Luka 16:20 - A SƐB-SÕW

²⁰ Nã́w sob kãw, bɛ na bʋɔlɛ kɛ́ Lazaar a, tɩ gã nɩ a nãà dɩ̃dɔr nʋɔr: a ʋ ƴã-gan za tɩ ɩ n natɩɛ.

Luka 16:20 ပူးပေါင်းရင်းမြစ်များ

A Zɔb sɛbɛ 2:7

A Sɩtaana tɩ yi n a Sore zie be tɔl cen. Ʋ tɩ ɩ n natɩ-faar yi pàw a Zɔb ƴã-gan za, a gbɛ́ɛ tɩ tɔ a zu-sɔwlɩsɔw.

Sɛb-sõw yielu 34:19

A Sore pɩɛl'ɩ a su-sãwnɩ dem, ɛ́ mɩ́ faa a bɛlɩ dem a tɩɛrʋ na sãw a.

Sɛb-sõw yielu 73:14

Bɛ pɔbr mɛ̃ nɩ bibie za, biɓaarɛ za, ɩ̃ mɩ́ nyɛ̃ nɩ dɔwrʋ.

Ɩzayi 1:6

A gbɛ́ɛ tɩ tɔ a zu a, zie za bɛ cɛ ɩ. Wʋlɛ n'ɩ a ziir za, ŋmɩɛrʋ ziir na sãá a nɩ na-tɩ-zɩɩr nɩr za na bɛ pɛ́w a, na bɛ 'lẽ a, na bɛ ɩ kãá sɔ a.

Zeremi 8:22

Kãá na mɩ́ ɩ a 'wɔbrʋ siwri a bɛ cãà a Galaadɩ tẽw pʋɔ bɩɩ? Tɩ̃ɩ-ɩrɛ bɛ cãà a be bɩɩ? Bʋ̃ʋ n'ʋ so a ɩ̃ nɩbɛ wʋ̀ʋr kʋ̃ tʋ̃ɔ́ baarɩ mɔ̃?

Matie 26:71

Ʋ na tɩ cere a davʋra dɩ̃dɔr nʋɔr a, tõ-tõ-bi-pɔw ƴen sob tɩ nyɛ̃ ʋ na, ɛ́ yel kʋ̀ a bɛlɩ dem na tɩ be a be a: «A sob ŋa tɩ tuur'ɩ a Nazarɛtɩ tẽw Yeezu.»

Luka 16:19

«Nɩr kãw tɩ be n be kpɛ naalʋ yaga. Ʋ tɩ suur'ɩ fɔbr-vɩɛlɩ vɩɛlɩ, a dàarʋ na kpɛmɛ a, ɛ́ dɩrɛ cuw bʋ̃-dɩ-kãánɩ bibi-vɩɛrɩ za.

Luka 16:21

Ʋ tɩ bɔbr'a k'ʋʋ nãá mɩ́ páw a nãà bʋ̃-dɩ-ŋmaarɛ na lore a tẽw a tɩ dɩ tɩw, ɛcɛ baar'a nɩ̃ɛ mɩ́ tɩ wa lɛnɛ a ʋ natɩɛ.

Zã 11:1

Nɩr kãw tɩ be n be ɩ bàal, a yúor dɩ kɛ́ Lazaar. Betani tẽw n'a ʋ tɩ yi, a Marya nɩ a ʋ yɛb Marta tẽw.

Nɩ-toni 3:2

Nɩbɛ kãw mɩ́ tɩ tuo nɩ dɛb na dɔw ɩ gbɛr a wa n. Bibir za, bɛ mɩ́ tɩ wa na wa bɛr ʋ ʋ zɩ̃ a Ŋmɩn-yir-kpɛ̃ɛ dɩ̃dɔr ʋl bɛ na bʋɔlɛ kɛ́ «Dɩ̃dɔr-vla» a ƴãw, k'ʋʋ tʋ̃ɔ́ mɩ́ zɛlɛ a nɩbɛ na kpɩɛr a Ŋmɩn-yir-kpɛ̃ɛ pʋɔ a libie.

Zakɩ 1:9

A yɛb ʋl na bɛ tɛr a a, ʋ cɩlɛ a Naaŋmɩn na zɛwr ʋ a ƴãw,

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

1 Samɩɛl 2:8

Ʋ mɩ́ nyɔw nɩ a bãbàal a tanɛ pʋɔ ʋ lɛb ìr, ɛ́ ír a nã́w sob a sagɛ pʋɔ, k'ʋʋ zɩɩlɩ bɛ na-mɩnɛ dà-kɔwr zu, bɛlɛ nɩ a nɩ-yée. A Sore so a tẽw za, ʋlɛ n'ʋ dɔwl'ʋ a ʋ kpule zu.