Luka 2:11 - A SƐB-SÕW

¹¹ Faarɛ dɔw nɩ a nyɩ ƴãw a dɩ̃a, a Daviir tẽw pʋɔ, ʋlɛ n'ɩ a Kɩrɩta, a Sore.

Luka 2:11 ပူးပေါင်းရင်းမြစ်များ

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

Sɛb-sõw yielu 2:2

A tẽw na-mɩnɛ cɔbrɛ na na zɛb, ɛ́ a nɩ-bɛrɛ bʋ̀rɛ taa kɛ́ bɛ zɛb'ɩ a Sore nɩ a ʋ nɩ-kabra.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Matie 1:16

Zakɔb dɔw a Marya sɩr Zuzɛb, ɛ́ a Marya dɔw a Yeezu bɛ na bʋɔlɛ a Kɩrɩta a.

Matie 1:21

Ʋ na dɔw nɩ dɛble fʋ por a yúor kɛ́ Yeezu, ʋlɛ n'ʋ na faa a ʋ nɩ-bʋʋrɛ a bɛ yel-bebe pʋɔ.»

Matie 16:16

Sɩmʋ̃ Pɩɛr tɩ sɔw na: «Fʋ̃ʋ n'ɩ a Nɩ-kabra, a Naaŋmɩn na vʋʋrɛ a Bie.»

Matie 16:20

Lɛ n'a ʋ tɩ kpãa a ʋ po-tuurbɛ kɛ́ bɛ taa yere kʋ̀rɛ nɩr za kɛ́ ʋlɛ n'ɩ a Nɩ-kabra ɩ.

Luka 1:43

Mãa mɩ̀ n'ɩ anʋ, a ɩ̃ Sore mã tɔr za sʋ̃ɔmɩ ìr wa a ɩ̃ zie?

Luka 1:69

ɛ́ ɩ faafʋ fãw yi a tɩ ƴãw a ʋ tõ-tõ-bie Daviir yir pʋɔ.

Luka 2:26

A Vʋʋrʋ Sõw tɩ ɩ na ʋ bãwnɩ a, kɛ́ ʋlɛ bɛ wa nyɛ̃ a Sore Nɩ-kabra a, k'ʋʋ kʋ̃ kpi ɛ.

Luka 2:4

A Zuzɛb mɩ̀ tɩ yi n a Galile, Nazarɛtɩ tẽw pʋɔ, ɛ́ do a Zude, a Daviir tẽw ʋl pʋɔ bɛ na bʋɔlɛ kɛ́ Bɛtɩlɛm a, ʋ na tɩ ɩ a Daviir bʋʋrɛ nɩ a ʋ yir nɩr a ƴãw.

Zã 1:41

A ʋ yɛb Sɩmʋ̃ n'ʋ a Ãdere tɩ de niwn páw, yel ʋ: «Tɩ nyɛ̃ nɩ a Nɩ-kabra», a pɛr lɛ kɛ́ a Kɩrɩta.

Zã 1:45

Ʋ tɩ tuor'ɩ Natanayɛl yel ʋ: «A nɩr ʋl yele a Moyiir na manɛ a Naaŋmɩn wulu sɛbɛ pʋɔ a, ɛ́ a naaŋmɩn-ƴɛ̀r-manbɛ mɩ̀ ƴɛ̀r a ʋ ƴɛ̀rʋ a, tɩ nyɛ̃ ʋ na, a Zuzɛb bidɛb Yeezu na yi Nazarɛtɩ tẽw a n'ʋ.»

Zã 11:27

A Marta sɔw: «Bʋ̃ʋ ɩ? Sore e, ɩ̃ sàw na kɛ́ fʋ̃ʋ n'ɩ a Kɩrɩta, fʋ̃ʋ n'ɩ a Naaŋmɩn Bie, a sob nɛ na waar a tẽ-daa zu a.»

Zã 20:31

À á ŋá bɛ na sɛb ƴãw a, bɛ sɛb'a ƴãw kɛ́ nyɩ sàw de kɛ́ a Yeezu sɩrɩ na ɩ a Kɩrɩta, a Naaŋmɩn Bie, ɛ́ a nyɩ sàwfʋ zũú n'a nyɩ na páw a nyɔ-vʋʋrʋ a ʋ yúor ƴãw.

Zã 4:25

A pɔw tɩ lɛb'a yel ʋ: «Ɩ̃ bãw na kɛ́ a Naaŋmɩn Nɩ-kabra waar'a, a ʋl bɛ na bʋɔlɛ a Kɩrɩta a. Ʋlɛ wa wa a, ʋlɛ n'ʋ na ɩ tɩ bãw bom za.»

