Luka 16:23 - A SƐB-SÕW

²³ A tɩ wone ʋ nɩ yaga a nɩ-kũuni tẽw pʋɔ be. Ʋ wa dʋɔ nɩ zu wɩɛr tɩ nyɛ̃ a Abraham, ɛ́ a Lazaar zɩ̃ kɔwlɩ ʋ.

Luka 16:23 ပူးပေါင်းရင်းမြစ်များ

Sɛb-sõw yielu 16:10

Bʋ̃ʋ n'ʋ vɛ̃, fʋ kʋ̃ bɛr a ɩ̃ sɩ́ɛ a kpɩmɛ tẽw pʋɔ ɩ, fʋ kʋ̃ sàw a mãa, fʋ nɩ-nɔna, ɩ̃ nyɛ̃ a bɔw-zɩɛ ɩ.

Sɛb-sõw yielu 49:15

Bɛ pàw bɛ na mɛ̃ píir a, a kpɩmɛ tẽw, a kũu n'ɩ a bɛ cɩ̃ɩnɛ. — A nɩ-mɩn na dɩrɛ nɩ naalʋ a bɛ zu. — A bɛ dasule na bɔr'ɩ fɔ̃w fɔ̃wlɛ, a kpɩmɛ tẽw n'ʋ na ɩ a bɛ kpɛb zie.

Sɛb-sõw yielu 86:13

Fʋ sɩrɩ na nɔnɛ mɛ̃ bɛ dɩ vuo ɩ, fʋ ír mɛ̃ nɩ a kpɩmɛ tẽw bɔw-zulu pʋɔ.

Sɛb-sõw yielu 9:17

A Sore ɩ na bɛ bãw ʋ, ʋ dɩ n a ƴɛ̀rʋ, a nɩ-faa lɛb'a kpɛ a ʋ mɩŋa bɛra pʋɔ. bàalʋ bàalʋ ŋmɛb Tɛw-àrʋ

Zʋkpaɩ 15:24

Nɩr na bãw yã a mɩ́ tuur'ɩ a sɔ́r ʋl na dúor a nyɔ-vʋʋrʋ zie a. Ʋ mɩ́ dɛ n a ʋl na siwr a kũu zie a.

Zʋkpaɩ 5:5

A pɔw ŋa ɩb wɩɛr'ɩ ʋ nɩ a kũu zie, ɛ́ a ʋ gbɛ-ceni siwr'ɩ ʋ a kpɩmɛ tẽw daadaa.

Zʋkpaɩ 7:27

A ʋ yir cenu ɩ n a kpɩmɛ tẽw cenu, a ɩ n a kũuni tẽw siwfʋ.

Zʋkpaɩ 9:18

Ɛcɛ, a nɩbɛ bɛ ŋa bɛ bãw kɛ́ bɛ lãw nɩ nɩ kũuni ɛ, bɛ bɛ bãw k'aa Dãbolu nɩ-bʋɔlɩ be n a kpɩmɛ tẽw pʋ̃ɔmɩ za ɩ.

Ɩzayi 14:15

Ɛcɛ a kpɩmɛ-tẽw n'a a wa fɛr fʋ siw, a bɔw-zulu pɛrɩ́.

Ɩzayi 14:9

A kpɩmɛ-tẽw damnɛ nɩ a pile a fʋ ƴãw, a fʋ waa yele bɛ na wõ a ƴãw. Ʋ sɩ̃wnɛ nɩ a nyãakpɩmɛ a fʋ ƴãw, a bɛlɩ dem za na tɩ dãw ɩ nɩ-bɛrɛ a tẽw zu a. Ʋ ƴãw na a nɩ-bʋʋrɛ na-mɩnɛ ìre a bɛ naalʋ-dà-kɔwr zuru.

Matie 11:23

Ɛ́ fʋ̃ʋ, Kafarnawɔm i, fʋ tɩɛrɛ kɛ́ fʋ na do na tɩ tɔ a salom bɩɩ? Fʋ na siwri na tɩ ta a kpɩmɛ tẽw. Bʋ̃ʋ n'ʋ vɛ̃, a nɔ-ɓãa-yele na maalɩ a fʋ zie a, a Sodɔm tẽw tɩ n'a a, ʋ nãá cãà nɩ be nɩ dɩ̃a.

