Luka 20:10 - A SƐB-SÕW

¹⁰ A wɔmɛ deb daar na wa ta a, ʋ tõ n a ʋ tõ-tõ-bie kãw k'ʋʋ cen a po-kaarbɛ tɩ põ a tɩɩr wɔmɛ ír a ʋ dem tɩr. Ɛcɛ a po-kaarbɛ tɩ nyɔw nɩ a tõ-tõ-bie pɔb ɛ́ bɛr ʋ, ʋ lɛb kul nũ-zawl.

Luka 20:10 ပူးပေါင်းရင်းမြစ်များ

1 Na-mɩnɛ 22:24

Lɛ n'a Kenaana bidɛb, Sidikiyahu, tɩ taw ta ɓa a Mise a kɔrɩ́, ɛ́ yel: «Nyɩn lowr'a a Sore Vʋʋrʋ tu a ɩ̃ zie yi wa ƴɛ̀rɛ a fʋ zie?»

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

1 Bibie za yel-manɩ 19:4

Lɛ n'a a Hanun tɩ ƴãw bɛ nyɔw a Daviir tõ-tõ-biir, põ bɛ a tɩ̃ɛmɛ, ŋma bɛ a bʋ̃-suuri a ƴaw do ƴãw a bɛ pebinyɛɛ ƴãw, ɛ́ bɛ bɛr bɛ bɛ kule.

2 Bibie za yel-manɩ 16:10

A Asa tɩ nyɛ̃ nɩ nɩ a naaŋmɩn-ƴɛ̀r-manɛ suur, ƴãw bɛ nyɔw ʋ lɔb ƴãw gaso pʋɔ, a ʋ ƴɛ̀r-bie na tɩ ɩ a ʋ suur ìr a ƴãw. A lɛn daar mɩ̀ a, a Asa tɩ tĩ na dɔwrɛ a ʋ nɩ-bʋʋrɛ nɩbɛ bɛ mɩnɛ.

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Neemi 9:30

Fʋ nyɔw nɩ fʋ tʋɔra a bɛ ƴãw, yome yaga ƴãw. A fʋ ƴɛ̀r-manbɛ na tɩ tɛr a fʋ vʋʋrʋ a, tɩ zɛlɛ bɛ nɩ a fʋ yúor ƴãw, ɛcɛ bɛ bɛ bɛr wõ ɩ. Lɛ n'a fʋ tɩ bɛr bɛ kʋ̀ nɩ-bʋʋr-yoru bɛ so bɛ.

Sɛb-sõw yielu 1:3

Ʋ ɩ na mɛ̃ tɩɛ na sɛl bàa nʋɔr a: ʋ mɩ́ wɔ̃ n a ʋ daar, ɛ́ a ʋ váar bɛ suore ɩ. A ʋ tome za mɩ́ tu ʋ na.

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Zeremi 20:2

Lɛ n'a ʋ tɩ ɓa a naaŋmɩn-ƴɛ̀r-manɛ, a Zeremi, ɛ́ ƴãw bɛ 'lẽ ʋ ƴãw dàa ƴãw, a Bɛ̃zamɛ dɩ̃dɔ-kpɛ̃ɛ ƴãw, a be bɛ na mɩ́ tuur kpɩɛr a Ŋmɩn-yir-kpɛ̃ɛ pʋɔ a.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 5:24

Nyɩ bɛ mɩ́ yel: “Nyɩ ɩ tɩ tɛr ƴãwfʋ a Sore tɩ Naaŋmɩn zie ɩ. Ʋ mɩ́ kʋ̀ tɩ nɩ a saa a ʋ daar, a kpãcãan nɩ a sɩ̃ɛ-kpɛ-paala, ɛ́ yũon za, ʋ mɩ́ bãwnɩ nɩ a tɩ bʋ̃-dieri-deb dàrʋ.”

Luka 13:34

Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr'ɩ kʋsɛbɛ kʋrɛ a bɛlɩ dem a Naaŋmɩn na tone a fʋ zie a! Gb'aa a ŋmɩn za n'a ɩ̃ tɩ bɔbr k'ɩ̃ɩ ɓã a fʋ biir taa, mɛ̃ nɔ-mã na mɩ́ kʋɔlɩ a ʋ lili-pɩɩlɛ ɓã taa a ʋ bɩgɛ pile a, ɛ́ nyɩ bɛ sàw!

Luka 20:11

A púo sob tɩ lɛb'a tõ tõ-tõ-bie ƴen sob, bɛ mɩ̀ lɛb tɩ nyɔw pɔb, ɛ́ tʋ tʋ bɛr ʋ kul nũ-zawl.

Luka 20:9

Al pùorí, a Yeezu tɩ lɔb'ɩ zʋkpar ŋa kʋ̀ a zu-sɛbla: «Nɩr kãw tɩ ƴãw nɩ púo sɛl divɛ̃ tɩɩr. Ʋ tɩ de ʋ na kʋ̀ nɩbɛ kɛ́ bɛ kaarɛ, ɛ́ bɛ wa lãw a wɔmɛ, ʋʋ yi yɔb na tɩ kɔwrɩ.

Zã 15:16

Nyɩmɛ bɛ nɛbɛ kaa ír mɛ̃ ɩ, mãa n'ʋ kaa ír nyɩ, ɛ́ ƴãw kɛ́ nyɩ cen tɩ wɔ̃ wɔmɛ, ɛ́ a nyɩ wɔmɛ be kʋralɛ. Lɛ n'a a ɩ̃ Sãà na kʋ̀ nyɩ bom nɛ za nyɩ nãá zɛlɛ a ʋ zie a ɩ̃ yúor ƴãw a.

Ʋrɔm 7:4

Ɩ̃ yɛbr i, lɛ n'a a mɩ̀ ŋmɛ̃ a nyɩ zie. A Naaŋmɩn wulu niŋé a, nyɩ ɩ na mɛ̃ nɩ-kũuni a, nyɩ na lãw nɩ a Kɩrɩta a ʋ ƴã-gan pʋɔ a. A na ɩ à ŋá a, nɩ-yũo so nyɩ a ƴɛrɛŋa, a sob nɛ na lɛb yi a kũuni pʋɔ kɛ́ tɩ tʋ̃ɔ́ ɩrɛ ɩ-vɩɛlɩ na nʋmɛ a Naaŋmɩn zie a.