Luka 16:26 - A SƐB-SÕW

²⁶ À ŋá za fʋ na saa yere a, bɛ ƴãw nɩ gbʋlãkpow-kpɛ̃ɛ a nyɩɩm nɩ a tɩɩm cará, kɛ́ a bɛlɩ dem nãà wa bɔbr kɛ́ bɛ mɩ́ wa a nyɩ zie a, bɛ ta tʋ̃ɔ́ ɩ, ɛ́ nɩr mɩ̀ ta mɩ́ yi a nyɩ zie be ɛ́ wa a tɩ zie ka ɩ.”

Luka 16:26 ပူးပေါင်းရင်းမြစ်များ

Sɛb-sõw yielu 49:14

Ɛcɛ a nɩbɛ na ƴãw a bɛ tɩɛrʋ za a bɛl mɩŋa ƴãw a, à ŋá n'a a bɛ yele na ŋmɛ̃, a bɛl na nɔnɛ a bɛ mɩŋa ƴɛ̀rʋ bɛr-wob a, à ŋá n'a a bɛ nɩdaar yele na ŋmɛ̃: Tɛw-àrʋ

Sɛb-sõw yielu 50:22

Nyɩ bãw a pɛr vla, nyɩɩm na yiire mɛ̃ bɛrɛ a, alɛ bɛ ɩ lɛ, ɩ̃ na ŋma nyɩ nɩ pʋrpʋr, ɛ́ nɩr bɛ ka be na yel k'ɩ̃ɩ ta ɩ a lɛ ɩ.

Ezekɩɛl 28:24

«A nɩ-bʋʋrɛ na pɩɛlɩ a, bɛ been kãw za kʋ̃ lɛb ɩ a Ɩsɩrayɛl nɩbɛ la ɩ. Bɛ kʋ̃ cãà ɩ a ʋ zie mɛ̃ gɔ-tuw na cɔ̀rɛ ɛ́ tawr cɩɛrɛ a ɩ. Lɛ n'a a nɩbɛ za na bãw kɛ́ mãa n'ɩ a Sore.

Malasɩ 3:18

Lɛ n'a nyɩ na lɛb nyɛ̃ a nɩ-mɩn nɩ a nɩ-faar na bɛ ɩ been a, a bɛlɩ dem na tone a Naaŋmɩn tome nɩ a bɛlɩ dem na bɛ tone a ʋ tome a.

Matie 25:46

A bɩɛrɩ bɛ ŋa na cen nɩ a dɔwrʋ na bɛ tɛr baarʋ a pʋɔ, ɛ́ a nɩ-mɩn cen a nyɔ-vʋʋrʋ na be kʋralɛ a pʋɔ.»

Luka 12:59

Ɩ̃ yere na kʋ̀rɛ fʋ: fʋ̃ʋ bɛ wa tɩ ya a wɛ-bi-pɛ-baara a, fʋ bɛ yire ɩ.»

Luka 16:25

Ɛcɛ a Abraham tɩ yel ʋ na: “Ɩ̃ bie e, lɛb tɩɛrɩ bãwnɩ fʋ na páw a nʋ̃ɔ̀ a fʋ tẽw zu nyɔ-vʋʋrʋ pʋɔ, ɛ́ a Lazaar páw a tuo a. Ƴɛrɛŋa a, ʋ nyɛrɛ nɩ mɔwlʋ a ka, ɛ́ fʋ mɩ̀ nɩ̃ɛ wone tuo.

Luka 16:27

A nãà yel: “Alɛ wa ɩ lɛ a, ɩ̃ zɛlɛ fʋ na, ɩ̃ sãà a, kɛ́ fʋ tõ a Lazaar a ɩ̃ sãà yir pʋɔ.

Zã 3:36

Sob nɛ na sàw de a Bie a páw nɩ a nyɔ-vʋʋrʋ na be kʋralɛ a. Ɛcɛ sob nɛ bɛ wa sàw de a Bie a, ʋ kʋ̃ páw a nyɔ-vʋʋrʋ ŋa ɩ, ɛ́ a Naaŋmɩn suur be n a ʋ sob ƴãw.»

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.

Yel-wula 22:11

Sob nɛ ɩb na bɛ tu sɔ́r a, ʋ cãà ɩrɛ a ta tu a sɔ́r ɛ, ɛ́ a nɩ-faa cãà ɩrɛ a nɩ-fa-ɩb. A nɩ-mɩŋa, ʋ cãà ɩrɛ a nɩ-mɩŋa ɩb, ɛ́ a nɩ-sõw cãà ɩrɛ a nɩ-sõw ɩb.»

1 Samɩɛl 25:36

A Avigayil na tɩ lɛb ta a yir a, ʋ tɩ nyɛ̃ nɩ a Naval ʋ maalɛ cuw, a dɩb tɩ sɩrɩ na ɩ nãà cuw dɩb. Nʋ̃ɔ̀ tɩ ɩrɛ nɩ a Naval yaga, ʋʋ nyũ a dãa tɩ kuoli, lɛ so a Avigayil bɛ tɩ ƴɛ̀r ƴɛ̀rʋ za a ʋ zie ɩ, ɛ́ a zie tɩ vɩɛ.