Luka 16:9 - A SƐB-SÕW

⁹ «Ɛcɛ mãa yere na kʋ̀rɛ nyɩ, nyɩ de a nyãnyu-libie á ŋá ír'ɩ bárɩ, alɛ bɛ wa cãà a nyɩ nũú a, a bárɩ bɛ ŋa bɛ̃ɛ de nyɩ a kpɛb ziir na bɛ tɛr sãwfʋ daar a pʋɔ.

Luka 16:9 ပူးပေါင်းရင်းမြစ်များ

Sɛb-sõw yielu 73:26

A ɩ̃ ƴã-gan nɩ a ɩ̃ socir na tʋ̃ɔ́ na bàl, ɛcɛ Naaŋmɩn i, fʋ̃ʋ n'ɩ a ɩ̃ socir fãw, nɩ a bom ɩ̃ na só kʋralɛ a.

Zʋkpaɩ 14:24

A naalʋ n'ɩ a yã-bãwnbɛ bʋ̃-páwra, ɛcɛ a dãbole bɛ yire zaarɛ a bɛ dãbolu pʋɔ towtow ɛ.

Zʋkpaɩ 19:17

Nɩr na kʋ̀ nã́w sob bom a pɛ̃w nɩ a Sore, ɛ́ a Sore na lɛb'a kʋ̀ ʋ.

Zʋkpaɩ 23:5

Fʋ bɛ mɩ́ nyɛ̃ ʋ baar ɛ, ʋʋ bɔr, ʋ mɩ́ ƴãw nɩ pɩgɛ ƴaw nɩ mɛ̃ a sɩla na mɩ́ ƴaw do a salom zu a.

Ekilezɩasɩ 11:1

Ta bʋ́nɛ nɩ a kũu-pire cɛb ɛ, fʋ nãà vɩrɩ na páw tɔnɛ bibir kãw.

Ɩzayi 57:16

Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ, bɩɩ nyɛ̃ a suur kʋralɛ ɩ. Alɛ bɛ ɩ lɛ, a nyɔ-vʋʋrʋ pɩɛlʋ kʋ̃ cãà be a bɛlɩ dem ɩ̃ na ír a zie ɩ.

Matie 19:21

A Yeezu yel ʋ: «Fʋ̃ʋ wa bɔbr kɛ́ fʋ vɩɛl fʋ za a, cen tɩ de a fʋ bʋ̃-tɛrɩ za kʋɔrɩ, de a libie kʋ̀ nan dem, ɛ́ fʋ na páw nɩ na-bome a tẽ-vla pʋɔ, al pùorí, wa, wa tuur mɛ̃.»

Matie 6:19

«Nyɩ ta bɔbr na-bome gbone taa a tẽw zu ka, mɔwr nɩ zãzule na mɩ́ sãwnɛ bɛrɛ, ɛ́ a nyãnyuwr mɩ́ kar a pamɛ ɛ́ kpɛ zu a ɩ.

Matie 6:24

«Nɩr za kʋ̃ tʋ̃ɔ́ ɩ na-mɩnɛ ayi tõ-tõ-bie ɩ: ʋ na hɩ̃ɛn nɩ a dãw-niwn sob, ɛ́ nɔnɛ a ayi sob, bɩɩ ʋ na tu n a kãw pùor, ɛ́ bɛr a kãw. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Luka 11:41

Nyɩ nɩ̃ɛ de a nyɩ koli-nyúura pʋɔ bome nɩ a nyɩ laar pʋɔ bome sõw nɩ nɩ-kɔmɛ, ɛ́ bom za na ɩ n bʋ̃-vla a nyɩ zie.

Luka 12:33

Nyɩ de a bome nyɩ na tɛr a, kʋɔrɩ sõw nɩ nɩ-kɔmɛ. Nyɩ bɔ wɛr-wʋʋr na bɛ zawr a, nɩ na-bome nyɩ na kʋ̃ bɔ gù a tẽ-vla pʋɔ a, a be nyãnyuge na bɛ pɩɛlɛ a, be gume na bɛ dɩrɛ a.

Luka 14:14

Ɛcɛ nʋ̃ɔ̀ na kpɩɛr fʋ na, bɛ na kʋ̃ tʋ̃ɔ́ kʋ̀ b bom za yáa a san a. A nɩ-mɩn kũu-pʋɔ-lɛb-yibu daar a, fʋ na páw nɩ a sã-ya.»

Luka 16:11

Nyɩ bɛ wul'a kɛ́ nyɩ ɩ n nɩ-mɩn a nyãnyu-libie yele pʋɔ ɩ, ɛ́ ãa n'ʋ na sàw de bʋ̃-sɩza kʋ̀ nyɩ nyɩ kaarɛ?

Luka 16:13

«Tõ-tõ-bie kãw za kʋ̃ tʋ̃ɔ́ nɩ-bɛrɛ ayi tome tõ ɩ: alɛ bɛ ɩ lɛ, ʋ na hɩ̃ɛn nɩ a dãw-niwn sob ɛ́ nɔnɛ a ayi sob, bɩɩ a dãw-niwn sob'ʋ ʋ na tu, ɛ́ bɛ ŋmɛlɛ kaar a ayi sob ɛ. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Luka 16:4

Ɛcɛ ɩ̃ bãw nɩ a lɛ ɩ̃ na na ɩ, bɛlɛ wa diw mɛ̃ bɛr a ɩ̃ bome kaafʋ tome pʋɔ a, mãa nyɛ̃ nɩbɛ bɛ kʋ̀ m taw-lanʋ zie a bɛ yie pʋɔ a.”

Nɩ-toni 10:31

ɛ́ yel mɛ̃: “Kɔrnɛɩ i, Naaŋmɩn wõ n a fʋ puoru, ʋ bɛ yiiri a fʋ nɩ-kɔmɛ sõwfʋ bɛr ɛ.

Nɩ-toni 10:4

A Kɔrnɛɩ tɩ jɩ́r ʋ nɩ gbẽgbẽ, ɛ́ dɛ̃bɩ̃ɛ nyɔw ʋ, ʋ sɔw: «Ɛ́ bʋnʋ, Sore e?» A malkɩ tɩ lɛb yel ʋ: «Naaŋmɩn nyɛ̃ nɩ a lɛ fʋ na sõwne a nɩbɛ a, ʋ sàw na de a fʋ puoru, ʋ bɛ yiiri fʋ bɛr ɛ.

2 Korɛ̃tɩ 4:17

A kpɩɛrʋ tɩ na páwr a ƴɛrɛŋa a bɛ zɛ̃ bom a yúor-vɩɛlʋ-danʋ na bɛ dɩ vuo ɛ́ be kʋralɛ a ƴãw ɛ. A yúor-vɩɛlʋ-danʋ ŋa ƴãw n'a a kpɩɛrʋ á ŋá cɔbrɛ tɩ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:21

Nyɩ be a Naaŋmɩn nɔ̃wfʋ pʋɔ gùre nɩ kɛ́ a tɩ Sore Yeezu Kɩrɩta wa kʋ̀ nyɩ a nyɔ-vʋʋrʋ na be kʋralɛ a, a ʋ su-ɓaarʋ pʋɔ.