Luka 18:14 - A SƐB-SÕW

¹⁴ Mãa n'ʋ yere kʋ̀rɛ nyɩ, a zuru-yar-diere ŋa tɩ páw nɩ a vɩɛlʋ lɛb siw kul'ɩ a ʋ yir, ɛ́ bɛr a Faarizɩ̃ɛ. Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Luka 18:14 ပူးပေါင်းရင်းမြစ်များ

A Zɔb sɛbɛ 22:29

Sɩza, a Naaŋmɩn mɩ́ ɩ n a pɔ̀lʋ dem tɩɛrʋ a sãw, ɛcɛ, ʋ mɩ́ ɩ n a bɛlɩ dem na siwre bɛ tʋɔra a yele maalɩ.

A Zɔb sɛbɛ 25:4

Ŋmɩŋmɩn n'a nɩsaal na ɩ mɩŋa sob Naaŋmɩn niŋé? Ŋmɩŋmɩn n'a a pɔw bʋ̃-dɔwra na yel k'ʋʋ vɩɛl'ɩ za?

A Zɔb sɛbɛ 9:20

Mãa saa tɛr yel-mɩŋa a, a ɩ̃ nʋɔr na yel'a k'ɩ̃ɩ sãw na, ɩ̃ za saa n'ɩ ŋa a, ʋ na wul'a k'ɩ̃ɩ ɩ n nɩ-faa.

Sɛb-sõw yielu 138:6

A Sore na saa be a saa-zu a, ʋ nyɛrɛ nɩ a bãbàalbɛ, ɛ́ a pɔ̀lʋ dem mɩ́ zãá, ʋʋ nyɛ̃ bɛ bãw.»

Sɛb-sõw yielu 143:2

Ɩ̃ ɩ n a fʋ tõ-tõ-bie, ta dɩ n mɛ̃ ƴɛ̀rʋ ɛ, nɩsaal za na bɛ ɩ nɩ-mɩŋa a fʋ niŋé a ƴãw.

Eziptɩ tẽw yib 18:11

Ɩ̃ pãa bãw nɩ ƴɛrɛŋa k'aa Sore ɩ n kpɛ̃ɛ zuo a ŋmɩmɛ al za na baa cɛ a. Ʋ wul'a a sãá, a lɛn daar a Eziptɩ tẽw nɩbɛ na tɩ dɔwrɛ a Ɩsɩrayɛl nɩbɛ a.»

Zʋkpaɩ 15:33

A Sore zɔba ɩ n yã-bãwfʋ nakoli kpɛb. A tʋɔra-siwru mɩ́ de nɩ niwn a yúor ƴãw.

Zʋkpaɩ 18:12

A nɩsaal pɔ̀lʋ mɩ́ wɩɛr'ɩ ʋ nɩ a ʋ loba zie. A tʋɔra-siwru pùorí n'a fʋ mɩ́ nyɛ̃ ƴãwfʋ.

Zʋkpaɩ 25:7

Bɛlɛ wa yel fʋ: «Do wa a ka!», alɛ sa bɛ nãà wa siwri fʋ nɩ-kpɛ̃ɛ niŋé a.

Zʋkpaɩ 29:23

A nɩsaal pɔ̀lʋ na siwr'ʋ na, ɛcɛ su-siwra sob na nyɛ̃ nɩ ƴãwfʋ.

Zʋkpaɩ 3:34

A Sore mɩ́ ɩ n a nɩ-ɩ-laarbɛ la, ɛcɛ, ʋ mɩ́ ɩrɛ nɩ nɔ̃wfʋ ɩb a su-siwri dem zie.

Ekilezɩasɩ 9:7

A lɛ pʋɔ a, mɩ́ dɩ a fʋ bʋ̃-dɩra nɩ nʋ̃ɔ̀, ɛ́ nyũ a fʋ divɛ̃ nɩ cɩlʋ, bʋ̃ʋ n'ʋ vɛ̃, koro kãw za n'a Naaŋmɩn sàw de a fʋ tome.

Ɩzayi 45:25

Ɛcɛ a mãa zũú a, a Ɩsɩrayɛl bʋʋrɛ za na páw nɩ a mɩnʋ danɛ nɩ bɛ tʋɔra.

Ɩzayi 53:11

A Sore yere na: «A tuo a ɩ̃ tõ-tõ-bie na wõ a zũú, ʋ na nyɛ̃ nɩ a cãà, nʋ̃ɔ̀ na paalɩ ʋ na. A ɩ̃ tõ-tõ-bie na ɩ a nɩ-mɩŋa tɔr za a na ɩ na nɩ-yaga yaga lɩɛbɩ nɩ-mɩn, ʋ na de a bɛ yel-bebe tuo a ƴãw.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Habakukɩ 2:4

Sɛb yel: a tɩɛr-faa sob fãw siwre na, ɛcɛ a nɩ-mɩŋa vʋʋrɛ na ʋ na tu a Naaŋmɩn bɛ lɛb pùor a zũú.

