Luka 18:9 - A SƐB-SÕW

⁹ A Yeezu tɩ lɛb'a lɔb zʋkpar ŋa càar'ɩ nɩbɛ bɛ mɩnɛ kãw na tɩ tɩɛrɛ kɛ́ bɛ ɩ n nɩ-mɩn, ɛ́ bʋɔlɛ a bɛ taabɛ nɩ-faar a:

Luka 18:9 ပူးပေါင်းရင်းမြစ်များ

Zʋkpaɩ 30:12

Nɩbɛ be n be tɩɛr kɛ́ bɛ vɩɛl a, ɛ́ bɛ so a bɛ dɛwr bɛr ɛ.

Ɩzayi 65:5

Bɛ mɩ́ yere nɩ a nɩbɛ zie: «Nyɩ taa tawr pɩɛlɛ ɩ, nyɩ taa tʋɔr mɛ̃ ɩ. Bʋ̃ʋ n'ʋ vɛ̃, ɩ̃ nãà ɩ na nyɩ ɩ bʋ̃-tuor». A nyɩ ɩ-ɩrɩ á ŋá za mɩ́ ɩ na nyɛɛ karɛ mɛ̃, a ɩ̃ suur mɩ́ ìr'a 'lere mɛ̃ vũu a, kʋralɛ.

Ɩzayi 66:5

Nyɩ bɛrɛ wone a Sore ƴɛ̀rʋ, nyɩɩm ʋ na mɩ́ ƴɛ̀r nyɩ màwr a: A nyɩ yɛbr bɛ mɩnɛ hɩ̃ɛn nyɩ na, ɛ́ íre nyɩ bɛrɛ a bɛ pʋɔ a mãa ƴãw. Bɛ mɩ́ ɩrɛ nyɩ na laar yere nɩ: «A Sore, ʋ wul a ʋ yúor-vɩɛlʋ-danʋ tɩ tʋ̃ɔ́ nyɛ̃ a nyɩ cɩlʋ!» Ɛcɛ bɛlɛ nɛbɛ na nyɛ̃ vĩ.

Levitɩ mɩnɛ 13:32

A bàwr-maalɛ na lɛb'a jɩ́r a bàal kaa a bibie ayopõi sob: ʋlɛ wa nyɛ̃ k'aa bàalʋ bɛ yɛ́r a, kɛ́ kɔbl-dʋɔr dʋɔr bɛ ka be, k'aa ƴã-gan zie nɛ bɛ ɩ bɔw a,

Luka 10:29

Ɛcɛ a Naaŋmɩn wulu bãw-bãw-kara nɛ na tɩ bɔbr k'ʋʋ wul a ʋ yel-mɩŋa a, ʋ tɩ lɛb'a sowri a Yeezu: «Ãa n'ɩ a ɩ̃ tɔ sob?»

Luka 15:2

A Faarizɩ̃ɛ mɩnɛ nɩ a Naaŋmɩn wulu sɛ-sɛbrbɛ tɩ zɛbr'a yere nɩ: «A nɩr ŋa a, ʋ nɔnɛ nɩ a yel-bebe dem ɛ́ lãw dɩrɛ nɩ bɛ!»

Luka 16:15

A Yeezu tɩ yel bɛ na: «A nyɩɩm a, nyɩ mɩ́ ɩrɛ nɩ a nɩsaalbɛ niŋé mɛ̃ nɩ-mɩn n'ɩ nyɩ a, ɛcɛ Naaŋmɩn bãw nɩ a nyɩ pʋɔ ŋmɛ̃a: bʋ̃ʋ n'ʋ vɛ̃, Naaŋmɩn bɛ nɔnɛ a ʋlɩ bom nɛ a nɩsaal na mɩ́ nyɛ̃ ʋ ɩ kpɛ̃ɛ a ɩ.»

Luka 18:11

A Faarizɩ̃ɛ tɩ àr'ɩ saaƴẽwn, ɛ́ puore à ŋá a ʋ socir pʋɔ: “Naaŋmɩn i, ɩ̃ puore fʋ nɩ yãanɩ, ɩ̃ na bɛ ŋmɛ̃ mɛ̃ a nɩbɛ za a ƴãw, na ɩ nyãnyuwr, yel-fa-maalbɛ, nɩ pɩ̃ɔ-yel-bier-maalbɛ a. Ɩ̃ mɩ̀ cãà na puore fʋ yãanɩ, ɩ̃ na bɛ ŋmɛ̃ mɛ̃ a zuru-yar-diere ŋa a.

