Luka 17:30 - A SƐB-SÕW

³⁰ À ŋá n'a a mɩ̀ na ŋmɛ̃ a ʋlɩ bibir a Nɩsaal Bie na na wul ʋ tʋɔra a.»

Luka 17:30 ပူးပေါင်းရင်းမြစ်များ

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Matie 24:3

A Yeezu na tɩ zɩ̃ a Olivʋ tɩɩr tãw zu a, a ʋ po-tuurbɛ tɩ taw na pɩɛl ʋ bɛ tɛwr zie ɛ́ sowr'ʋ: «Yel kʋ̀ tɩ a lɛn daar a yele á ŋá na na ta a, nɩ a ʋlɩ bom nɛ na na ɩ a fʋ lɛb-waa nɩ a tẽw baarʋ bãwfʋ a.»

Matie 24:37

A lɛ a yele na tɩ ŋmɛ̃ a Nowe daar a, lɛ n'a a mɩ̀ na ŋmɛ̃ a Nɩsaal Bie waa daar.

Matie 24:39

Bɛ bɛ tɩ bãwnɩ yel ɛ, ɛ́ tɩ ta a lɛn daar a kʋ̃ɔ-paalʋ-kpɛ̃ɛ na wa tuo bɛ za a. À ŋá n'a a mɩ̀ na ŋmɛ̃ a Nɩsaal Bie waa daar.

Matie 26:64

A Yeezu tɩ sɔw na yel ʋ: «Fʋ̃ʋ n'ʋ yel a lɛ. Ɛcɛ ɩ̃ yere na kʋ̀rɛ nyɩ, dɩ̃a na ta a, nyɩ na nyɛ̃ nɩ a Nɩsaal Bie ʋ zɩ̃ a Kpɛnʋ-za-sob dʋrʋ lowr, ɛ́ be a zũzuge zu waar.»

Markɩ 13:26

Lɛ n'a bɛ pãa na nyɛ̃ a Nɩsaal Bie ʋ be a zũzuwe pʋɔ waar nɩ fãw na bɛ tɛr vuo a, nɩ yúor-vɩɛlʋ-danʋ za.

Luka 17:24

Mɛ̃ a lɛ saa na mɩ́ nyɩwrɩ yi ka tɩ sãá ka a, lɛ n'a a Nɩsaal Bie mɩ̀ na ŋmɛ̃ a ʋ waa bibir.

Luka 17:29

Ɛcɛ a ʋlɩ bibir nɛ za a Lɔtɩ na tɩ yi a Sodɔm tẽw pʋɔ a, Naaŋmɩn ɩ na vũu nɩ cirbi siw a Sodɔm zu mɛ̃ saa a, kʋ a nɩbɛ za.

Luka 21:22

A alɩ bibie nɛ pʋɔ, a Naaŋmɩn na ɩ na kpɩɛrʋ páw a ʋ nɩ-bʋʋrɛ. Lɛ n'a a yele al za na sɛb a na tu.

Luka 21:27

Lɛ na bɛ na nyɛ̃ a Nɩsaal Bie ʋ be zũzuwr pʋɔ waar, tɛr kpɛnʋ nɩ yúor-vɩɛlʋ-danʋ.

1 Korɛ̃tɩ 1:7

kɛ̀ Naaŋmɩn maalʋ kãw za bɛ cɛ nyɩ ɛ, nyɩɩm na gùre kɛ́ a tɩ Sore Yeezu Kɩrɩta wa sãá a.

1 Korɛ̃tɩ 1:8

Ʋlɛ n'ʋ mɩ̀ na ɩ nyɩ kpɛmɛ tɩ ta n a baarʋ daar, kɛ́ nɩr ta nyɛ̃ sãwna kãw za yere a nyɩ zie a tɩ Sore Yeezu Kɩrɩta waa bibir ɛ.

Kɔlɔsɩ 3:4

A Kɩrɩta na ɩ a nyɩ nyɔ-vʋʋrʋ a, ʋlɛ wa sãá a lɛn daar a, nyɩ mɩ̀ na lãw nɩ ʋ na sãá a yúor-vɩɛlʋ-danʋ pʋɔ.

2 Tesalonikɩ 1:7

ɛ́ kʋ̀ pɩ̃ɛnʋ a nyɩɩm na wone a tuo lãwnɩ a tɩɩm a, a lɛn daar ʋ na na sãá a salom zu nɩ a ʋ kpɛnʋ malkɩ mɩnɛ a.

1 Pɩɛr 1:13

Lɛ so, nyɩ cɔbrɩ gù a tome, nyɩ mɩ́ nyɔw nyɩ tʋɔra a dɩb nɩ a nyub ƴãw, ɛ́ de a nyɩ tɩɛrʋ za ƴãw a maalʋ ʋl ƴãw bɛ na na kʋ̀ nyɩ, a lɛn daar a Yeezu Kɩrɩta nãà wa lɛb wul ʋ tʋɔra a.

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,

1 Pɩɛr 4:13

Nyɩ nɩ̃ɛ cɩlɛ nyɩ na pʋɔ a Kɩrɩta tuo pʋɔ a ƴãw, kɛ́ nyɩ mɩ̀ wa tʋ̃ɔ́ be a nʋ̃ɔ̀ nɩ a cɩlʋ pʋɔ, a lɛn daar a ʋ yúor-vɩɛlʋ-danʋ nãà wa sãá a.

1 Zã 2:28

Ɩ̃ bibiir i, a ƴɛrɛŋa a, nyɩ lãw nɩ nɩ a Kɩrɩta, kɛ́ ʋlɛ wa sãá a, tɩɩm ɓãá ƴãw bɛr tɩɛrʋ, ɛ́ ta nyɛ̃ vĩ àr zãá nɩ ʋ, a ʋ waa daar ɛ.

1 Zã 3:2

Ɩ̃ bá mɩnɛ ɛ, a ƴɛrɛŋa, tɩ ɩ n Naaŋmɩn bibiir, ɛcɛ a lɛ tɩ nãà ŋmɛ̃ a n'a bɛ sãá sɛr ɛ. Tɩ bãwnɩ a n'a k'aa Kɩrɩta wa sãá a lɛn daar a, tɩ na ŋmɛ̃ na taa nɩ ʋ, tɩ na na nyɛ̃ ʋ mɛ̃ a lɛ ʋ na ŋmɛ̃ a ƴãw.

Yel-wula 1:7

Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.