Luka 18:16 - A SƐB-SÕW

¹⁶ Ɛcɛ a Yeezu tɩ ƴãw na bɛ tɛr a bi-pɩɩlɛ wa n a ʋ zie, ʋʋ yel: «Nyɩ bɛr a bibiir bɛ wa a ɩ̃ zie, nyɩ ta diwr bɛ bɛrɛ ɩ: a bɛlɩ dem na ŋmɛ̃ taa nɩ bɛ a, bɛlɛ so a Naaŋmɩn Naalʋ.

Luka 18:16 ပူးပေါင်းရင်းမြစ်များ

Yele-za-pɛr-tib 21:4

A ʋ bidɛb Ɩzaakɩ na wa páw bibie ani a, a Abraham ŋmãa ʋ nɩ a yʋ̀ɔr mɛ̃ a lɛ a Naaŋmɩn na tɩ ƴãw a nʋɔr a.

2 Bibie za yel-manɩ 20:13

A Zuda nɩbɛ za tɩ àr'ɩ saaƴẽwn a Sore niŋé lãwnɩ a bɛ yie nɩbɛ, a pɔwbɛ nɩ a bibiir.

Zeremi 32:39

Ɩ̃ na kʋ̀ bɛ nɩ soci-been nɩ ɩb na ɩ been a, bɛ tʋ̃ɔ́ ƴãwnɛ mɛ̃ kʋralɛ. A lɛ pʋɔ a, nʋ̃ɔ̀ na ɩrɛ bɛ na, a bɛl nɩ a bɛ bibiir a bɛ pùorí.

Matie 19:14

Lɛ n'a a Yeezu tɩ yel: «Nyɩ bɛr a bibiir bɛ wa a ɩ̃ zie, ɛ́ ta diwr bɛ bɛrɛ ɩ, bʋ̃ʋ n'ʋ vɛ̃, a bɛlɩ dem na ŋmɛ̃ taa nɩ bɛ a, bɛlɛ so a tẽ-vla Naalʋ.»

Luka 18:15

Nɩbɛ tɩ tɛr'ɩ bi-pɩɩlɛ tɛɛ za wa n k'aa Yeezu wa tɔ bɛ. A po-tuurbɛ na tɩ nyɛ̃ a lɛ a, bɛ tɩ tanɛ bɛ na.

Luka 18:17

Yel-mɩŋa sɩza, ɩ̃ yere na kʋ̀rɛ nyɩ: nɩr bɛ wa sàw de a Naaŋmɩn Naalʋ mɛ̃ bibile a, ʋ kʋ̃ kpɛ a ʋ pʋɔ ɩ.»

Nɩ-toni 2:39

A nyɩɩm nɩ a nyɩ bibiir ƴãw n'a a Naaŋmɩn tɩ dãw ƴãw a nʋɔr ŋa, nɩ a bɛlɩ dem na zãá a ƴãw, a bɛlɩ dem za a Sore tɩ Naaŋmɩn na na bʋɔlɩ a.»

1 Korɛ̃tɩ 14:20

Yɛbr i, nyɩ ta tɛr bibi-yã a yele bãwfʋ ƴãw ɛ. Nyɩ ɩ bibiir a yel-faa maalʋ ƴãw, ɛcɛ a yele bãwfʋ ƴãw a, nyɩ ɩ nɩ-bɛrɛ.

1 Korɛ̃tɩ 7:14

Bʋ̃ʋ n'ʋ vɛ̃, a pɔw na ɩ kɩrɩta-nɩr a mɩ́ ɩ n a ʋ sɩr na bɛ sàw de a Kɩrɩta a, ʋ lɩɛbɩ nɩ-sõw, ɛ́ a sɩr na ɩ kɩrɩta-nɩr a ɩ a ʋ pɔw na bɛ sàw de a Kɩrɩta a, ʋ lɩɛbɩ nɩ-sõw. Alɛ bɛ tɩ ɩ à ŋá a, a nyɩ bibiir nãá ɩ n dɛwr nɩbɛ, ɛcɛ bɛ ɩ n nɩ-son.

Wulu-ayi-sob 29:11

Ƴɛrɛŋa a, a Sore nyɩ Naaŋmɩn maalɛ nɩ nyɩ nɩ wõ-taa, ɛ́ yel kɛ́ nyɩ sàw ʋ lãwnɩ pɔb.

Wulu-ayi-sob 31:12

Nyɩ na mɩ́ bʋɔl'ɩ a nɩbɛ za ɓã taa, dɛbr, pɔwbɛ, bibiir nɩ a nʋʋrɩ na kpɩɛr a nyɩ zie a, kɛ́ bɛ tʋ̃ɔ́ wõ a kanʋ ŋa, bãw a Sore nyɩ Naaŋmɩn ƴãwfʋ nɩ a wulu ŋa ƴɛ̀rʋ za sàwfʋ.

1 Pɩɛr 2:2

Nyɩ bɔbr a Naaŋmɩn ƴɛ̀rʋ bʋ̀r-kʋ̃ɔ tɛwr mɛ̃ bi-pɩɩlɛ a, k'ʋʋ tʋ̃ɔ́ mɩ́ ɩ nyɩ kɛrɛ tɩ páw a faafʋ.