Luka 2:47 - A SƐB-SÕW

⁴⁷ A bɛlɩ dem za na tɩ wone a ʋ ƴɛ̀rʋ a, mɩ́ tɩ nyɔw nɩ nʋɔr, a yã ʋ na tɩ bãw a ƴãw, nɩ a sɔwfʋ ʋ na mɩ́ tɩ sɔw a ƴãw.

Luka 2:47 ပူးပေါင်းရင်းမြစ်များ

Sɛb-sõw yielu 119:99

Ɩ̃ bãw a na zuo a ɩ̃ wul-wulbɛ za, ɩ̃ na mɩ́ tɛr a lɛ fʋ na yel a tɩɛrɛ a ƴãw.

Matie 13:54

ɛ́ cen a tẽw ʋl pʋɔ ʋ na tɩ bàa a, tɩ kanɛ nɩ a nɩbɛ a bɛ puoru-dĩo pʋɔ, kanɩ kanʋ a ɓãá bɛ nʋɔr, bɛ yere: «Nyɩnɛ n'a ʋ páw a yã-bãwfʋ ŋa? Ŋmɩŋmɩn n'a ʋ mɩ́ tʋ̃ɔ́ maalɩ a nɔ-ɓãa-yele á ŋá?

Matie 22:33

A zu-sɛbla na tɩ wõ a ʋ wulu ŋa a, nʋɔr tɩ ɓãá bɛ na.

Matie 7:28

A Yeezu na tɩ ƴɛ̀r a ƴɛ̀rʋ á ŋá za baarɩ a, nʋɔr tɩ ɓãá nɩ a zu-sɛbla a ʋ wulu ƴãw.

Markɩ 1:22

A ʋ kanʋ tɩ ɓãá bɛ nɩ nʋɔr, bʋ̃ʋ n'ʋ vɛ̃, nɩr na tɛr fãw a kanʋ tɩ n'a, ʋ bɛ tɩ kanɛ nɩ bɛ mɛ̃ a Naaŋmɩn wulu sɛ-sɛbrbɛ a ɩ.

Markɩ 11:18

A bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ tɩ wõ n à à ŋá, ɛ́ bɔbr a lɛ bɛ na na ɩ kʋ ʋ a. Ɛcɛ bɛ tɩ zɔrɛ ʋ na, a ʋ kanʋ na mɩ́ tɩ dam a zu-sɛbla a ƴãw.

Markɩ 6:2

A pɩ̃ɛnʋ-bibir na wa vɩɛ a, ʋ tɩ kanɛ nɩ nɩ a nɩbɛ a puoru-dĩó. A nɩ-yaga na tɩ bɛrɛ wone a ʋ ƴɛ̀rʋ a, tɩ nyɔw nɩ nʋɔr yere nɩ: «Nyɩnɛ n'a ʋ páw à á ŋá? Ɛ́ bʋ̃ʋ yã-bãwfʋ n'ɩ à á ŋá bɛ na kʋ̀ ʋ a, nɩ a nɔ-ɓãa-yele á ŋá ʋ na maalɛ a?

Luka 2:18

A bɛlɩ dem za na tɩ wone a dʋ̃-cɩ̃ɩnbɛ manʋ a, bɛ mɩ́ tɩ nyɔw nɩ nʋɔr.

Luka 2:46

Bibie ata pùorí n'a bɛ tɩ nyɛ̃ ʋ a Ŋmɩn-yir-kpɛ̃ɛ pʋɔ, ʋ zɩ̃ a Naaŋmɩn wulu bãw-bãw-karɩ sɔgɔ, bɛrɛ wone a bɛ ƴɛ̀rʋ tɛr'ɩ sowru a bɛ zie.

Luka 4:22

A nɩbɛ za tɩ pore nɩ a ʋ yo-vla, ɛ́ mɩ́ tɩ nyɔw nʋɔr a ƴɛ̀r-vɩɛlɩ na tɩ yire a ʋ nʋɔrɩ́ a ƴãw, ɛ́ tɩ sowre: «A Zuzɛb bidɛb bɛ n'ɩ à ŋà ɩ?»

Luka 4:32

A ʋ kanʋ tɩ tɛr'ɩ fãw, a dɛ ɓãa bɛ nɛ́ɛ.

Zã 7:15

A Zifʋ mɩnɛ tɩ nyɔw nɩ nʋɔr yere nɩ: «Ŋmɩŋmɩn n'a ʋ bɛ zànɩ sɛbɛ ɩ, ɛ́ bãw a sɛw à ŋá?»

Zã 7:46

A Ŋmɩn-yir-kpɛ̃ɛ gùrbɛ tɩ sɔw na: «Nɩsaalɛ za bɛ dãw ƴɛ̀r mɛ̃ a nɩr ŋa a ɩ!»