Matie 18:9

Ɛ́ a fʋ mimir wa n'ʋ tawr fʋ ƴãwn a yel-bier pʋɔ a, 'lòw ʋ ír lɔb bɛr ʋ zãá nɩ fʋ. Fʋ na na kpɛ a nyɔ-vʋʋrʋ pʋɔ ɛ́ ɩ mimi-fɩɔ a, alɛ sa fʋ na na tɛr a fʋ mimie a za ayi, ɛ́ bɛ lɔb fʋ ƴãw a tẽ-faa vũumí a.»

Matie 23:33

Wɩɩr nɩ dɔpan bʋʋrɛ bɛ ŋa! Ŋmɩŋmɩn n'a nyɩ na tʋ̃ɔ́ nɩɩrɩ a tẽ-faa dɔwrʋ bɛr?

Matie 5:22

Ɛcɛ mãa yere na kʋ̀rɛ nyɩ: sob nɛ za na nyɛ̃ nɩ a ʋ yɛb suur a, na cen nɩ ƴɛ̀rʋ-maalʋ zie tɩ yel a pɛr. Nɩr wa yel a ʋ yɛb: “Dãbol ŋa!”, ʋ sob na cen nɩ a ƴɛ̀rʋ-dɩb-lãw-kpɛ̃ɛ niŋé. Ɛ́ nɩr wa yel ʋ: “Yãyaar sob ŋa!”, ʋ na sɛwnɩ nɩ a tẽ-faa vũu pʋɔ kpɛb.

Matie 5:29

A fʋ dʋrʋ mimir wa tawr fʋ ƴãwn yel-bier pʋɔ a, 'lòw ír ʋ lɔb bɛr ʋ zãá nɩ fʋ. A fʋ ƴã-gan zie kãw saa sãw a, alɛ sa bɛ na na lɔb fʋ fʋ za ƴãw a tẽ-faa pʋɔ a.

Matie 8:29

Bɛ tɩ ŋmɩɛr'ɩ cɛlsɩ yere nɩ: «Bʋ̃ʋ n'a jɩ́rɛ fʋ, Naaŋmɩn Bie e? Fʋ wa na kɛ́ fʋ wa sɔbr tɩ niwn ɛ́ a daar bɛ ta sɛr ɛ?»

Luka 16:24

Lɛ n'a ʋ tɩ lɔb cɛl yel: “Ɩ̃ sãà Abraham i, zɔ ɩ̃ nɩbaalʋ, ɛ́ ƴãw a Lazaar cen tɩ tõ nobir kʋ̃ɔmɩ́ wa ɓãá nɩ mɛ̃ zɛl, ɩ̃ wone nɩ tuo yaga a vũu á ŋá pʋɔ.”

Luka 16:28

Ɩ̃ tɛr'ɩ yɛbr anũu. Ʋ tɩ yel kʋ̀ bɛ kɛ́ bɛ maal ɩrɛ, taa wa nanɩ waar a tuo-wob zie ka ɩ.”

Luka 8:28

Ʋ na wa nyɛ̃ a Yeezu a, ʋ kõ na cɩɩrɩ ɛ́ lo gbĩ dume a ʋ pile, ɛ́ vaa kɔkɔr yel: «Naaŋmɩn-na-do-saa-bɛ-pɩɛl-a Bie, Yeezu u, mãa nɩ fʋ̃ʋ mɩ̀ bʋnʋ? Ɩ̃ zɛlɛ fʋ nɩ yãayãa, taa dɔwrɛ mɛ̃ ɩ!»

1 Korɛ̃tɩ 15:55

Alɛ kũu u, nyɩn lowr'a fʋ zɛb tʋ̃ɔ́? Alɛ kũu u, a fʋ pĩi-zɛl wa mɔ̃?»

2 Pɩɛr 2:4

Bʋ̃ʋ n'ʋ vɛ̃, a malkɩ mɩnɛ bɛl na sãw a, a Naaŋmɩn bɛ bɛr bɛ ɩ, ʋ lɔb bɛ na ƴãw a tẽ-faa lige pʋɔ cɛlɛ nɩ a ƴɛ̀rʋ-maalʋ.

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.