Luka 19:7

A nɩbɛ na tɩ nyɛ̃ a lɛ a, bɛ tɩ zɛbr'ɩ bɛ za yere nɩ: «Yel-bier-maalɛ yir'a ʋ cen.»

Luka 7:39

A Faarizɩ̃ɛ nɛ na tɩ bʋɔlɩ a Yeezu a dɩb ƴãw a na tɩ nyɛ̃ a lɛ a, ʋ tɩɛr'ɩ ʋ pʋɔ: «A nɩr ŋa tɩ sɩrɩ ɩ naaŋmɩn-ƴɛ̀r-manɛ a, ʋ nãá bãw nɩ ãa n'ɩ a pɔw ŋa, nɩ nɩ-bʋ̃ʋ n'ɩ a pɔw ŋa na tʋɔr ʋ a, ʋ nãá bãw na kɛ́ yel-bier-maalɛ n'ʋ.»

Zã 8:48

A Zifʋ mɩnɛ tɩ sɔw na yel a Yeezu: «Tɩ na yel kɛ́ fʋ ɩ n Samaari tẽw nɩr, nɩ kɛ́ fʋ ɩ n kɔ̃tɔ̃-ìre a, ziri n'a a?»

Zã 9:28

Lɛ n'a a Faarizɩ̃ɛ mɩnɛ tɩ nyɔw ʋ tʋʋr yere nɩ: «Fʋ̃ʋ n'ʋ ɩ a ʋ po-tuure! Tɩɩm a, Moyiir po-tuurbɛ n'ɩ tɩ.

Zã 9:34

Ɛcɛ bɛ tɩ sɔw ʋ na yel: «Fʋ̃ʋ n'ɩ ŋan dɔw yel-bier pʋɔ fʋ za, ɛ́ na wule tɩ ɩ?» Ɛ́ tɩ diw ʋ bɛr a puoru-dĩó.

Nɩ-toni 22:21

Ɛcɛ ʋ tɩ yel mɛ̃ na: “Cere, zi-zãána nɩ-bʋʋr-yoru zie n'a mãa na tõ fʋ.”»

Ʋrɔm 10:3

Bʋ̃ʋ n'ʋ vɛ̃, bɛ bɛ tɩ bãw a lɛ a Naaŋmɩn na mɩ́ ɩ a nɩsaalbɛ bɛ lɩɛbɩ nɩ-mɩn a ʋ niŋé a ɩ, ɛ́ tɩ bɔbr kɛ́ bɛ tɛr bɛ tʋɔra tub a al ƴãw. À ŋá n'a bɛ bɛ tɩ sàw de a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a ɩ.

Ʋrɔm 14:10

Ɛcɛ fʋ̃ʋ a, bʋnʋ ƴãw n'a fʋ bãwnɛ a fʋ yɛb yele? Ɛ́ fʋ̃ʋ, bʋnʋ ƴãw n'a fʋ jewre a fʋ yɛb? Tɩ za na cen nɩ a Naaŋmɩn ƴɛ̀rʋ-dɩb zie.

Ʋrɔm 14:3

Sob nɛ na dɩrɛ a za a, ʋ ta jewre a sob nɛ na bɛ dɩrɛ a za a ɩ, ɛ́ sob nɛ na bɛ dɩrɛ a za a, ʋ ta bãwnɛ a sob nɛ na dɩrɛ a za a yele ɩ, bʋ̃ʋ n'ʋ vɛ̃, a Naaŋmɩn mɩ̀ sàw na de ʋ.

Ʋrɔm 7:9

A koro za a, ɩ̃ na bɛ tɩ bãw kɛ́ Naaŋmɩn wulu be n be a, ɩ̃ tɩ vʋʋrɛ nɩ zoomlɛ. Ɛcɛ a nɔ-ƴãwna na wa wa a, a yel-bier vʋla tĩ na kpɩɛr mɛ̃,