Zã 4:42

Bɛ tɩ yere nɩ a pɔw zie: «Ƴɛrɛŋa a, fʋ̃ʋ na yel a bɛ cãà n'a so tɩ sàw ɛ. Tɩ mɩ̀ wõ n a ʋ ƴɛ̀rʋ, ɛ́ tɩ bãw na kɛ́ ʋlɛ sɩrɩ n'ɩ a tẽ-daa Faarɛ.»

Zã 6:69

Tɩɩm tɛwr ƴãw a, tɩ sàw na, ɛ́ tɩ bãw na kɛ́ fʋ̃ʋ n'ɩ a Naaŋmɩn Nɩ-sõw.»

Zã 7:41

Ɛ́ bɛ mɩnɛ yere: «Ʋlɛ n'ɩ a Naaŋmɩn Nɩ-kabra!» Ɛcɛ bɛ mɩnɛ kãw tɩ yere na: «A Naaŋmɩn Nɩ-kabra na tʋ̃ɔ́ na yi Galile bɩɩ?

Nɩ-toni 10:36

Ʋ tɩr'ɩ a ʋ ƴɛ̀rʋ kʋ̀ a Ɩsɩrayɛl bibiir, kɛ́ a Yeezu Kɩrɩta wa yel a ƴã-ɓaarʋ Yel-nʋ̃ɔ̀ kʋ̀ bɛ: a Yeezu na ɩ a nɩsaalbɛ za Sore a.

Nɩ-toni 13:23

Ɛcɛ mɛ̃ a lɛ a Naaŋmɩn na tɩ ƴãw a nʋɔr a, ʋ ɩ na faarɛ yi a Daviir bʋʋrɛ pʋɔ a Ɩsɩrayɛl nɩbɛ ƴãw, ʋlɛ n'ɩ a Yeezu.

Nɩ-toni 17:3

ʋ mɩ́ tɩ de manɛ nɩ kʋ̀rɛ bɛ, ɛ́ wule kɛ́ a tɩ fɛr'a kɛ́ a Kɩrɩta wõ tuo tɩ kpi, ɛ́ lɛb yi a kũu pʋɔ. Ʋ tɩ yere na: «A Kɩrɩta a, ʋlɛ n'ɩ a Yeezu ŋa ɩ̃ na hiere kʋ̀rɛ nyɩ a.»

Nɩ-toni 2:36

A Ɩsɩrayɛl bʋʋrɛ za, bɛ bãwnɩ a vla: a Yeezu ŋa tɔr za nyɩ na kpa a da-gara zu a, Naaŋmɩn ɩ na ʋ ɩ Sore nɩ Kɩrɩta.»

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

1 Korɛ̃tɩ 15:47

A Nɩsaal-dãw-niwn sob bɛ na maal'ɩ tẽsɔw tanɛ a, ɩ n tẽsɔw bom. A nɩsaal ayi sob ʋl yi n salom zu.

Filib 2:11

ɛ́ bɛ za sàw yere kɛ́ a Yeezu Kɩrɩta n'ɩ a Sore, a Naaŋmɩn sãà yúor-vɩɛlʋ-danʋ ƴãw.

Filib 3:8

Sɩza n'a, ɩ̃ nyɛ̃ a na a ɩ loba, a yel-vla ŋa na zuo bom za a ƴãw: a ɩ̃ Sore Yeezu Kɩrɩta bãwfʋ. A ʋl ƴãw n'a ɩ̃ bɛ lɛb cãà tɛr bom za ɩ, ɛ́ bom za ɩ mɛ̃ sagɛ a, a ɩ̃ zie, k'ɩ̃ɩ tʋ̃ɔ́ páw a Kɩrɩta.

Kɔlɔsɩ 2:6

A na ɩ à ŋá nyɩ sàw de kɛ́ a Yeezu Kɩrɩta n'ɩ a Sore a, nyɩ lãw nɩ ʋ vʋʋrɛ.

1 Zã 4:14

Tɩ nyɛ̃ na ɛ́ dɩrɛ a dãsɩɛ k'aa Sãà tõ n a ʋ Bie k'ʋʋ wa ɩ a tẽ-daa faarɛ.

1 Zã 5:1

Nɩr za na sàw de k'aa Yeezu ɩ n a Kɩrɩta a ɩ n Naaŋmɩn bʋ̃-dɔwra. Ɛ́ sob nɛ za na nɔnɛ a dɔwrɛ a mɩ̀ mɩ́ nɔnɛ nɩ a ʋ bʋ̃-dɔwra.