bi-nɔna za, a mɩnɛ kãw, bɛ na tɩ tɛr'ɩ ƴãwfʋ a ʋ zie!”

Luka 20:13 ပူးပေါင်းရင်းမြစ်များ

Ɩzayi 5:4

Bʋ̃ʋ n'ʋ ɩ̃ nãá tʋ̃ɔ́ lɛb ɩ a ɩ̃ divɛ̃ tɩɩr púo ƴãw ɛ́ bɛ ɩ? Ɩ̃ tɩ gùre nɩ wɔ̃-vɩɛlɩ a ʋ zie, bʋ̃ʋ n'ʋ so ʋ wa wɔ̃ wɔ̃-faar?

Zeremi 36:3

Kapaw a Zuda tẽw nɩbɛ nãà wa bãwnɩ a na ɩ̃ na bɔbr k'ɩ̃ɩ ɩ a faa páw bɛ a, ɛ́ ŋa za na bɛr'ɩ a ʋ ɩb na bɛ vɩɛl a. A lɛ pʋɔ a, ɩ̃ na dɩ n a bɛ sãwna nɩ a bɛ yel-bebe suur kʋ̀ bɛ.»

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Ezekɩɛl 12:3

A na ɩ lɛ a, fʋ̃ʋ nɩsaal bie e, cɔbrɩ nɩ-diw-cena kɔr, ɛ́ yi cere diw-cenu zie a bɛ mimirí. Yi a zie nɛ fʋ na kpɩɛr a tu zi-yũo a bɛ mimirí. Kapaw, bɛ na sàw na kɛ́ bɛ ɩ n nɩ-bʋʋr-gaarɩ.

A naaŋmɩn-ƴèr-manɛ Oze sɛbɛ 11:8

«Ɛcɛ Efarayim i, ŋmɩŋmɩn za n'a ɩ̃ na sàw zawrɩ fʋ bɛr? Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr? Ŋmɩŋmɩn za n'a ɩ̃ na sàw ɩ fʋ, mɛ̃ ɩ̃ na ɩ a Adima tẽw a? Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a? A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.

A naaŋmɩn-ƴèr-manɛ Oze sɛbɛ 6:4

Ɛcɛ a Sore sɔwr nyɩ na: «Ɩ̃ ɩ fʋ ŋmɩn, Efarayim i? Ɩ̃ ɩ fʋ ŋmɩn, Zuda a? A nɔ̃wfʋ nyɩ na tɛr a ɩ̃ ƴãw a ɩ na mɛ̃ biɓaara ulu a, mɛ̃ biɓaara ɓɩɛlʋ na mɩ́ zor fɔ̃wlɛ a.

Matie 17:5

Ʋ na tɩ cãà ƴɛ̀rɛ a, zũzuwr na nyɩwrɛ a, tɩ pili na pàw bɛ, ɛ́ kɔkɔr tɩ ƴɛ̀rɛ a zũzuwr pʋɔ yere: «A ɩ̃ Bi-nɔna n'ɩ à ŋà, ɩ̃ na pɛlɩ pʋɔ kaa ír a, nyɩ bɛrɛ wone a ʋ ƴɛ̀rʋ.»

Matie 3:17

ɛ́ kɔkɔr kãw tɩ yi a salom zu yere: «A sob ŋa n'ɩ a ɩ̃ Bi-nɔna za, a ɩ̃ pʋɔ za pɛlɩ nɩ a ʋ ƴãw.»

Luka 18:2

Ʋ tɩ yel bɛ na: «Ƴɛ̀r-maalɛ kãw tɩ be n tẽw kãw pʋɔ. Ʋ bɛ tɩ zɔrɛ Naaŋmɩn ɛ, ʋʋ tobr bɛ tɩ ka nɩr za ƴãw ɛ.

Luka 18:4

A ƴɛ̀r-maalɛ tɩ zawr'a, a tɩ cɛlɩ. Al pùorí, ʋ wa yel ʋ tʋɔra: “Mãa saa bɛ zɔrɛ Naaŋmɩn, ɩ̃ɩ tobr bɛ ka nɩr za ƴãw a,

Luka 20:12

A púo sob tɩ lɛb'a tõ a ata sob, ʋ cen bɛ tɩ nyɔw ʋ pɔb ƴãw bàalʋ ɛ́ diw ʋ bɛr.

Luka 20:14

Ɛcɛ a po-kaarbɛ na tɩ nyɛ̃ a bie ʋ waar a, bɛ tɩ yel'a kʋ̀ taa: “Nyɛ̃ a gbã-dɩrɛ! Nyɩ wa tɩ kʋ ʋ ɛ́ so a gbã-dɩ-bome!”

Luka 9:35

Kɔkɔr tɩ yire nɩ a zũzuwr pʋɔ yere: «A ɩ̃ bie n'ɩ à ŋà, a ɩ̃ nɩ-kaa-íra, nyɩ bɛrɛ wone a ʋ ƴɛ̀rʋ.»

Zã 1:34

Mãa a, ɩ̃ nyɛ̃ na ɛ́ dɩrɛ a dãsɩɛ ŋa, kɛ́ ʋlɛ n'ɩ a Naaŋmɩn Bie.»

Ʋrɔm 8:3

A ʋlɩ bom nɛ, a Moyiir wulu na tɩ bɛ tʋɔr ɩrɛ a, a nɩsaal bãbàalʋ na tɩ ɩ ʋ bɛ tɛr fãw a ƴãw a, Naaŋmɩn ʋl ɩ ʋ na: a yel-bier-ír-bɛrʋ ƴãw a, ʋ dɔwr'ɩ a ʋ Bie a nɩsaal yel-bier ƴãw, ʋ na tõ a ʋl mɩŋa Bie ʋ wa ɩ nɩsaal, ŋmɛ̃ taa nɩ a nɩsaal na ɩ yel-bier sob a.

Galasi 4:4

Ɛcɛ a daar ʋl a Naaŋmɩn na ƴãw a na wa ta a, ʋ tõ n a ʋ Bie, pɔw dɔw ʋ, ɛ́ a Naaŋmɩn wulu sàwfʋ fɛrɛ ʋ,