Luka 16:16 - A SƐB-SÕW

¹⁶ «A Naaŋmɩn wulu nɩ a naaŋmɩn-ƴɛ̀r-manbɛ wulu tu na tɩ ta a Zã-Bati daar. Ɛcɛ a na tĩ a Zã-Bati daar a, a nɩbɛ wõ n a Naaŋmɩn Naalʋ Yel-nʋ̃ɔ̀ bɛ na hier'a, ɛ́ nɩsaal za mɩ́ ƴãw fãw bɔbr k'ʋʋ kpɛ a Naaŋmɩn Naalʋ pʋɔ.

Luka 16:16 ပူးပေါင်းရင်းမြစ်များ

Matie 10:7

Nyɩ hiere a sɔ́r zu k'aa tẽ-vla Naalʋ taw na pɩɛlɩ.

Matie 15:11

Bom nɛ na kpɩɛr a nʋɔrɩ́ a, ʋlɛ bɛ n'ʋ dɛwr a nɩsaal ɛ. Bom nɛ na yire a nʋɔrɩ́ a, ʋlɛ n'ʋ dɛwr a nɩsaal.»

Matie 21:32

Bʋ̃ʋ n'ʋ vɛ̃, Zã tɩ dãw na wa a nyɩ zie, wa wul nyɩ a yel-mɩŋa sɔ́r, ɛ́ nyɩ bɛ sàw de a ʋ ƴɛ̀rʋ ɛ. Ɛcɛ a zuru-yar-dierbɛ nɩ a pɔw-yɛmɛ tɩ sàw na de a ʋ ƴɛ̀rʋ. Ɛ́ a nyɩɩm, nyɩ na saa nyɛ̃ à à ŋá a, nyɩ cãà bɛ lɩɛbɩ a nyɩ ɩb a pùorí kɛ́ nyɩ tʋ̃ɔ́ sàw de a ʋ ƴɛ̀rʋ ɛ.»

Matie 3:2

«Nyɩ lɩɛbɩ a nyɩ ɩb, a tẽ-vla Naalʋ pɩɛl'a.»

Matie 4:17

Lɛ n'a a Yeezu tɩ tĩ hiere yere: «Nyɩ lɩɛbɩ a nyɩ ɩb, a tẽ-vla Naalʋ pɩɛl'a.»

Matie 4:23

A Yeezu tɩ cɔlɛ nɩ a Galile tẽw za kanɛ nɩ a nɩbɛ a puoru-dirú, hiere nɩ a tẽ-vla Naalʋ Yel-nʋ̃ɔ̀, ɛ́ sanɛ bàal-pɛ-bʋʋrɛ za nɩ nɩ-kɔwlʋ bʋʋrɛ za a nɩbɛ zie.

Markɩ 1:14

Bɛ na wa nyɔw a Zã pàw baar'a, a Yeezu tɩ wa n a Galile lowr wa hiere a Naaŋmɩn Yel-nʋ̃ɔ̀ yere nɩ:

Markɩ 1:45

Ɛcɛ ʋ tɩ yire na wa báarɛ ɛ́ nyɔw a yel ŋa hieri, ŋmɛ yaarɩ a ziir za. A na tɩ ɩ lɛ a, a Yeezu bɛ mɩ́ lɛb tɩ tʋ̃ɔ́ kpɛ tẽ-kpɛ̃ɛ kãw za pʋɔ cãàmɩ́ ɛ. Ʋ mɩ́ tɩ be n a wɛja pʋɔ, ɛ́ a nɩbɛ yire a ziir za waar a ʋ zie.

Luka 10:11

“A nyɩ tẽw uuru tɛɛ za na pàw a tɩ gbɛ́ɛ a, tɩ tɛbr a na bɛrɛ kʋ̀rɛ nyɩ. Ɛcɛ nyɩ bãwnɩ a, a Naaŋmɩn Naalʋ ta na.”

Luka 10:9

Nyɩ sanɛ a bàalbɛ a be, ɛ́ yere kʋ̀rɛ a tẽw dem: “A Naaŋmɩn Naalʋ ta nyɩ na.”

Luka 16:29

A Abraham tɩ yel ʋ na: “A Moyiir nɩ a naaŋmɩn-ƴɛ̀r-manbɛ be n be, bɛ bɛrɛ wone a bɛ ƴɛ̀rʋ.”

Luka 16:31

Ɛcɛ a Abraham tɩ sɔw ʋ na: “Bɛlɛ bɛ wa wone a Moyiir nɩ a naaŋmɩn-ƴɛ̀r-manbɛ ƴɛ̀rʋ a, ɛ́ nɩr saa yi a kũuni pʋɔ cen a, bɛ cãà kʋ̃ sàw ɛ.”»

Luka 9:2

Al pùorí, ʋ tɩ tõ bɛ na kɛ́ bɛ cen tɩ hiere k'aa Naaŋmɩn Naalʋ dɩb ta na, ɛ́ sanɛ a bàalbɛ.

Zã 1:45

Ʋ tɩ tuor'ɩ Natanayɛl yel ʋ: «A nɩr ʋl yele a Moyiir na manɛ a Naaŋmɩn wulu sɛbɛ pʋɔ a, ɛ́ a naaŋmɩn-ƴɛ̀r-manbɛ mɩ̀ ƴɛ̀r a ʋ ƴɛ̀rʋ a, tɩ nyɛ̃ ʋ na, a Zuzɛb bidɛb Yeezu na yi Nazarɛtɩ tẽw a n'ʋ.»

Zã 11:48

tɩmɛ wa cãà bɛr ʋ ʋ ɩrɛ à ŋá a, a nɩbɛ za na sàw na de ʋ, ƴãw a Ʋrɔm nɩbɛ ìr wa sãw a tɩ zi-sõw bɛr, ɛ́ kʋ a tɩ bʋʋrɛ pàw pɛr.»

Zã 12:19

A lɛ n'a a Faarizɩ̃ɛ mɩnɛ tɩ yere kʋ̀rɛ taa: «Nyɩ nyɛ̃ a na: nyɩ kʋ̃ tʋ̃ɔ́ ɩ bom za ɩ: a tẽ-daa nɩbɛ za n'ɩ bɛ ŋa tuur ʋ!»

Zã 5:4

Tɛm kãw pʋɔ, Sore malkɩ mɩ́ siw na dam a kʋ̃ɔ a ɓuule, ɛ́ sob nɛ wa de niwn siw a kʋ̃ɔ na ɓuule a pʋɔ a, a ʋ bàalʋ saa ŋmɛ̃ ŋmɩŋmɩn a, a mɩ́ baar'a.]

Nɩ-toni 3:18

Ɛ́ à ŋá n'a a Naaŋmɩn mɩ̀ tu maalɩ a ʋlɩ bom nɛ ʋ na dãw ƴãw a ʋ ƴɛ̀r-manbɛ za yel a: a ʋ Nɩ-kabra na na wõ a tuo a.