Ʋ tɩ cen na tɩ kpɩɛr tẽw kãw bɛ na bʋɔlɛ kɛ́ Nazarɛtɩ a, k'aa tʋ̃ɔ́ tu a lɛ a naaŋmɩn-ƴɛ̀r-manbɛ na tɩ yel a: «Bɛ na bʋɔlɛ ʋ na kɛ́ Nazarɛtɩ tẽw nɩr.»
Ʋ tɩ tuor'ɩ Natanayɛl yel ʋ: «A nɩr ʋl yele a Moyiir na manɛ a Naaŋmɩn wulu sɛbɛ pʋɔ a, ɛ́ a naaŋmɩn-ƴɛ̀r-manbɛ mɩ̀ ƴɛ̀r a ʋ ƴɛ̀rʋ a, tɩ nyɛ̃ ʋ na, a Zuzɛb bidɛb Yeezu na yi Nazarɛtɩ tẽw a n'ʋ.»
«Ɩsɩrayɛl biir i, nyɩ ƴãw tobr a ɩ̃ ƴɛ̀rʋ ƴãw: a Nazarɛtɩ tẽw Yeezu, a dɛb ŋa a Naaŋmɩn na de a yele, ɛ́ ƴãw k'ʋ maalɩ nɔ-ɓãa-yele a nyɩ sɔgɔ, lãwnɩ yel-bãw-guuri nɩ yele na ɩ bãwfʋ sãá a, mɛ̃ a lɛ nyɩɩm mɩŋa na bãw a,
a fɛr'a kɛ́ nyɩ za bãw vla, lãwnɩ a Ɩsɩrayɛl nɩbɛ za: a Yeezu Kɩrɩta na yi Nazarɛtɩ a yúor ƴãw n'a a nɩr ŋa lɛb ɩ nɩ-kpɛ̃w àr a nyɩ niŋé, a Yeezu Kɩrɩta ŋa nyɩ na kpa a da-gara zu, ɛ́ a Naaŋmɩn ɩ ʋ lɛb yi a kũuni pʋɔ a.
Bʋ̃ʋ n'ʋ vɛ̃, Naaŋmɩn yere na: «A daar na wa ta a, ɩ̃ sàw nɩ a fʋ zɛlʋ, ɛ́ a faafʋ bibir na wa vɩɛ a, ɩ̃ sõw fʋ na.» Ɛcɛ a daar'ɩ à ŋà na ta a, a faafʋ bibir'ɩ à ŋà na vɩɛ a.