Matie 23:12

Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Matie 5:3

«Zu-nʋ̃ɔ̀ dem n'ɩ a bɛlɩ dem na ɩ nan dem a bɛ pʋ-tɩɛrʋ pʋɔ a, bɛlɛ so a tẽ-vla Naalʋ.

Luka 1:52

Ʋ cã n a kpɛnʋ dem lɔb a bɛ naalʋ-dà-kɔwr zuru, ɛ́ zɛw a bãbàalbɛ.

Luka 10:29

Ɛcɛ a Naaŋmɩn wulu bãw-bãw-kara nɛ na tɩ bɔbr k'ʋʋ wul a ʋ yel-mɩŋa a, ʋ tɩ lɛb'a sowri a Yeezu: «Ãa n'ɩ a ɩ̃ tɔ sob?»

Luka 14:11

Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Luka 16:15

A Yeezu tɩ yel bɛ na: «A nyɩɩm a, nyɩ mɩ́ ɩrɛ nɩ a nɩsaalbɛ niŋé mɛ̃ nɩ-mɩn n'ɩ nyɩ a, ɛcɛ Naaŋmɩn bãw nɩ a nyɩ pʋɔ ŋmɛ̃a: bʋ̃ʋ n'ʋ vɛ̃, Naaŋmɩn bɛ nɔnɛ a ʋlɩ bom nɛ a nɩsaal na mɩ́ nyɛ̃ ʋ ɩ kpɛ̃ɛ a ɩ.»

Ʋrɔm 3:20

A lɛ n'a so nɩr za kʋ̃ tʋ̃ɔ́ lɛb ɩ nɩ-mɩŋa a Naaŋmɩn niŋé, a Wulu ʋ na na ƴãw fãw sàwr a ƴãw ɛ, bʋ̃ʋ n'ʋ vɛ̃, a yel-bier tɛwr'ʋ a Naaŋmɩn wulu mɩ́ ɩ bɛ bãw.

Ʋrɔm 4:5

Ɛcɛ, nɩr na bɛ ɩrɛ ƴãwn a ʋ tome ƴãw a, ɛ́ sàw de a Naaŋmɩn na mɩ́ ɩ a nɩr na bɛ ƴãwnɛ ʋ, ʋ lɩɛbɩ nɩ-mɩŋa a, a Naaŋmɩn mɩ́ nyɛ̃ nɩ a ʋ sàw-deb, ɛ́ sàw kʋ̀ ʋ k'ʋʋ ɩ n nɩ-mɩŋa.

Ʋrɔm 5:1

A na ɩ à ŋá tɩ lɩɛbɩ nɩ-mɩn a tɩ sàw-deb ƴãw a, ƴã-ɓaarʋ be n tɩɩm nɩ a Naaŋmɩn cara pʋɔ, a tɩ Sore Yeezu Kɩrɩta zũú.

Ʋrɔm 8:33

A bɛlɩ dem a Naaŋmɩn na kaa ír a, ãa n'ʋ na yel kɛ́ bɛ tɛr'ɩ sãwna? Nɩr bɛ ka be ɩ. A Naaŋmɩn na n'ʋ wule kɛ́ bɛ bɛ tɛr sãwna a ƴãw.

Galasi 2:16

Ɛcɛ, tɩ bãwnɩ a na a nɩsaal na bɛ mɩ́ ɩ nɩ-mɩŋa a Naaŋmɩn niŋé a Moyiir wulu sàwfʋ ɩ-ɩrɩ zũú a, a Yeezu Kɩrɩta sàw-deb tɛwr zũú mɩ́ n'a. A tɩɩm a, tɩ sàw na de a Yeezu Kɩrɩta kɛ́ tɩ tʋ̃ɔ́ páw a mɩnʋ a Kɩrɩta sàw-deb zũú, ɛ́ a ta ɩ Wulu sàwfʋ ɩ-ɩrɩ ƴãw n'a ɩ. Bʋ̃ʋ n'ʋ vɛ̃, nɩr za bɛ be na ɩ nɩ-mɩŋa a Wulu sàwfʋ ɩ-ɩrɩ zũú ɛ.

Zakɩ 4:10

Nyɩ siwre nyɩ tʋɔra a Sore niŋé, ʋʋ na zɛw nyɩ na.

Zakɩ 4:6

Ɛcɛ a maalʋ a Naaŋmɩn na kʋ̀ tɩ a ɩ n kpɛ̃ɛ zuo lɛ. Bʋ̃ʋ n'ʋ vɛ̃, bɛ mɩ̀ cãà na lɛb yel: «A Naaŋmɩn mɩ́ ba n gbɛ́r a pɔ̀lʋ dem niŋé, ɛ́ maalɩ a su-siwri dem.»

1 Samɩɛl 1:18

A Ana tɩ sɔw ʋ na: «Tɛr pʋ-pɩɛlʋ a ɩ̃ ƴãw.» A Ana tɩ tɔl'a cen, ʋ tɩ dɩ na ɛ́ a ʋ niwn bɛ tɩ cãà ŋmɛ̃ a lɛ ɩ.