Luka 17:25 - A SƐB-SÕW

²⁵ Ɛcɛ a fɛr'a k'ʋʋ wõ tuo yaga, ɛ́ a dɩ̃a nɩbɛ bɛ ŋa zawr'ʋ bɛr baarɩ.

Luka 17:25 ပူးပေါင်းရင်းမြစ်များ

Ɩzayi 53:3

A nɩbɛ za tɩ jewr'ʋ na ɛ́ zawr'ʋ bɛr. Nɩr na wone tuo a tɩ n'ʋ, nɩr na mili nɩ a 'wɔbrʋ a. Ʋ tɩ ɩ na mɛ̃ nɩr nɩr za na bɛ bɔbr k'ʋʋ jɩ́r kaa a. Tɩ tɩ jewr'ʋ na, tɩ tɩ nyɛ̃ ʋ na ʋ bɛ ɩ bom za ɩ.

Matie 16:21

A ʋlɩ daar nɛ n'a a Yeezu tɩ tĩ yere kʋ̀rɛ a ʋ po-tuurbɛ, k'aa fɛr'a k'ʋʋ cen a Zerizalɛm, tɩ wõ tuo yaga a nɩ-kore nɩ a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ nuru pʋɔ, bɛ kʋ ʋ, ɛ́ a bibie ata sob ʋ lɛb yi a kũu pʋɔ.

Matie 21:42

A Yeezu lɛb yel bɛ: «Nyɩ bɛ dãw kanɩ a ƴɛ̀r-bie á ŋá a Sɛb-sõw pʋɔ ɩ? “A kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr, a Sore n'ʋ tõ à à ŋá: nɔ-ɓãa-yel ʋ a tɩ zie.”

Markɩ 10:33

Ʋ tɩ yel'a kʋ̀ bɛ: «Nyɩ nyɛ̃, tɩ dúor'ɩ a Zerizalɛm, bɛ na tɩ nyɔw nɩ a Nɩsaal Bie ƴãw a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ nuru pʋɔ. Bɛ na ŋmãa nɩ kũu dɔwrʋ ƴãw ʋ, ɛ́ de ʋ kʋ̀ nɩ-bʋʋr-yoru.

Markɩ 12:10

Nyɩ bɛ kanɩ a Sɛb-sõw ƴɛ̀r-bie á ŋá bɩɩ? “A kʋsɩɛr ʋl a yir-mɩɛrbɛ na ír lɔb bɛr a, ʋ lɩɛb'ɩ a yir pɛr kʋsɩɛr.

Markɩ 8:31

Al pùorí, a Yeezu tɩ tĩ na kanɛ nɩ a ʋ po-tuurbɛ, kɛ́ a fɛr'a a Nɩsaal Bie wõ tuo yaga, kɛ́ a fɛr'a a Zifʋ mɩnɛ Nɩ-kore nɩ a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ zawr'ʋ bɛr, kɛ́ a fɛr'a bɛ kʋ ʋ, ɛcɛ a bibie ata pùorí ʋ lɛb yi a kũu pʋɔ.

Markɩ 9:31

Bʋ̃ʋ n'ʋ vɛ̃, ʋ tɩ kanɛ nɩ nɩ a ʋ po-tuurbɛ yere: «Bɛ na nyɔw nɩ a Nɩsaal Bie ƴãw a nɩsaalbɛ nuru pʋɔ, a nɩsaalbɛ na kʋ ʋ na, ɛcɛ bibie ata pùorí, ʋ na lɛb'a yi a kũu pʋɔ.»

Luka 18:31

A Yeezu tɩ tɛr'ɩ a nɩ-toni pie nɩ ayi taw yi n bɛ tɛwr zie tɩ yel bɛ: «Nyɩ nyɛ̃, tɩ dúor'ɩ a Zerizalɛm. A lɛ za a naaŋmɩn-ƴɛ̀r-manbɛ na tɩ dãw sɛb yel a Nɩsaal Bie ƴãw a na tu na.

Luka 18:33

Bɛ na fɔb ʋ na, ɛ́ kʋ ʋ, ɛ́ a bibie ata sob ʋ lɛb yi a kũu pʋɔ.»

Luka 24:46

ɛ́ yel bɛ: «À ŋá n'a bɛ tɩ sɛb: “A Naaŋmɩn Nɩ-kabra na wõ n tuo, ɛ́ lɛb yi a kũuni pʋɔ a bibie ata sob,

Luka 9:22

ɛ́ tɩ ír a pɛr à ŋá kʋ̀ bɛ: «A fɛr'a kɛ́ a Nɩsaal Bie wõ tuo yaga, kɛ́ a Zifʋ mɩnɛ nɩ-kore, nɩ a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ jɛ ʋ bɛr, a fɛr'a kɛ́ bɛ kʋ ʋ, ʋʋ lɛb yi a kũu pʋɔ a bibie ata sob daar.»

Zã 1:11

Ʋ wa n a ʋl mɩŋa zi-sóra pʋɔ, ɛ́ a ʋ nɩbɛ bɛ wa de ʋ ɛ.

Zã 12:38

Lɛ n'a a naaŋmɩn-ƴɛ̀r-manɛ Ɩzayi ƴɛ̀r-bie á ŋá tɩ tu: «Sore e, ãa n'ʋ sàw de a tɩ ƴɛ̀rʋ? Ãa n'ʋ a Sore wul a ʋ kpɛnʋ?»

1 Samɩɛl 10:19

Ɛ́ dɩ̃a nyɩ wa zawrɩ a nyɩ Naaŋmɩn bɛr, ʋl na sõwne nyɩ a nyɩ kpɩɛrʋ nɩ a nyɩ pʋl-vʋ̃ɔ za pʋɔ a, ɛ́ yel ʋ: “Kʋ̀ tɩ nãà.” A na ɩ à ŋá a, nyɩ wa a Sore niŋé dɔwlʋ dɔwlʋ, yie yie.»

1 Samɩɛl 8:7

A Sore tɩ yel'ɩ a Samɩɛl: «Bɛr wõ a Ɩsɩrayɛl nɩbɛ, sàw a bɛ zɛlʋ. Bʋ̃ʋ n'ʋ vɛ̃, fʋ̃ʋ bɛ n'ʋ bɛ zawrɛ bɛrɛ ɩ, mãa n'ʋ. Bɛ bɛ cãà bɔbr k'ɩ̃ɩ dɩrɛ naalʋ a bɛ zu ɛ.